Երևանի Արարատյան ավտոմաքսատանը մեքենաների անշլագ է. տեսանյութ

199
(Թարմացված է 22:38 02.11.2019)
Sputnik Արմենիան այցելել է Երևանի հարավում գտնվող Արարատյան մաքսատուն, որը ներկրվող ավտոմեքենաների մաքսազերծման կետերից մեկն է։ Ամեն ժամ այստեղ են ժամանում տասնյակ ավտոմեքենաներ, իսկ մաքսատան աշխատակիցներն աշխատում են գերլարված պայմաններում։

Երևանի հարավում գտնվող Արարատյան մաքսատանը մեքենաների տերերը ստիպված են ժամերով հերթ կանգնել պատուհանների մոտ, թեև հանուն արդարության պետք է նշել, որ Պետեկամուտների կոմիտեի աշխատակիցները հնարավոր ամեն ինչ անում են, որպեսզի կրճատեն սպասելու ժամանակը։ Մաքսատունն աշխատում է նույնիսկ հանգստյան օրերին, բայց հերթերը, միևնույնն է, չեն վերջանում, որովհետև ներկրվող մեքենաների հոսքը չի դադարում։

Sputnik Արմենիայի այցելության օրը կեսօրի դրությամբ արդեն 131 ավտոմեքենա էին մաքսազերծել։ Արարատյան մաքսատանն ամեն օր միջինը 400-450 ավտոմեքենա են մաքսազերծում` ներկրված ֆիզիկական անձանց կողմից, և 50-100 ավտոմեքենա` ներկրված իրավաբանական անձանց կողմից։

«Ներկրվող ավտոմեքենաների մի մասը մաքսազերծվում է Գյումրիում, ինչը զգալիորեն նվազեցնում է Արարատյան մաքսատան ծանրաբեռնվածությունը։ Իրավաբանական անձանցից շատերն այնտեղ են սպասարկվում», – ասաց մաքսատան պետը։

Ներկրված ավտոմեքենաները կվաճառվե՞ն, թե՞ ներկրողները կմնան վարկերի տակ

Արարատյան ավտոմաքսատունը տարեսկզբից սպասարկել է մոտ 80 հազար ավտոմեքենա։ Սարմազյանը հավաստիացրեց, որ այստեղ վերացվել են կոռուպցիոն ռիսկերը։ Գրանցման էլեկտրոնային համակարգը զրոյացնում է որոշակի գումարի դիմաց հերթն առաջ գցելու հնարավորությունը։ Աշխատակիցները չեն տեսնում, թե ով է կանգնած հերթում և այցելուին կանչում են ըստ համարի։

Ներկրողների համար հերթերը նորություն չեն։ Նրանցից մի քանիսի դեպքում մաքսակետը գրեթե հարազատ տուն է դարձել։ Վերավաճառողներից շատերը միանգամից մի քանի տեսակի վարկ են վերցրել, այդ փողերով ջարդված ու շատ օգտագործված ավտոմեքենաներ ներկրել` ցածր գներով վաճառելու նպատակով։

Մինչև տարեվերջ Արարատյան ավտոմաքսատունն ավելի երկար կաշխատի. ՊԵԿ–ի հայտարարությունը

Տարեվերջին երկու ամիս է մնացել։ Նոր մեքենաներ այլևս չեն պատվիրում, որովհետև չեն հասցնի տեղավորվել ժամկետի մեջ և մաքսազերծել գործող սակագներով։ Հիմա գլխավորը մեկն է` հասցնել ստանալ հին պատվերը։

199
թեգերը:
ավտոմեքենա, տեսանյութ, հերթեր, ավտոներկրողներ, ավտոներկրող, ավտոմաքսատուն
Ըստ թեմայի
Ավտոներկրողներն օրենքի հեղինակներին հրավիրում են ավտոշուկա
Հսկայական հերթեր Ճապոնիայի նավահանգիստներում. հայ ավտոներկրողները փակուղու մեջ են
Ինչ է փոխվելու ավտոներկրողների կյանքում հունվարից. մանրամասներ` ՊԵԿ նախագահից

sys_stories