«Աղջի՞կ. կարևորը` առողջ բալիկ լինի». սոցիալական արշավ ընդդեմ սելեկտիվ աբորտների 

256
(Թարմացված է 23:13 28.10.2019)
Տարիներ շարունակ Հայաստանի Հանրապետությունը սելեկտիվ աբորտների ցուցանիշներով զբաղեցնում է վատթարագույն դիրքերն աշխարհում:

Doping Creative Agency-ի հիմնադիր տնօրեն Հայկ Սիմոնյանը և կրեատիվ տնօրեն Հովհաննես Մարգարյանը Sputnik Արմենիայի եթերում 

պատմում են սեռով պայմանավորված հղիության արհեստական ընդհատման դեմ #Bavakane սոցիալական արշավի մասին:

Հայաստանը խճճել է աբորտների հարցը. Եվրոպան կրկին դժգո՞հ է

Սոցիալական գովազդի շրջանակում համացանցում տարածվեց տեղեկատվական բնույթի տեսահոլովակ, որի նպատակն էր հասարակության շրջանում բարձրացնել իրազեկվածության մակարդակը։

«Տեսահոլովակին զուգահեռ որոշեցինք բոլորի ուշադրությունը գրավելու համար Հայաստանը և հայ կնոջը բնութագրող ամենամեծ խորհրդանիշներից մեկը` Մայր Հայաստանի արձանը լուսավորել կարմիր գույնով`ի հիշատակ այն 40 հազար աղջիկ երեխաների, որոնք սելեկտիվ աբորտների պատճառով այդպես էլ լույս աշխարհ չեկան»,–ասաց արշավի հեղինակ Հովհաննես Մարգարյանը։ 

Կաղապարից դուրս. ինչի՞ կհանգեցնի սելեկտիվ աբորտը. Չինաստանի օրինակը

Ի՞նչ գործոնների արդունքում է ձևավորվել այդ վիճակագրությունը, ո՞րը կարող է լինել սոցիալական արշավի դերն ու նպատակը. գովազդի մասնագետները խոսեցին նաև ոլորտի նրբությունների, գովազդի այժմյան միտումների և վատ գովազդից խուսափելու միջոցների մասին:

256
թեգերը:
սելեկտիվ աբորտ, երեխա, աղջիկ, Հայաստան
թեմա:
ԱրտԲոքս (118)
Ըստ թեմայի
Սելեկտիվ աբորտը բռնություն է չծնված երեխայի նկատմամբ
Փորձագետ. Հայաստանն աշխարհում երրորդ տեղն է զբաղեցնում հղիության սելեկտիվ ընդհատման ցուցանիշով
Օրենք ընդդեմ սելեկտիվ աբորտների

Ղարաբաղ է թռել ռազմական բժիշկներ տեղափոխող երկու Իլ-76 ինքնաթիռ. ՌԴ ՊՆ

59
(Թարմացված է 15:20 25.11.2020)
Լեռնային Ղարաբաղ են տեղափոխվում Արևելյան ռազմական օկրուգի հատուկ նշանակության բժշկական ջոկատի ուժեր և միջոցներ։  Ջոկատի կազմում են բժիշկներ, միջին և կրտսեր բուժանձնակազմ։

Արևելյան ռազմական օկրուգի բուժաշխատողներով երկու Իլ-76 ռազմատրանսպորտային ինքնաթիռներ մեկնել են Լեռնային Ղարաբաղ։ Այս մասին այսօր լրագրողներին հայտնել են ՌԴ ՊՆ–ում։

Ռուս խաղաղապահներն օգնում են վերականգնել ջրամատակարարումն ու ջերմամատակարարումը Ղարաբաղում

«Իլ-76 առաջին երկու ինքնաթիռները, որոնք Արևելյան ռազմական օկրուգի հատուկ նշանակության բժշկական ջոկատի տեղափոխում  են իրականացնում Լեռնային Ղարաբաղի առաջադրանքի կատարման շրջաններ, թռել են Խաբարովսկ-Նովի օդանավակայանից», – նշել են ռազմական գերատեսչությունում։

