Եթե նորից պատերազմ սկսվի, այն չի նմանվի 1990-ականներին տեղի ունեցածին. Արմեն Դուլյան

581
Քաղաքական մեկնաբան Արմեն Դուլյանը Sputnik Արմենիայի «Օրացույց Արման Վանեսքեհյանի հետ» հաղորդման շրջանակում անդրադարձել է ՌԴ արտգործնախարար Սերգեյ Լավրովի երևանյան այցին, հնչած որոշ հայտարարություններին, ինչպես նաև արցախյան խնդրի կարգավորման իրողություններին:

Արմեն Դուլյանի դիտարկմամբ՝ փորձը ցույց է տալիս, որ հայտարարություններն իրականում ոչ մի արդյունք չեն տալիս և ղարաբաղյան խնդրի հանգուցալուծման գործում ոչինչ չեն փոխում: Ըստ նրա՝ Սերգեյ Լավրովի հայտարարություններում հաճելին այն էր, որ նա նույնպես փաստեց, որ խնդրի վերջնական լուծումը չի կարող լինել առանց արցախցիների մասնակցության ու նրանց կարծիքը հաշվի առնելու: Իսկ մյուս, ոչ այնքան հաճելի պահն այն էր, որ հայտարարվեց, թե Հայաստանի մեղքով է Լեռնային Ղարաբաղը դուրս մնացել բանակցությունների ձևաչափից:

«Ընդհուպ մինչև 1998 թվականը Մինսկի խմբի համանախագահներն իրենց առաջարկներն ուղարկում էին նաև Ստեփանակերտ, որպեսզի այնտեղից ստանային համապատասխան կարծիքներ:  Դրանից հետո միայն առաջարկներն ուղարկվում էին Երևան, որովհետև Ռոբերտ Քոչարյանն Արցախից էր, հետևաբար, ընթացող բանակցություններում պաշտպանում էր նաև Արցախի շահերն, և այդ մասին նշել է ինչպես Քոչարյանը, այնպես էլ ներկայիս վարչապետ Նիկոլ Փաշինյանը»,- հիշեցնում է քաղաքական մեկնաբանը:

Արմեն Դուլյանն անդրադառնում է նաև Մինսկի խմբի գործունեությանը՝ նշելով, որ դա հանձնաժողովի պես մի բան է, որը կոչված է կոնկրետ հարց լուծելու և ոչ մի ուրիշ գործառույթ չունի:

Բաբայան. «Լավրովի հայտարարությունը և՛ պատգամ է, և՛ մեսիջ, և՛ ԵԱՀԿ հավաքական մոտեցում»

Արմեն Դուլյանի դիտարկմամբ, եթե նորից պատերազմ սկսվի, ապա այն չի նմանվի 1990-ականների առաջին կեսին տեղի ունեցած պատերազմին: Այն կլինի բարդ, իսկ հետևանքները կլինեն անկանխատեսելի: 

581
թեգերը:
Սերգեյ Լավրով, Արմեն Դուլյան, Արցախ, Լեռնային Ղարաբաղ, Ղարաբաղյան հակամարտություն, ԵԱՀԿ Մինսկի Խումբ, Ադրբեջան, Ռոբերտ Քոչարյան, Նիկոլ Փաշինյան
թեմա:
Իրականում / Օրացույց (701)

Ընդամենը մեկ օր Կամո Նիգարյանը վրդովելու է արվեստասերներին. ցուցադրություն Երևանում

14
(Թարմացված է 23:18 05.08.2021)
«Ռամբալկոշե» նախագծի հիմնադիր Վահան Ստեփանյանը և արվեստաբան, համադրող Վիգեն Գալստյանը Sputnik Արմենիայի «Արտբոքս» հաղորդաշարի եթերում խոսել են Կամո Նիգարյանի արվեստի, ոճային և գաղափարական ավանդույթների ու «Cabo Negro» ցուցադրության մասին, որը բաց կլինի ընդամենը մեկ օր։

Երևանում` «Ռամբալկոշե» ցուցասրահում, օգոստոսի 8–ին ցուցադրվելու են Կամո Նիգարյանի վերջին 10 տարվա գրաֆիկական աշխատանքները` 300–ից ցուցադրվելու են մոտ 30–ը:

«Հայ արվեստը ոլորտ է, որ հայ հասարակությունը կարիք ունի հայտնաբերելու։ Դա կարիք է և ոչ թե մշակութային ապրանք։ Ցավոք, սովոր ենք, որ արվեստն այնքան հասանելի է, որ ջանք պետք չէ գործադրել, մինչդեռ այն պետք է փնտրել, գտնել և դարձնել քոնը։ Այս ցուցադրությունը իրադարձության սկզբունքով է, նպատակն էլ մեկն է`արվեստի հետ հանդիպումը հետ բերվի իրադարձության կարգավիճակի», – Sputnik Արմենիայի եթերում ասաց «Ռամբալկոշե» նախագծի հիմնադիր Վիգեն Գալստյանը։

