Հայ դիզայները նոր հաջողություններ է գրանցել Milan Fashion Week-ում. նոր ցուցադրություն

638
(Թարմացված է 19:01 16.10.2019)
Sputnik Արմենիայի տաղավարում հյուրընկալել ենք հայտնի դիզայներին և նրա հետ զրուցել Milan Fashion Week-ի մասնակցությունից, տպավորություններից, աշխարհին Հայաստանի նորաձևությունը ներկայացնելու բարդությունից և սպասվելիք ցուցադրությունից:

Լիանա Սարգսյանն առաջին հայ դիզայներն է, որն ընդգրկվել է FWO (Fashion Week Online)-ի ցուցակում և առանձին դեֆիլե-շոուով ներկայացրել իր հավաքածուն։ Երրորդ տարին անընդմեջ ElSi ապրանքանիշի հիմնադիրը մասնակցում է Միլանի նորաձևության շաբաթվան։

«Իմ բոլոր հավաքածուները ներկայացրել եմ նորաձևության ցուցադրությունների շրջանակում, ինչը հնարավորություն է տալիս ներգրավել ավելի շատ fashion buyer-ների, նորաձևության ոլորտի բլոգերների, հայտնի ամսագրերի լրագրողների, որոնք նորաձևության շաբաթին նախապես մասնակցելու համար հայտ են ներկայացնում»,- ասաց Լիանան։

Նա նշեց, որ այս տարին իրենց համար խորհրդանշական էր, քանի որ շոուին ներկա է գտնվել նորաձևության աշխարհում հայտնի Մարիո Բոզելլիին, որին նախապես հրավիրել էին:

«Մարիո Բոզելլիին  նորաձևության աշխարհում շատ ազդեցիկ մարդ է, նաև Milan Fashion Week-ի հիմնադիրն է։ Միայն նրա ներկայությունն անչափ կարևոր է։ Նա նորաձևության աշխարհում կենդանի լեգենդ է»,-ասաց դիզայները։

Շքեղություն` հայկական ձևով. Հորդանանի թագուհին դիզայներ Գրիգոր Ջաբոտյանի զգեստն է կրում

Ցուցադրությանը մասնակցելու համար հավատարմագրվել են ավելի քան 2000 հայտնի բլոգերներ, լրագրողներ և fashion buyer-ներ։

Նախատեսված աթոռների քանակով պայմանավորված դիզայները ստիպված է  եղել հավատարմագրվածների թիվը կրճատել։

Լիանայի  համոզմամբ` Միլանի նորաձևության շաբաթն այս ոլորտում ստեղծագործող մարդկանց համար դեպի ճանաչելիություն տանող լավագույն ճանապարհն է, ինչի համար պետք է աշխատասիրություն, կրեատիվություն և ինքնատիպություն։

Լիանան նշեց, որ «Գարուն-Ամառ 2020» հավաքածուն ներկայացվել է լյուքս դասի չինական ներքնազգեստի Մերրիջ (Merrige) բրենդի հետ համատեղ և արժանացել է հյուրերի բարձր գնահատանքին։

Ցուցադրությունը սկսվել է բալետային համարով՝ խորեոգրաֆ և աշխարհահռչակ Լա Սկալա թատրոնի բալերինա Աննա Օլխովայայի կատարմամբ։

Լիանա Սարգսյանի և նախագծի կազմակերպիչ Տարիել Բիշարյանի նախաձեռնությամբ թե՛  պարային համարի, թե՛ ամբողջ ցուցադրության համար ընտրվել է Արամ Խաչատրյանի «Սպարտակ» բալետի երաժշտությունը, (այն վերամշակել է իտալացի հայտնի DJ La Fed֊ը):

Նշենք, որ Լիանա Սարգսյանը հայտնի անուն է Եվրոպայի նորաձևության շրջանակում։

Վենետիկի 74-րդ կինոփառատոնի կարմիր գորգին Էլսի զգեստները կրել են ամերիկյան դերասանուհի Թիֆանի Բրաուերը և Էլնա֊Մարգրեթը` Բենթհայմի և Շտայնֆուրթի արքայադուստրը։