Լեռնային Ղարաբաղ ընդհանուր առմամբ կտեղափոխվի 122 զինծառայող, 54 ավտոմոբիլային և հատուկ տեխնիկայի 54 միավոր, 66 տոննա նյութական միջոցներ, նշել են ՊՆ–ում։

Ռազմական բժիշկներն ուղարկվել են ռուս խաղաղապահների և տեղի բնակչության  բժշկական ապահովումն իրականացնելու համար։ «Ջոկատի կազմում են բժիշկներ, միջին և կրտսեր բուժանձնակազմ, որոնք մշտապես պատրաստ են լինելու բարձրակարգ և մասնագիտական առաջին բուժօգնություն ցուցաբերելու համար», – պարզաբանել են գերատեսչությունից։

Ռուս խաղաղապահներն ավտոբուսների ևս մեկ շարասյուն են ուղեկցել Ստեփանակերտ

Ավելի վաղ ստորաբաժանումը մշտական տեղակայման վայրից քայլերթ էր իրականացրել դեպի Խաբարովսկ-Նովի օդանավակայան։

59
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուս խաղաղապահներին տեղափոխող ևս 18 ինքնաթիռ է ժամանել Հայաստան. տեսանյութ
Վաղարշակ Հարությունյանը և Սերգեյ Շոյգուն խաղաղապահներին առնչվող փաստաթղթեր են ստորագրել
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

ԱԴԾ–ն ահաբեկչություններ է կանխել Ռուսաստանում. հատուկ գործողությունների տեսանյութը

107
(Թարմացված է 13:14 25.11.2020)
Արմատական իսլամիստների գտնվելու վայրերում հայտնաբերվել և առգրավվել է խոցող տարրերով լցված ինքնաշեն պայթուցիկ սարք։

Ռուսաստանի անվտանգության դաշնային ծառայության աշխատակիցները Մոսկվայի մարզում ահաբեկչություններ են կանխել, որոնք նախապատրաստում էին «Իսլամական պետություն» (Ռուսաստանում և մի շարք այլ երկրներում արգելված ահաբեկչական կազմակերպություն) ահաբեկչական խմբավորման անդամները։

Ինչպես հայտնում է ծառայության հանրային կապերի կենտրոնը, արմատական իսլամիստների գտնվելու վայրերում հայտնաբերել և առգրավել են խոցող տարրերով լցված ինքնաշեն պայթուցիկ սարք, այլ առարկաներ և փաստաթղթեր։

Նշվում է, որ ուժային կառույցի աշխատակիցներին Վլադիմիրի մարզում հաջողվել է ձերբակալել խմբավորման մեկ անդամի, որը Կենտրոնական Ասիայի երկրներից մեկի քաղաքացի է։ Մյուս կասկածյալների գտնվելու վայրը չի նշվում։

ԱԴԾ–ն նաև տեղեկություն ունի, որ խմբավորման անդամները պոտենցիալ զինյալների են հավաքագրել և գումար հավաքել ահաբեկիչների կարիքների համար։

Թուրքիան ահաբեկիչներ է բերում տարածաշրջան ու խրախուսում ահաբեկչությունը Եվրոպայում

Նշենք, որ միայն վերջին մի քանի ամսվա ընթացքում սա Ռուսաստանում ահաբեկչությունների կանխման առնվազն չորրորդ դեպքն է։ Այս աշնանը ուժայինները ահաբեկչական հարձակումներ էին կանխել Մոսկվայում, Վոլգոգրադում և Ստավրոպոլում։

