Այս մեխանիզմով ուզում են ֆինանսական կողմը վերահսկել, ոչ թե գործընթացը. Գաբրիելյան

262
(Թարմացված է 18:47 14.10.2019)
Գնումների ապակենտրոնացումը ցանկալի արդյունք չտվեց, սակայն հարցը չի լուծելու նաև կառավարության նոր ծրագիրը։

Պետական գնումների փորձագետների միության նախագահ, տնտեսագետ Գայանե Գաբրիելյանը Sputnik Արմենիայի հետ զրույցում անդրադարձել է պետական գնումների համակարգում սպասվող փոփոխություններին: 

Տնտեսագետի փոխանցմամբ՝ երբ ապակենտրոնացվել են գնումները, կարևորվել է հատկապես ռիսկերի նվազեցման միտումը, սակայն նախորդ ինը տարիները վկայում են այն մասին, որ պատասխանատուները չհասան այն արդյունքին, որ ուզում էին ի սկզբանե, երբ 2010 թվականին ապակենտրոնացվում էր գնումների համակարգը:

Փոքր և միջին բիզնեսին հիմա ավելի հեշտ կլինի մասնակցել պետական գնումների մրցույթին

«Այս տարիների ընթացքում արել ենք համակարգային սխալ, այսինքն՝ ոչ թե ուզում ենք ձևավորել ինստիտուտներ, որոնք սպասարկում են գնումների համակարգը և դրանց միջոցով նվազեցնենք կոռուպցիոն ռիսկերը, այլ մենք ուզում ենք գնումների համակարգով նվազեցնել կոռուպցիոն ռիսկերը, ինչն անհնար է, առավել ևս այն մեթոդներով, որոնք կիրառավում են»,- նշել է Գայանե Գաբրիելյանը և հավելել, որ առաջարկվող մեխանիզմով ուզում են ֆինանսական կողմը վերահսկել, ոչ թե գործընթացը և արդյունքը: 

«Պետական գնումների համակարգում կտրուկ փոփոխություններ պետք չեն». Գայանե Գաբրիելյան

Հիշեցնենք, որ ՀՀ կառավարության կողմից նոր ինստիտուտ է ներդրվում, որը ենթադրում է պետական գնումների մասնակցելու համար 100 տոկոս երաշխիքի առկայություն:

262
թեգերը:
Գայանե Գաբրիելյան, կառավարության ծրագիր, ՀՀ կառավարություն, Պետական գնումներ
Ըստ թեմայի
Թորոսյանը Սանասարյանին խորհուրդ է տալիս ապագան պլանավորելիս դասեր քաղել կատարվածից
«Ուր գնում ենք, սելֆի ենք անում, ուղիղ եթեր ենք մտնում». Փաշինյանը` գաղտնիքների մասին
«Փախչեն-գնան, ոչ մեկին չկարողանանք բռնենք. հեչ հաճելի գործ չէ». պետգնումների հարցը կլուծվի
Մարգարյան. «Բյուջետային ծախսերի կառուցվածքում տեղի է ունեցել որակական փոփոխություն»
Գաբրիելյան. «Նախորդ 9 տարում պետական գնումների համակարգի հարցում սխալ ենք թույլ տվել»

Երևանի «Կապույտ մզկիթում» ռումբի տեղադրման մասին ահազանգ է ստացվել

53
(Թարմացված է 10:39 15.07.2020)
Փրկարարները շտապել են Երևանում գտնվող կապույտ մզկիթ՝ հասկանալու, թե արդյո՞ք իրականությանը համապատասխանում է տեղում պայթուցիկի տեղադրման մասին ահազանգը։

ՀՀ արտակարգ իրավիճակների նախարարությունը տեղեկացնում է, որ այսօր առավոտյան ահազանգ է ստացվել, որ Երևանի Մաշտոցի պողոտայում գտնվող «Կապույտ մզկիթում» պայթուցիկ սարք է տեղադրված։

«Ահազանգը ստացվել է առավոտյան ժամը 09։35-ին։ Դեպքի վայր են մեկնել ԱԻՆ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ»,-նշված է հաղորդագրության մեջ։