638
թեգերը:
Միլան, Լիանա Սարգսյան, ցուցադրություն, նորաձևություն, դիզայներ, Հայաստան
Ըստ թեմայի
Իրինա Շեյքը բազմանշանակալից լուսանկարով ակնարկել է, որ սիրավեպ ունի կրքոտ իտալացու հետ
«Նորաձևության և արվեստի» ցուցահանդես Երևանում. ինչ կտա այն հայ դիզայներներին
Նորաձևության ոլորտի մասնագետներն ու լրագրողները Երևանում են. ի՞նչ կտա դա զբոսաշրջությանը
Զելենսկու կինը ֆուրոր է առաջացրել իր ուլտրանորաձև հագուստով. լուսանկար

Ադրբեջանցի զինծառայողները Սոթքի ոսկու հանքի մատույցներում են. տեսանյութ

439
(Թարմացված է 19:19 26.11.2020)
Համացանցում լուրեր և տեսանյութեր են տարածվում, որ ադրբեջանցի զինվորականները կոտրել են Քարվաճառի` նոյեմբերի 24–ին տեղադրված դարպասները և մտել Սոթքի հանքավայր։

Դավիթ Ջալալյան անուն–ազգանունով ֆեյսբուքյան օգտատերը իր էջում տեսանյութ է հրապարակել և մակագրել. «Ադրբեջանցի զինծառայողները Վարդենիսի Սոթքի ոսկու հանքի մատույցներում»։

Տեսանյութում երևում է, որ ճանապարհի մի հատվածում, իրար դեմ–դիմաց կանգնած եմ զինվորականներ ու քաղաքացիական անձինքն` Հայաստանի և Ադրբեջանի կողմից։

Քիչ առաջ Sputnik Արմենիայի հետ զրույցում Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանն ասաց, որ ադրբեջանցիներն այս պահին Սոթքի հանքի տարածքում են` բանակցություններ են վարում։

Նրա խոսքով` լարված կամ պատերազմական իրավիճակ չէ, ուղղակի բանակցություններ են ընթանում։ Տեղում ներկա են Հայաստանի պաշտպանության նախարարության ներկայացուցիչները և այլ պատկան մարմինների ներկայացուցիչներ, ինչպես նաև Ադրբեջանի ՊՆ ներկայացուցիչներ։

439
թեգերը:
ադրբեջանցի, հայ, տեսանյութ, Քարվաճառ, Սոթք-Քարվաճառ ավտոճանապարհ, Սոթքի հանքավայր
Ըստ թեմայի
ՊՆ–ն հերքում է ադրբեջանցի զինվորականների` Սոթքի հանքավայր մտնելու լուրերը
Փոխանցվու՞մ է Ադրբեջանին, թե՞ ոչ․ Բերձորում խառը իրավիճակ է
Ռազմական դրությունը Հայաստանում շարունակվում է. խորհրդարանը մերժեց ընդդիմության առաջարկը

Իրարանցում ու բղավոցներ ԱԺ-ում. Ալեն Սիմոնյանը կանչեց անվտանգության աշխատակիցներին

269
(Թարմացված է 18:10 26.11.2020)
ԱԺ փոխնախագահը դահլիճ հրավիրեց անվտանգության աշխատակիցներին, ովքեր իրարից հեռացրեցին վիճաբանող պատգամավորներին:

ԱԺ արտահերթ նիստում այսօր հերթական միջադեպը գրանցվեց: Խորհրդարանի դահլիճում մեծ աղմուկ ու իրարանցում սկսվեց «Իմ քայլը» խմբակցության պատգամավոր Համազասպ Դանիելյանի ելույթի ընթացքում:

«Ես կարող եմ ասել, թե ինչ կարող եք պատմել դուք ձեր թոռներին, թե ինչ եք արել պատերազմի ընթացքում ու ինչ չեք արել»,- ասաց պատգամավորը, որին դահլիճից հետևեցին առանձին արձագանքներ:

Ապա նա իր ելույթում անհատապես անդրադարձավ մինչ իրեն ելույթ ունեցած ընդդիմության ներկայացուցիչներին՝ նրանց մեղադրելով անհիմն հայտարարություններ անելու մեջ:

«Հեքիաթ է պատմում»,- տեղից արձագանքեց Գևորգ Պետրոսյանը:

