Եգանյան. «Ֆուտբոլի զարգացումը համակարգային դարձնելու պատմական հնարավորություն ունենք»

106
Զոհրաբ Եգանյանը լիահույս է, որ ինչպես շատ երկրներում Հայաստանում ևս առաջիկայում պետությունը կսկսի գումար ներդնել ֆուտբոլի զարգացման նպատակով։

Պատմական հնարավորություն ունենք ֆուտբոլի զարգացումը համակարգային դարձնելու, այն հոգածության տակ պահելու, հետևաբար, այս պահը չպետք է բաց թողնենք: Այս մասին Sputnik Արմենիայի հետ զրույցում ասաց ՀՖՖ նախագահի խորհրդական Զոհրաբ Եգանյանը։

«Հուսով եմ, որ կգա մի օր, երբ պետությունն էլ կսկսի գումար ներդնել ֆուտբոլային տնտեսության մեջ, ինչպես դա անում են շատ երկրներ, բայց մինչ այդ պետք է ընդհանուր ուժերով  աջակցենք Հայաստանի ֆուտբոլի ֆեդերացիային, որպեսզի աշխատանքները ավելի արդյունավետ լինեն»,- նշեց Եգանյանը:  

Նրա խոսքով` ուժեղ ֆուտբոլ ունենալու համար, կարևոր է նաև առողջ և ուժեղ հասարակություն ունենալ։

«Ֆուտբոլային երկիր լինելը ոչ միայն հզոր ու աշխարահռչակ խաղացողներ ունենալն է, դա ոչ միայն մեր տղաներին փոխարինման եկող արժանի և ուժեղ նոր ֆուտբոլիստներն են, այլև տնտեսական աշխուժությունն է, դեպի մեր երկիր հսկայական գումարների հոսքն է, շաբաթ-կիրակի օրերին իսկապես լիցքաթափվող ու դրական լիցքեր ստացող հասարակությունն է»,- ասաց Եգանյանը:

Մինչև տարեվերջ մարզերում կբացվեն 50–ից ավելի արհեստական ծածկով ֆուտբոլի դաշտեր. Փաշինյան

Հիշեցնենք, որ սեպտեմբերի 25-ին վարչապետ Նիկոլ Փաշինյանը Նյու Յորքում հայ համայնքի հետ հաբդիպման ժամանակ հայտարարեց, որ մինչև տարեվերջ ՀՀ մարզերում արհեստական ծածկով ֆուտբոլի ավելի քան 50 խաղադաշտ կբացվի, որ իսկ ՀՖՖ նախագահ Արթուր Վանեցյանը դեռ մայիսի 23–ին հայտնել էր, որ նոր մարզադաշտ պետք է կառուցվի, որը նաև ժամանցային վայր կլինի. 10-ից 15 հեկտար մարզադաշտի հարակից տարածքը նաև կկանաչապատվի։

106
թեգերը:
ֆուտբոլ, Զոհրաբ Եգանյան, ՀՖՖ, Հայաստան
թեմա:
Sputnik զրույց / Լրացուցիչ ժամանակ (124)
Ըստ թեմայի
Մխիթարյանը նոր արդյունք գրանցելու շանսեր ունի. նա դարձյալ «Ռոմայի» մեկնարկային կազմում է
«Ռոման» տասը ֆուտբոլիստով հաղթեց, Մխիթարյանը փոխարինվեց խաղավերջում
«Խելահեղ» Ֆալյանը. մարզիչ, որը ստեղծեց ոսկե «Արարատի» հիմքը
«Առաջ, Մխիթարյան». Արմեն Սարգսյանը Հռոմի մարզադաշտում երկրպագում է Հենրիխին. լուսանկարներ

sys_stories