Դեպքի վայր են մեկնել նաև փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խմբերը։

Ահազանգ. «Մերիդիան» էքսպոկենտրոնի մոտ պայթուցիկներ են հայտնաբերվել

53
թեգերը:
ահազանգ, Երևան, մզկիթ, ռումբ, ՀՀ արտակարգ իրավիճակների նախարարություն (ԱԻՆ)
թեմա:
Վթար, պատահար, սպանություն, գողություն
Ըստ թեմայի
«Մեգամոլ» առևտրի կենտրոնում ռումբ չի հայտնաբերվել. ահազանգերից մեկը կեղծ էր
ԱԻՆ-ը տեղեկություն է ստացել, որ առևտրի կենտրոնում ռումբեր են տեղադրված
«Դալմա Գարդեն մոլից» մարդկանց տարհանում են. ԱԻՆ-ը ռումբի մասին ահազանգ ունի
Ռումբի մասին կեղծ ահազանգեր. փրկարարական ու ոստիկանական գործողությունները՝ տեսանյութով

Ցնծության ճիչ․ ՀՀ ԶՈՒ–ն ադրբեջանական հերթական անօդաչուն է խոցել

502
(Թարմացված է 20:50 14.07.2020)
Տեսանյութում լսվում է հայ զինվորների ուրախության ճիչը, երբ խոցում են ադրբեջանական անօդաչու թռչող սարքը։

Հայկական ԶՈւ ՀՕՊ ստորաբաժանումը խոցել է հերթական ադրբեջանական «Elbit Hermes 900» ԱԹՍ-ը։ Տեղեկությունը Facebook-ի իր էջում հայտնում է ՀՀ ՊՆ մամուլի քարտուղար Շուշան Ստեփանյանը:

Նշենք, որ հայկական զինված ուժերը վերջին 3 օրվա ընթացքում հակառակորդի մի քանի ԱԹՍ են խոցել, այդ թվում` կամիկաձե։

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։

Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Եվս երկու զոհ ունենք. ՊՆ–ն հրապարակել է նրանց անունները

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Ադրբեջանի պաշտպանության նախարարի տեղակալ Քերիմ Վելիևն այսօր հայտնել է, որ հայ-ադրբեջանական սահմանին մարտական գործողությունների հետևանքով սպանվել են գեներալ-մայոր Փոլադ Հաշիմովը և գնդապետ Իլգար Միրզեևը։
ԱՊԱ գործակալությունն էլ տեղեկացրել են, որ սպանվել են նաև մայոր Ահմեդով Նամիգ Խաժանօղլուն, մայոր Նովրուզով Անար Գյուլվերդիօղլուն, ենթասպա Զեյնալլա Իլգար Այազօղլուն, ենթասպա Բաբաև Յաշար Վասիֆօղլուն, գերժամանակակից ծառայության զինծառայող, զինվոր Մուստաֆազադե Էլչին Արիֆօղլուն:

Ադրբեջանն իր բնակչությանը շրջապատել է հրետանային մարտկոցներով՝ դարձնելով թիրախ. լուսանկար

Հայկական կողմից կա 5 վիրավոր և չորս զոհ։ Հակառակորդի կրակոցից մահացել են մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը, ժամկետային զինծառայողներ` կրտսեր սերժանտներ Սմբատ Գևորգի Գաբրելյանն ու Գրիշա Վահանի Մաթևոսյանը։

502
թեգերը:
Տավուշ, հայ-ադրբեջանական, ադրբեջանցի, Ադրբեջան, անօդաչու, Հայաստան, Զինված ուժեր
թեմա:
Հայ–ադրբեջանական սահմանին տիրող իրավիճակը
Ըստ թեմայի
Հայկական ԶՈւ-ի կողմից խոցված ադրբեջանական ԱԹՍ-ներից մեկի լուսանկարը համացանցում է հայտնվել
Հայկական ԶՈւ-ն ադրբեջանական հերթական ԱԹՍ-ն է խոցել
Հուլիսի 13-ը կմտնի պատմության մեջ. Արծրուն Հովհաննիսյանը` հայկական ԱԹՍ–ների մասին
Специальная следственная служба Армении

