«Նա դա անհավանական է անում». 9–ամյա տղան ֆուտբոլ է խաղում տեսողությունը կորցնելուց հետո

96
(Թարմացված է 15:06 14.10.2019)
Մայք Պոլին առողջ է ծնվել։ Երբ վեց տարեկան էր, ծնողները նրան տարել են ակնաբույժի մոտ սովորական ընդունելության։ Պարզվել է` տղան ցանցաթաղանթի հազվագյուտ հիվանդություն ունի։

18 ամիս անց Մայքը լրիվ կուրացել է։ Բայց հիվանդությունը չի ազդել ֆուտբոլի նկատմամբ նրա հետաքրքրության վրա։ Մայքը ֆուտբոլի դաշտում կողմնորոշվում է լսողությամբ, ինչն ամենևին էլ չի խանգարում նրան հիանալի տեխնիկա ցուցադրել։ Նա ջանասիրաբար մարզվում է։

«Ես էլ եմ ձեր նման փողոցում խաղացել». Յուրա Մովսիսյանն այցելել է Երևանի բակերից մեկը․ տեսանյութ

Մարզիչ Օլի Մոնկսֆիլդն ամեն շաբաթ մարզում է Մայքին. տղան բազմաթիվ վարժություններ և փոխանցումներ է անում։

«Նա անհավանական է անում դա», – ասել է մարզիչը։

Աֆղանցի «Մեսսիի» հուզիչ պատմությունը. տղային սպառնացել են ֆուտբոլի հանդեպ սիրո համար

Մարզումներից ազատ ժամանակ տղան հոր հետ գնում է սիրելի «Արսենալի» խաղերին։ Ամռանը նա հանդիպել է իր կուռքի` «Արսենալի» հարձակվող Ալեքսանդր Լյակազետի հետ։ Տղան երազում է խաղաղ Անգլիայի հավաքականի կազմում։

96
թեգերը:
Արսենալ, կույր, տղա, ֆուտբոլ
Ըստ թեմայի
Նախընտրում էր սևահերներին, սիրահարվեց շիկահերին. հայ մարզիկի խոստովանությունը
«Ես էլ եմ ձեր նման փողոցում խաղացել». Յուրա Մովսիսյանն այցելել է Երևանի բակերից մեկը․ տեսանյութ
Վազեցի, ու գնա՜ց. կույր Ելենան հույս է ներշնչում չտեսնողներին. տեսանյութ
Հենրիխ Մխիթարյանը, գրկին` փոքրիկ տղա. լուսանկարը ոգևորել է ֆուտբոլիստի երկրպագուներին

Արմեն Սարգսյանն Արցախում է. նա շնորհակալություն է հայտնել նախագահի պարտված մրցակիցներին

26
(Թարմացված է 18:40 10.07.2020)
ՀՀ նախագահ Արմեն Սարգսյանը հանդիպել է իր արցախյան գործընկերոջը, որի հետ քննարկել է Արցախի հզորացմանն ու զարգացմանն ուղղված ծրագրերը։

Հայաստանի Հանրապետության նախագահ Արմեն Սարգսյանը մեկնել է Արցախ, Ստեփանակերտում հանդիպել Արցախի նախագահ Արայիկ Հարությունյանի հետ: Տեղեկությունը հայտնում է ՀՀ նախագահի մամուլի ծառայությունը։

Սարգսյանը շնորհավորել է Հարությունյանին ընտրություններում հաղթելու կապակցությամբ և շնորհակալություն հայտնել նրա մրցակիցներին։

«Նրանք անձնապես չհաղթեցին, բայց հաղթեցին միասին՝ ցույց տալով աշխարհին, որ Արցախը ոչ միայն ամուր ու հզոր, այլև ժողովրդավարական երկիր է, ինչպես նաև ազատ երկիր, որտեղ անցկացվում են ազատ ընտրություններ: Նրանք պետք է հպարտ լինեն, քանի որ իրենց ներդրումն ունեցան գործընթացում», - նշել է ՀՀ նախագահը:

Նախագահի լիազորությունները նվազեցնելու մասին խոսք լինել չի կարող. Մակունց

Իր հերթին Հարությունյանն ընդգծել է, որ մասնակցող թեկնածուների մեծ մասը ներկա քաղաքական իշխանության մաս է կազմում և պատրաստակամ է ապահովել երկրի առաջընթացն ու զարգացումն, իսկ նրանք, ովքեր ներգրավված չեն, նույնպես շարունակում են իրենց գործունեությունը հանուն Արցախի: Նա նաև շնորհակալություն է հայտնել Հայաստանի իշխանություններին՝ Արցախի զարգացմանն ուղղված գործնական ծրագրերին աջակցելու համար։

Հանդիպման ընթացքում զրուցակիցներն անդրադարձել են նաև Արցախի հզորացմանն ու զարգացմանն ուղղված ընթացիկ և հեռանկարային մի շարք ծրագրերի:

Սարգսյանի և Հարությունյանի առանձնազրույցին հաջորդել է ընդլայնված հանդիպումը, որին մասնակցել են Արցախի Ազգային ժողովի նախագահ Արթուր Թովմասյանը, պետական նախարար Գրիգորի Մարտիրոսյանը, արտաքին գործերի նախարար Մասիս Մայիլյանը, Անվտանգության խորհրդի քարտուղար Սամվել Բաբայանը, պաշտոնատար այլ անձինք:

Արցախի իշխանությունները հետամուտ են լինելու տարածքային ամբողջականության վերականգնմանը

26
թեգերը:
տեսանյութ, Արայիկ Հարությունյան, Արմեն Սարգսյան, Նախագահ, Հայաստան, Արցախ
Ըստ թեմայի
Բնակարաններ սպայական անձնակազմին, զինհաշմանդամներին և ոչ միայն. Արցախի նախագահի խոստումը
Ջալալ Հարությունյանը վերանշանակվել է․ Արցախի նախագահը կարևոր որոշումներ է կայացրել
Արցախի նախագահը հայտնել է` ինչպես է «ծախսելու» աշխատավարձը

ԱՄՆ-ն ուզում է Ռուսաստանին և Չինաստանին պատժել սիրիացիներին «սովամահ» անելու փորձի համար

45
(Թարմացված է 13:35 10.07.2020)
ԱՄՆ պետքարտուղարը կարծում է , որ Ռուսաստանին և Չինաստանին պետք է պատժել ՄԱԿ-ում վետոյի իրավունքը չարաշահելու համար։

Ռուսաստանն և Չինաստանն արգելափակել են Սիրիային հումանիտար օգնություն տրամադրելու բանաձևը։ Բելգիան և Գերմանիան առաջարկում էին Թուրքիայի և Սիրիայի սահմանին երկու սահմանային անցակետ թողնել, սակայն Մոսկվան ու Պեկինը չհամաձայնեցին։

Մրցակցությանը չդիմացավ․ Եվրոպան ու Ասիան հրաժարվում են ամերիկյան բնական հեղուկ գազից

Ռուսաստանը բանաձևի սեփական նախագիծն ունի։ Որո՞նք են ամերիկացիների ծածուկ դժգոհության պատճառները՝ դիտեք մեր տեսանյութում։

Rail Baltica. ինչպես է «մահանում» ՆԱՏՕ-ի և Եվրոպական միության փայփայած նախագիծը

 

45
թեգերը:
Միավորված ազգերի կազմակերպություն (ՄԱԿ), Չինաստան, Ռուսաստան
Ըստ թեմայի
Մարտական համակարգերի «մարդասպանը». ՌԴ-ում 10 կմ հեռահարության թնդանոթներ են ստեղծել
«Արմատան» կարտահանվի․ ով առաջինը կստանա Տ-14 նորագույն ռուսական հզոր տանկը
Քարոզչությունն ընդդեմ լուրերի․ ինչո՞ւ են արևմտյան ԶԼՄ-ները կորցնում իրենց դիրքերը
ՀՀ բարձր տեխնոլոգիական արդյունաբերության նախարար Հակոբ Արշակյանն ու ԱՄՆ դեսպան Լին Թրեյսին