Իսկ երբ Դանիելյանն արձագանքեց Զոհրաբյանի այն ելույթին, թե Նիկոլ Փաշինյանն Ադրբեջանում անիմացիաների հերոս է դարձել, ապա ավելացրեց. «Ես կարող եմ ասել, որ այդ նույն ադրբեջանական մամուլի գերաստղ ես»,- նրան արդեն արձագանքեցին, ոչ միայն Նաիրա Զոհրաբյանն ու ԲՀԿ-ն, այլև բոլոր ընդդիմադիր պատգամավորները:

«Խնդրում եմ մի հրահրեք կրքեր», -ընդդիմությանն  ու մասնավորապես՝ Նաիրա Զոհրաբյանին հորդորեց նիստը նախագահող Ալեն Սիմոնյանը:

Զինադադարի հաստատումից հետո երկու լիբանանահայ է անհետացել. Սինանյան

Բայց կրքերը գնալով ավելի բորբոքվեցին, ընդդիմադիրների ու «Իմ քայլի» պատգամավորների միջև քաշքշուք սկսվեց: Ալեն Սիմոնյանը դահլիճ հրավիրեց անվտանգության աշխատակիցներին, ովքեր իրարից հեռացրեցին վիճաբանող պատգամավորներին:

269
թեգերը:
Ծեծկռտուք, Նաիրա Զոհրաբյան, Ալեն Սիմոնյան, ԱԺ
Ըստ թեմայի
Պաշտպանության նախարարությունը հորդորում է ձեռնպահ մնալ ռազմական դրությունը չեղարկելուց
Քարվաճառում տեղադրված դարպասները կոտրվել են, ադրբեջանցիներն առաջ են գալիս. Թովմասյան
Հայերին սպանելու կոչ անող Նուրլան Իբրահիմովը ցմահ որակազրկվել է
Հայկ Մամիջանյան

Հայկ Մամիջանյանին մեղադրանք է առաջադրվել

12
(Թարմացված է 12:15 27.11.2020)
ՀՀԿ երիտասարդական կազմակերպության նախագահը մեղադրվում է օրենքով սահմանված կարգի խախտմամբ հավաք կազմակերպելու և անցկացնելու համար։

ԵՐԵՎԱՆ, 27 նոյեմբերի – Sputnik. ՀՀԿ երիտասարդական կազմակերպության նախագահ Հայկ Մամիջանյանին մեղադրանք է առաջադրվել ՀՀ քրեական օրենսգրքի 225.1 (Օրենքով սահմանված կարգի խախտմամբ հավաք կազմակերպելը և անցկացնելը) հոդվածի հատկանիշներով։
Այդ առնչությամբ Մամիջանյանը Facebook-ի իր էջում գրառում է կատարել։

Հայկ Մամիջանյանին ձերբակալեցին նոյեմբերի 20–ին, իսկ հաջորդ օրը բաց թողեցին, քանի որ դատարանը ձերբակալությունը ճանաչվեց ոչ իրավաչափ:

«Քիչ առաջ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնի քննիչներից մեկի կողմից ներգրավվեցի որպես մեղադրյալ (կարգավիճակս կասկածյալից դարձավ մեղադրալ)»,–գրել է նա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Ինչ տվեց Արցախի վերաբերյալ եռակողմ հայտարարությունը․ քարտեզ

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նոյեմբերի 11–ից սկսած հայաստանյան 16 ընդդիմադիր կուսակցություն հանրահավաքներ են կազմակերպում` իրենց անհամաձայնությունը հայտնելով եռակողմ հայտարարությանն ու պահանջելով ՀՀ վարչապետի հրաժարականը։ 

Նույն այդ պահանջով հացադուլ են հայտարարել ՀՅԴ ԳՄ անդամ Գեղամ Մանուկյանն ու ՀՅԴ–ական Գարիկ Ավետիսյանը։ Նրանց են միացել ՍԴ նախկին անդամ Կիմ Բալայանը և 2008 թվականին զոհված Անդրանիկ Կիրակոսյանի մայրը՝ Անահիտ Կիրակոսյանը։

12
թեգերը:
Եռակողմ հայտարարություն, Մեղադրանք, Հայկ Մամիջանյան
Ըստ թեմայի
Արթուր Վանեցյանին մեղադրանք կառաջադրվի. նա ՀՔԾ–ում է
«Չեմ ընդունել, ցուցմունք չեմ տվել». Բաբայանին ու Մանուկյանին ՀՔԾ–ն մեղադրանք է առաջադրել
Միհրան Հակոբյանին մեղադրանք է առաջադրվել, որը նա չի ընդունում