Հայաստանը շարունակելու է պայքարել ահաբեկչության դեմ. ԱԳՆ

107
թեգերը:
Ահաբեկչություն, Անվտանգության դաշնային ծառայություն (ԱԴԾ), Ռուսաստան
Ըստ թեմայի
Ռուսաստանի ԱԴԾ-ն առնվազն երկու ահաբեկչություն է կանխել
Ինչպես են Ռուսաստանում կանխել ահաբեկչությունը. ձերբակալման կադրերը հայտնվել են համացանցում
Ռուսաստանի մի շարք քաղաքներում ահաբեկչական խմբավորումներ են վնասազերծվել
Հրանտ Բագրատյան

«Այս ռեգիոնում մենք կա՛մ թուրքերի հետ պետք է լինենք, կա՛մ ռուսների». Հրանտ Բագրատյան

0
(Թարմացված է 17:42 25.11.2020)
ՀՀ նախկին վարչապետ Հրանտ Բագրատյանը լրագրողների հետ հանդիպմանը խոսել է արցախյան պատերազմում Հայաստանի իշխանության թույլ տված արտաքին քաղաքական սխալների մասին։

ԵՐԵՎԱՆ, 25 նոյեմբերի – Sputnik. Սա պարտություն չէ, սա ջախջախում է։ Այսօր լրագրողների հետ հանդիպմանը, մեկնաբանելով արցախյան պատերազմի ընթացքն ու ավարտը, ասաց ՀՀ նախկին վարչապետ Հրանտ Բագրատյանը։

Նրա տեղեկություններով`հայկական բանակի տեխնիկայի 85 տոկոսը ջարդված է։

Խոսելով ՀՀ իշխանությունների ստրատեգիական սխալների մասին` Բագրատյանը շեշտեց Արցախի անկախությունը չճանաչելու փաստը` հիշեցնելով, որ որպես ԱԺ պատգամավոր ինքը տարիներ առաջ այդ հարցը բարձրացրել էր, բայց մերժվել։

Հաջորդ սխալն, ըստ նրա, արտաքին քաղաքականությունն էր։

«20 տարի առաջ` Արցախյան ազատամարտի տարիներին, ԱՄՆ–ն ու Ռուսաստանն իրար մոտ էին։ Բայց վերջին տարիներին, հատկապես 2014թ–ից հետո, դժբախտաբար, պրոբլեմներ առաջացան։ Հիմա ԱՄՆ–ն և Ռուսաստանը տարբեր բևեռներում են։ Երբ մենք այս վիճակին են անդրադառնում, չենք կարող ասել` կոմպլեմենտար քաղաքականություն ենք վարում։ Չկա տենց բան։ Մենք պետք է մնանք պրոռուսական ծիրում, ինչքան էլ սիրենք կամ չսիրենք։ Քանի որ աշխարհում դեգլոբալիզացիա է ընթանում, այս ռեգիոնում մենք կա՛մ թուրքերի հետ պետք է լինենք, կա՛մ ռուսների»,– ասաց Բագրատյանը։

Նախկին վարչապետը ստրատեգիական սխալ որակեց նաև «Իրանին նեղացնելը»։ «Այնպես, ինչպես մենք ենք Իրանին նեղացրել, ոչ ոք չի նեղացրել։ Այն աստիճան, որ Իրանը չէր ուզում թույլ տալ, որ պատերազմի ընթացքում իր տարածքով բեռներ տեղափոխեինք»,– ասաց Բագրատյանը` նեղացած երկրների շարքում հիշատակելով նաև Վրաստանը։

Իսկ Չինաստանին, նրա բնորոշմամբ, Հայաստանը` Տիգրան Ավինյանի մակարդակով ուղղակի ապտակել է` միանալով Չինաստանի դեմ ույղուրների պրոթուրքական դաշինքին։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
Հրանտ Բագրատյան, Հայաստան
Ըստ թեմայի
«8 ամսում Փաշինյանն իր կառավարության հետ «ապահովեց» 8 հազար զոհ». Արծվիկ Մինասյան
Ինչպես ապրել պատերազմից հետո, կամ դեղատոմսեր՝ սթրեսի դեմ
Փաշինյանը բացատրել է, թե ինչու ընդդիմության կոչերը լայն տարածում չեն գտել Հայաստանում