Արվեստաբան, համադրող Վահան Ստեփանյանն էլ խոստովանեց` երբ առաջին անգամ տեսել է Կամո Նիգարյանի ստեղծագործությունները, հասկացել է, որ նկարագրելիս կարող է խոսքի և մտքի արագությունը չհերիքել։

«Ու գիտակցում եմ, որ դա դեռ ընդամենը 10 տարի առաջ էր` նյարդ յուրաքանչյուր սանտիմետրում», – ասաց նա։

Ինչու հայերը հայտնվեցին միջանկյալ իրականությունում. հարցազրույց Արամ Պաչյանի հետ

Նկարիչ, դիզայներ, լուսանկարիչ Կամո Նիգարյանը ծնվել է 1950 թվականին, մահացել` 2011-ին։ Համարվում է ֆիգուրատիվ արվեստի կամ տրանս-ավանգարդիա շարժման հայաստանյան ներկայացուցիչ։ Շարժումը ներառում է բոլոր այն արվեստի գործերը, որոնք պահպանում են իրականության հետ նմանությունը։ Նա կարծում էր, որ արվեստը պիտի վրդովմունք առաջացնի. դա է սկիզբների սկիզբը։

Հասարակության զգալի մասը չունի կորստի խորքային գիտակցում. ինչպես ոտքի հանել վիրավոր երկիրը

14
թեգերը:
Հայաստան, Երևան, նկարիչ, ցուցադրություն
թեմա:
ԱրտԲոքս
Ըստ թեմայի
Մատաղ սերունդը, անկախությունն ու լյուստրացիան. Պասկևիչյանը` այն մասին, թե ուր ենք գնում
«Տեղեկատվությունից խաբված ժողովուրդը գնաց դեպի գիրքը». Արքմենիկ Նիկողոսյան
«Ցավոք, «լավ տղեն» դեռևս առանց աշխատանքի փող առնողն ա». Ռուբեն Վարդանյան

Ի՞նչը կդրդի Իրանին`կասեցնելու Սյունիքի հանդեպ ագրեսիան. Միսակյանը` տարածաշրջանի մասին

69
(Թարմացված է 21:45 05.08.2021)
Իրանագետ Գարիկ Միսակյանը Sputnik Արմենիայի եթերում անդրադարձել ՀՀ վարչապետ Նիկոլ Փաշինյանի Իրան կատարած աշխատանքային այցին և այդ համատեքստում հայ-իրանական հարաբերությունների հեռանկարին։

Արցախյան պատերազմի արդյունքում Իրանը լուրջ աշխարհաքաղաքական կորուստներ ունեցավ Հարավային Կովկասում, հետևաբար նորընտիր նախագահ Էբրահիմ Ռայիսիի հիմնական քայլերից մեկը լինելու է Իրանի դիրքերի վերականգնումը մեր տարածաշրջանում։ Իրանագետ Գարիկ Միսակյանը Sputnik Արմենիայի հետ զրույցում նշեց, որ նաև այդ տեսանկյունից են այսօր կարևորվ հայ-իրանական հարաբերությունները։ 

«Իրանի նպատակը մեր տարածաշրջանում լայնամասշտաբ պատերազմի բացառումն է և եթե խոսքը ենթակառուցվածքների ու ճանապարհների ապաշրջափակման մասին է, ապա Իրանը դեմ չէ դրան, բայց դա չպետք է բխի միայն թուրք–ադրբեջանական երկակի շահերից»,– ասաց իրանագետը։  

Նրա համոզմամբ` տնտեսական շահը կարող է Իրանին դրդել, որ օգտագործի քաղաքական գործիքակազմն ու կասեցնի Սյունիքի հանդեպ ագրեսիան։ Այդ դեպքում տնտեսական մեգածրագրերի խթանումը, ինչպիսիք են, օրինակ, «Հյուսիս–հարավ» միջանցքի շահագործումը և Մեղրիի ազատ տնտեսական գոտու ակտիվ գործունեության ապահովումը, կարող են  բեկում մտցնել և լուծել նաև տարածաշրջանային անվտանգության հարցեր` առաջին պլան մղելով Հայաստանի որպես տարանցիկ երկրի կարևորությունը։   

