ԱՄՆ-ն հստակ կարծիք հայտնեց 1 դար առաջ եղած պատմական իրադարձության վերաբերյալ. Գրիգորյան 

50
(Թարմացված է 19:34 02.11.2019)
Արաբագետ Սարգիս Գրիգորյանը Sputnik Արմենիայի հետ զրույցում անդրադարձել է սիրիական հակամարտության հանգուցալուծման ներկա փուլին և դրանով պայմանավորված նոր իրողություններին, որոնք կարող են որոշակի ազդեցություն ունենալ Հայաստանի վրա: 

Սիրիան բավական մեծ դերակատարություն է ունեցել ոչ միայն արաբական, այլև ընդհանուր առմամբ ամբողջ իսլամական աշխարհում, եղել է մեր սերտ գործընկերը, հետևաբար, Սիրիայի միասնականությունն ու ներքաղաքական կայունությունը մեզ համար ունի չափազանց կարևոր նշանակություն, մինչդեռ հակամարտությունը թուլացնում է Սիրիային, որպես այդպիսին: Sputnik Արմենիայի հետ զրույցում այս մասին ասաց արաբագետ Սարգիս Գրիգորյանը։  

Ինչ համատեքստում է պետք դիտարկել ԱՄՆ–ում Ցեղասպանության բանաձևի ընդունումը` ըստ Արեշևի

Գրիգորյանի կարծիքով՝ ԱՄՆ-ի կոնգրեսի կողմից Հայոց ցեղասպանության բանաձևի ճանաչումը որոշ չափով պայմանավորված է թուրք-ամերիկյան հարաբերություններում առկա լարվածությամբ: Վաշինգտոնում ոչ բոլորին է դուր եկել Թուրքիայի որոշումը` միակողմանիորեն ներխուժել Սիրիայի տարածք: 

«Ամեն դեպքում, աշխարհի գերտերություններից մեկն իր հստակ կարծիքն է հայտնում ավելի քան 100 տարի առաջ տեղի  ունեցած պատմական իրադարձության վերաբերյալ»,- նշում է Սարգիս Գրիգորյանը: 

Էրդողանը քննադատել է Հայոց ցեղասպանության վերաբերյալ ԱՄՆ կոնգրեսի բանաձևը

Հիշեցնենք` ԱՄՆ Կոնգրեսի ներկայացուցիչների պալատում հոկտեմբերի 29-ին կայացած քվեարկության արդյունքում 405 կողմ, 11 դեմ քվեով Հայոց ցեղասպանությունը ճանաչող բանաձև է ընդունվել:

50
թեգերը:
Սարգիս Գրիգորյան, Սիրիա, բանաձև, Հայոց ցեղասպանություն, Ցեղասպանություն, ԱՄՆ, Թուրքիա, Հայաստան
թեմա:
Իրականում / Օրացույց (637)
Ըստ թեմայի
«Կեցցե՛ն հայերը». հայտնիներին «ուրախացրել է» ԱՄՆ Կոնգրեսի ընդունած բանաձևը
Փաշինյանը շնորհակալություն հայտնեց Ցեղասպանության բանաձևին կողմ քվեարկած կոնգրեսականներին
«Ցեղասպանության ճանաչման բանաձևը կոնսենսուս էր Թուրքիայի նկատմամբ». Ռուբեն Սաֆրաստյան
Պոմպեոն և Չավուշօղլուն խոսել են Հայոց ցեղասպանության բանաձևից ու Սիրիայից

sys_stories