Աշխարհում գործընթացները դանդաղել են, բայց ԱՄՆ–ին դեռ հետաքրքրում է Հայաստանը

0
(Թարմացված է 20:05 10.07.2020)
Հանդիպման ընթացքում անդրադարձ է կատարվել համավարակի հետևանքներին, կիբեռանվտանգության հարցերին և երկկողմանի համագործակցությանը։

ԵՐԵՎԱՆ, 10 հուլիսի — Sputnik. ՀՀ բարձր տեխնոլոգիական արդյունաբերության նախարար Հակոբ Արշակյանը հանդիպել է ԱՄՆ դեսպան Լին Թրեյսիի հետ, քննարկել ներդրումների գրավման հնարավորությունները։ Տեղեկությունը հայտնում է նախարարության մամուլի ծառայությունը։

Նախարար Արշակյանն անդրադարձել է Covid-19 համավարակի հետևանքով Հայաստանում և ԱՄՆ-ում ծագած մարտահրավերներին և հույս հայտնել, որ համատեղ ջանքերով հնարավոր կլինի հաղթահարել ստեղծված իրավիճակը։

Իր հերթին Թրեյսին նշել է, որ չնայած աշխարհում գործընթացները դանդաղել են և ակտիվ ներդրումներն էականորեն նվազել, սակայն ԱՄՆ–ն շարունակում են հետաքրքրված լինել Հայաստանում ներդրումների իրականացմամբ: Դեսպանը բարձր է գնահատել այն, որ Հայաստանն իր բարձր տեխնոլոգիական առաջընթացն կապում է գիտելիքի և կրթության հետ՝ մատնանշելով փորձագետների ներգրավման հնարավորությունների զարգացումը։

Ըստ Արշակյանի` ԱՄՆ Սիլիկոնյան հովիտը հանդիսանում է Հայաստանի բարձր տեխնոլոգիական արդյունաբերության համագործակցության գլխավոր ուղղություններից մեկը։ Նա հայտնել է, որ «Վիրտուալ կամուրջ» ծրագրի շրջանակներում 45 մասնակիցներ կայցելեն Սիլիկոնյան հովիտ՝ ներդրումների ներգրավման և Դրեյփերի համալսարանում գործարար փորձառության ձեռքբերման նպատակով:

Ղազախստանյան բիզնեսը հետաքրքրված է Հայաստանի ՏՏ ոլորտով ու նավթամթերքի շուկայով

Հանդիպման ընթացքում անդրադարձ է կատարվել նաև կիբեռանվտագության և նորագույն 5G ծածկույթով պայմանավորված ռիսկերի գնահատման ու կառավարման գործընթացներին, ամերիկյան PayPal-ի, Youtube-ի և Google-ի՝ հայաստանյան շուկայում հանդես գալու հիմնախնդիրներին:

Կողմերը բարձր են գնահատել տեխնոլոգիական արդյունաբերության ուղղությամբ տարվող աշխատանքները և պայմանավորվածություններ ձեռք բերել փոխգործակցության հնարավոր ուղղությունների և ժամանակացույցի հետագա քննարկումների վերաբերյալ:

Ցինկեր. Իսրայելը կարող է հետաքրքրված լինել հայկական ՏՏ ոլորտով

0
թեգերը:
Լին Թրեյսի, Հակոբ Արշակյան, Ներդրում, ԱՄՆ, Հայաստան
Ըստ թեմայի
«Հայկական վիրտուալ կամուրջը» հայթեքի միջազգային կենտրոն կդարձնի Հայաստանը. Արշակյան
Արշակյանը հավանեց Sputnik Արմենիայի առաջարկը. ռոբոտն ընդդեմ կորոնավիրուսի ու մանկական վախի
Ականանետ՝ արտադրված Հայաստանում. Հակոբ Արշակյանը բացել է գաղտնիքը