«Համոզված եմ՝ հաղթելու ենք դատն ու մեր ֆիլմը նկարահանելու ենք». Հովհաննես Գալստյան

202
(Թարմացված է 12:02 01.11.2019)
Ռեժիսոր Հովհաննես Գալստյանը, բուլղարացի պրոդյուսեր Վիտալի Շարկեվիչը և գերմանացի պրոդյուսեր Լաուրա Քլեվերը Sputnik Արմենիայի հետ զրույցում անդրադարձել են «Տատիկիս վարսերը» ֆիլմի ճակատագրին:

Ռեժիսոր Հովհաննես Գալստյանը դատական հայց է ներկայացրել Ազգային կինոկենտրոնի դեմ: Այս մասին նա ասաց Sputnik Արմենիայի հետ զրույցում։

Բանն այն է, որ կինոկենտրոնը դեռ 2015 թվականին պարտավորվել է 30 տոկոսով ֆինանսավորել հայ-բուլղարա-գերմանական կինոնախագիծը, սակայն գումարի միայն 6 տոկոսն է տրամադրել:

«Ազգային կինոկենտրոնի գործողություններն անօրինական են։ Համոզված եմ՝ հաղթելու ենք դատն ու մեր ֆիլմը նկարահանելու ենք մինչև վերջ»,- ասաց նա: 

«Անճշտություններ» Հովհաննես Գալստյանից. նախարարությունը ներե՞լ է «կոռուպցիոներ» ռեժիսորին

Նշենք, որ Parallels Film Production ընկերությունը, որը գլխավորում է Հովհաննես Գալստյանը, պետք է նկարեր «Տատիկիս վարսերը» գեղարվեստական կինոնկարը։ Այդ ֆիլմը Բուլղարիայի, Գերմանիայի և Հայաստանի առաջին համատեղ նախագիծն է։ Հայաստանի Ազգային կինոկենտրոնը ֆիլմի ֆինանսավորման համար պետք է հատկացներ 88 միլիոն դրամ։ Դրանից տրամադրվել է ընդամենը 23 միլիոնը։ Սակայն 2017թ.–ի ապրիլին Հայաստանի մշակույթի նախկին նախարար Արմեն Ամիրյանը Գալստյանից խնդրել է հինգ միլիոն դրամ։ Այդ միջոցները պետք է տրամադրվեին Կաննի կինոփառատոնին հայկական պատվիրակության մասնակցությունը կազմակերպելուն։ 2018թ.–ի սկզբին Հայաստանի Ազգային կինոկենտրոնը հաստատել է նոր կանոնադրությունը և, օրենքը խախտելով, չեղարկել ավելի վաղ ընդունված պարտավորությունը` կապված ֆիլմի ֆինանսավորման հետ։

Մակունցի հեղինակությունը սպառնալիքի տա՞կ է. ռեժիսորը մտադիր է հանդիպել վարչապետի հետ

202
թեգերը:
ֆիլմ, Հովհաննես Գալստյան, Հայաստան
թեմա:
Sputnik զրույց (285)
Ըստ թեմայի
Հարությունյանը գնացել է հացադուլավոր ռեժիսորի մոտ. ՄԻՊ–ը դիմել է Մշակույթի նախարարություն
«Մեր պաշտոնյաների մեջ հումանիզմ չկա». Հովհաննես Գալստյանը ծայրահեղ միջոցների է դիմել
«Տատիկիս վարսերը» գնալով խճճվում են. ֆիլմի շուրջ սկանդալը հասել է Փաշինյանին ու դատարանին
Լիլիթ Մակունցը մանրամասներ է ներկայացրել հացադուլ հայտարարած ռեժիսորի հետ զրույցից
( / / )

Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ

263
(Թարմացված է 03:21 21.06.2021)
Վարչապետի պաշտոնակատարը կեսգիշերից հետո այցելել է «Քաղաքացիական պայմանագրի» կենտրոնական շտաբ, որտեղ նրան սպասում էին բազմաթիվ կողմնակիցներ։

Թեպետ Կենտրոնական ընտրական հանձնաժողովը դեռ շարունակում է քվեարկության արդյունքների հաշվարկը, բայց արդեն «Քաղաքացիական պայմանագիր» կուսակցությունը տոնում է հաղթանակը։ Թե ինչպիսին կլինի խորհրդարանում քաղաքական ուժերի դասավորությունը, պարզ կլինի թերևս առավոտյան, բայց արդեն ակնհայտ է՝ ՔՊ-ն առաջատար է։

ՀՀ վարչապետի պաշտոնակատար Նիկոլ Փաշինյանին «Քաղաքացիական պայմանագիր» կուսակցության շտաբի մոտ նրա կուսակիցներն ու կողմնակիցները դիմավորեցին ծափերով ու ողջույնի խոսքերով։