Միսակյանի կարծիքով` հայ–իրանական կապերում միանշանակ բացվելու են հեռանկարներ, պարզապես մեր երկրի կառավարությունը պետք է ճիշտ օգտագործի ընձեռված հնարավորությունները, առավել ևս, որ Իրանի պահպանողականներն իրենց հերթին նորընտիր նախագահ Էբրահիմ Ռայիսիից սպասում են առավել ինտենսիվ քաղաքականության իրականացում Հարավային Կովկասում` ի հակակշիռ Թուրքիայի ակտիվացման։ 

ՀՀ-ում Իրանի դեսպանն այցելել է Վերին Շորժայի հատվածի սահմանագիծ

Նշենք, որ ՀՀ վարչապետ Նիկոլ Փաշինյանն աշխատանքային այցով Իրան է մեկնել օգոստոսի 5-ին։ Նա հանդիպել է նորընտիր նախագահ Էբրահիմ Ռայիսիի հետ և մասնակցել նրա երդմնակալության արարողությանը։ 

Հիշեցնենք, որ Իրանում նախագահական ընտրություններն անցկացվել են հունիսի 18–ին։ Նախագահական ընտրություններում Էբրահիմ Ռայիսիին կողմ է քվեարկել ընտրողների ավելի քան 62 տոկոսը՝ 28,6 միլիոնից 17,8 միլիոնը:

69
թեգերը:
Իրանի Իսլամական Հանրապետություն, Հայաստան, Նիկոլ Փաշինյան, Սյունիք
թեմա:
Sputnik զրույց
Ըստ թեմայի
Իրանը պատրաստ է միջնորդ դառնալ հայ-ադրբեջանական բանակցությունների համար. Սաիդ Խաթիբզադե
Իրանն ուզում է կանխել հնարավոր լայնամասշտաբ պատերազմը Հարավային Կովկասում. իրանագետ
Ջրհեղեղներ Իրանում. զոհեր կան
Պուգաչովայի երեխաները

Պուգաչովայի թոռան ու դստեր Dance battle-ը բուռն վեճեր է առաջացրել համացանցում. տեսանյութ

0
(Թարմացված է 23:57 05.08.2021)
Կլավան ու Լիզան ցուցադրել են իրենց տաղանդը, բայց իմպրովիզացիան Ալլա Պուգաչովայի հստակ ղեկավարությամբ վերածվել է մենամարտի։

ԵՐԵՎԱՆ, 6 օգոստոսի - Sputnik. Հայտնի հումորիստ և հեռուստահաղորդավար Մաքսիմ Գալկինը Instagram-ի իր էջում հերթական տեսանյութն է հրապարակել, որն անվանել է «Պարային իմպրովիզացիա»։ Սակայն առաջին իսկ կադրերից պարզ է դառնում, որ երեխաներն ավելի շուտ մրցում են, թե ով է ավելի լավ պարում։

Ալլա Պուգաչովան ցուցումներ է տալիս մե՛կ թոռնուհուն` Կլավային, մե՛կ դստերը` Լիզային: Երեխաներն էլ ջանք չեն խնայում և ամեն կերպ փորձում են հիացնել ու գոհացնել իրենց հայտնի մորն ու տատիկին:

Посмотреть эту публикацию в Instagram

Публикация от Максим Галкин (@maxgalkinru)

Մեկ օրում տեսանյութը դիտվել է ավելի քան 2 մլն անգամ։ Սակայն, ի տարբերություն հայտնի ընտանիքի կյանքի մասին նախորդ տեսագրությունների, երկրպագուները ոչ միայն հիացել են երեխաներով, այլև սկսել են վիճել, թե նրանցից ով է ավելի լավ պարում:

Ալլա Պուգաչովան երեկույթի է ներկայացել չափազանց կարճ հագուստով. լուսանկար և տեսանյութ

Գրեթե միաձայն եզրակացրել են` Քրիստինա Օրբակայտեի դուստր Կլավան առանձնանում է իր նուրբ շարժումներով ու պլաստիկայով («մորն է քաշել»․ նշել են օգտատերերը), իսկ Պուգաչովայի դուստր Լիզան` ռիթմի անհավանական զգացումով, երաժշտականությամբ ու արտիստիզմով։

«Սիրում եմ ջահելներին». Գալկինը Պուգաչովային նրանից փոքր ռետրո մեքենա է նվիրել. տեսանյութ

0
թեգերը:
Ալլա Պուգաչովա, երեխա, Պար, թոռ
Ըստ թեմայի
Գալկինն առաջին անգամ ասել է` ինչպես է ծանոթացել Պուգաչովայի հետ
Պուգաչովան հպարտանում է իր երեխաներով. նրանք արդեն սահում են անվաչմուշկով. տեսանյութ
Ալլա Պուգաչովայի ծովափնյա լուսանկարը բուռն քննարկումների թեմա է դարձել