Հերթը հասավ ՀՀԿ-ին․ մեղադրանք է առաջադրվել թոշակառույին ընդրակաշառք տալու համար

0
Կենսաթոշակառուն խնդրել է աչքերի վիրահատությունը պետական միջոցների հաշվին իրականացնել, իսկ պաշտոնյան որոշել է օգտվել առիթից և կայանալիք ընտրություններում ՀՀԿ-ի օգտին ձայներ հավաքել:

ԵՐԵՎԱՆ, 15 հուլիսի - Sputnik. Հայաստանի հատուկ քննչական ծառայությունը մեղադրանք է առաջադրել Ա. Բաբայանին՝ 2017 թվականի խորհրդարանական ընտրություններում ՀՀԿ-ի օգտին քվեարկելու դիմաց կաշառք տալու համար։ Տեղեկությունը հայտնում է ՀՔԾ մամուլի ծառայությունը։

«ՀՀ հատուկ քննչական ծառայությունում ձեռք բերված բավարար ապացույցներով հիմնավորվել է, որ Ա. Բաբայանը 2017 թվականի ապրիլի 2-ին կայացած ՀՀ Ազգային ժողովի ընտրությունների նախընտրական փուլում ընտրողին տվել է կաշառք՝ Հայաստանի Հանրապետական կուսակցության համապետական ընտրական ցուցակում ընդգրկված պատգամավորի թեկնածուի օգտին կողմ քվեարկելու համար»,- նշված է հաղորդագրության մեջ:

Խոսքը ՀՀԿ-ից առաջադրված Երևան քաղաքի Նոր Նորք վարչական շրջանի ղեկավար Արմեն Ուլիխանյանի եղբայր` Ղուկաս Ուլիխանյանի մասին է եղել: Վերջինիս օգտին առավելագույն քվեներ ապահովելու և ընտրություններում ցանկալի արդյունք արձանագրելու խմբային շահերից ելնելով` այդ ժամանակահատվածում Նոր Նորք վարչական շրջանի ղեկավարի աշխատակազմի քարտուղարի պաշտոնը զբաղեցրած Ա. Բաբայանը մտադրվել է նյութապես շահագրգռել ընտրողներին, այդ թվում` յուրաքանչյուր քվեի համար նրանց որպես կաշառք տալ պետության կողմից երաշխավորված անվճար և արտոնյալ պայմաններով բժշկական օգնության ու սպասարկման ուղեգրեր:

«Մասնավորապես, տեղեկանալով, որ Երևան քաղաքի բնակիչներից մեկը որպես թոշակառու վարչական շրջանի ղեկավարի աշխատակազմ է դիմել աչքերի վիրահատությունը պետական միջոցների հաշվին իրականացնելու խնդրանքով, Ա. Բաբայանը նրանից պահանջել է ընտանիքի մյուս անդամների հետ մասնակցել կայանալիք ընտրություններին և կողմ քվեարկել իր ներկայացրած անձի` պատգամավորի թեկնածու Ղուկաս Ուլիխանյանի օգտին՝ խոստանալով այդ դեպքում որպես կաշառք տալ առավելություն, այն է՝ ապահովել պետության կողմից երաշխավորված անվճար և արտոնյալ պայմաններով բժշկական օգնության ու սպասարկման ուղեգրի տրամադրումը:

Ընտրություններին մասնակցելուց հետո վերը նշված անձը ուղեգրի հիման վրա բժշկական կենտրոնում ենթարկվել է աչքի անվճար վիրահատության, ինչի դիմաց պետության կողմից հիշյալ բժշկական կենտրոնին փոխանցվել է 77.200 ՀՀ դրամ»,- մանրամասնում է ՀՔԾ-ն։

Ա. Բաբայանին մեղադրանք է առաջադրվել ՀՀ քրեական օրենսգրքի 154.2-րդ հոդվածի 2-րդ մասով (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը): Քրեական գործի նախաքննությունն ավարտվել է: Գործը մեղադրական եզրակացությամբ հանձնվել է հսկողություն իրականացնող դատախազին` այն հաստատելու և դատարան ուղարկելու միջնորդությամբ:

0