Փաշինյանը շտաբ էր եկել կեսգիշերից հետո, երբ ԿԸՀ-ն ամփոփում էր քվեարկության արդյունքները։ Վարչապետի պաշտոնակատարն իր հերթին շնորհակալություն հայտնեց կողմնակիցներին աջակցության համար և հրավիրեց հանրահավաքին, որը տեղի կունենա Հանրապետության հրապարակում:

Sputnik Արմենիայի տեսախկցիկն արձանագրել է, թե ինչպես է երգիչ Արթուր Իսպիրյանը շնորհավորում ԱԺ պատգամավոր, ՔՊ-ական Հայկ Կոնջորյանին։

Ռոբերտ Քոչարյանի գլխավորած «Հայաստան» դաշինքը հայտարարություն է տարածել

Հիշեցնենք` հունիսի 20–ին, ժ. 08։00–20։00–ը Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

263
թեգերը:
քվեարկություն, «Քաղաքացիական պայմանագիր» կուսակցություն, Ընտրություններ, ԱԺ
Ըստ թեմայի
ՔՊ 59%, «Հայաստան» դաշինք`18. ԿԸՀ–ն ամփոփել է 501 ընտրատեղամասի արդյունքները
Փաշինյանի խորհրդական Արսեն Թորոսյանի բաց ակնարկը այլ ուժերի համար աշխատած համայնքապետներին
Ինչպիսի իրավախախտումներ են գրանցվել ընտրությունների ընթացքում․ դատախազության տվյալները

Ինչպես է ընթանում քվեաթերթիկների հաշվարկը Երևանում․ տեսանյութ

206
(Թարմացված է 22:27 20.06.2021)
Ծանր, լարված, պատասխանատու օրվա ամենապատասխանատու եզրափակիչ փուլն է ընթացքում։

Հայաստանյան բոլոր ընտրատեղամասերում մեկնարկել է քվեաթերթիկների հաշվարկը։ Sputnik Արմենիայի տեսախցիկն արձանագրել է գործընթացի սկիզբը Երևանի 9/26 ընտրատեղամասում։

Տեսանյութում երևում է, թե ինչպես է հանձնաժողովի նախագահը հանձնաժողովի անդամների ներկայությամբ ըստ կարգի բացում քվեատուփն ու սկսում ծրարներից դուրս բերել քվեաթերթիկները։ Սա ծանր ու պատասխանատու օրվա թերևս ամենապատասխանատու՝ եզրափակիչ հատվածն է, ուստի հանձնաժողովի նախագահն առավել կենտրոնացած է, մի քիչ էլ՝ լարված։

«Խնդրում եմ ինձ հետ առարկություններ չանել, հարց կա, ձեռք բարձրացրեք, դրեք քվեարկությանը»,- դիմելով հանձնաժողովի անդամներին՝ ասում է նախագահ, «Բարգավաճ Հայաստան» կուսակցության ներկայացուցիչ Արմինե Մանուկյանը։

Տեսանյութում երևում է, թե նա ինչպես է խստորեն վերահսկում գործընթացը։

Հիշեցնենք` այսօր Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

206
թեգերը:
քվեարկություն, Երևան, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Որ ուժը որքան գումար է ծախսել նախընտրական քարոզարշավի վրա. տվյալներ
Արձանագրվել է 47 առերևույթ հանցագործության դեպք․ ոստիկանություն
Ընդդեմ «Հայաստան» դաշինքի հակաքարոզչական թերթիկներ տարածողը ներկայացել է ոստիկանություն
ԿԸՀ

Քվեարկության արդյունքները 08։00-ի դրությամբ․ ամփոփվել են 1997 ընտրատեղամասի արդյունքները

566
(Թարմացված է 08:16 21.06.2021)
Վերջին տվյալների համաձայն՝ «Քաղաքացիական պայմանագիր» կուսակցությունը ստացել է 681 144 քվե, այսինքն՝ կողմ են քվեարկել մասնակիցների 54.03%-ը։ Ներկայացնում ենք ամենաշատ քվեներ ստացած քաղաքական ուժերի հնգյակը։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ժամը 08։00-ի դրությամբ ամփոփվել են 2008 ընտրատեղամասերից 1997-ի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացել է 681 144 քվե (54.03%),

«Հայաստան» դաշինքը՝ 265 185 (20.97%),

«Պատիվ ունեմ» դաշինքը՝ 65 936 (5.21%),

«Բարգավաճ Հայաստան» կուսակցությունը՝  50 065 (3.96),

«Հանրապետություն» կուսակցությունը՝ 38 401 (3,04),

«Հայ ազգային կոնգրես» կուսակցությունը՝ 19 487 (1.54)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

 

566
թեգերը:
քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Փաշինյանի խորհրդական Արսեն Թորոսյանի բաց ակնարկը այլ ուժերի համար աշխատած համայնքապետներին
«Տեղի ունեցավ այն, ինչ կանխատեսվում էր». Փաշինյանը շտաբում է, ՔՊ-ն տոնում է հաղթանակը
Ռոբերտ Քոչարյանի գլխավորած «Հայաստան» դաշինքը հայտարարություն է տարածել