Ամռանը ՀՀ վարչապետին ներկայացվել են երթևեկության անվտանգության և փողոցների տրանսպորտային գերծանրաբեռնվածության խնդիրներին առնչվող համալիր մոտեցումներ ու առաջարկներ: Այս մասին Sputnik Արմենիայի հետ զրույցում ասաց «Ճանապարհային անվտանգության ազգային խորհուրդ» ՀԿ ղեկավար Պողոս Շահինյանը։
«Ճանապարհային երթևեկության անվտանգությունը պայմանավորված է ոչ միայն լավ վարորդով ու սարքին տրանսպորտային միջոցով, այլև լավ կահավորված ճանապարհներով, եթե նշված երեք բաղադրիչներից մեկը պակասում է, ապա չի կարելի խոսել անվտանգ երթևեկության մասին»,-նշեց նա։
Մասնագետը կարևորեց հատկապես առավելագույն արագության նվազեցումը, քանի որ դրա հիմքում ընկած են միջազգային փորձը և ուսումնասիրությունները, որոնք փաստում են, որ 10 կմ/ժամ արագության նվազեցումը 30-ից 40 տոկոսով նվազեցնում է վթարի ժամանակ ծանր վնասվածքներն ու մահացության դեպքերը:
Անվտանգ երթևեկություն. նոր փոփոխություն Երևանում
«Այդուհանդերձ, եթե չլինի վերահսկող և պատժող մեխանիզմը, ոչ մի բալային համակարգ խնդիրը չի լուծի»,- հավելեց Շահինյանը:
Շահինյանի կարծիքով՝ լրջագույն աշխատանք պետք է տարվի թե՛ վարորդների, թե՛ հետիոտնի իրազեկվածության բարձրացման ուղղությամբ, մյուս կողմից փողոցները պետք է այնպես կահավորվեն, որ հնարավորինս քիչ վթարներ ու զոհեր լինեն:
Իսկ արդյունքները միայն համալիր միջոցառումների շնորհիվ նկատելի կլինեն:
