«Անպտղություն ունեցող զույգերի անվճար բուժման հերթագրումը սկսվել է». Գայանե Ավագյան

1253
(Թարմացված է 22:12 20.09.2019)
Sputnik Արմենիայի «Տետ-ա-տետ» հաղորդաշարի ընթացքում «Մայրական և վերարտադրողական առողջության պահպանման» բաժնի պետ, գինեկոլոգ Գայանե Ավագյանը խոսել է անպտղությունը կանխարգելող ծրագրի մանրամասների մասին:

Արդեն մեկ շաբաթ է սկսվել է անպտղություն ունեցող զույգերի անվճար բուժման հերթագրումը.  ծրագրից օգտվելու համար այս պահին հերթագրվել է 50 զույգ: Այս մասին Sputnik Արմենիայի «Տետ-ա-տետ» հաղորդաշարի ընթացքում ասաց գինեկոլոգ Գայանե Ավագյանը։

«Անվճար պայմաններով անպտղության բուժման ծրագրից կարող է օգտվել 290 զույգ։Անպտղության բուժումն անվճար կլինի այն դեպքում, եթե ամուսիններից մեկը զինծառայող է կամ զույգերն ընդգրկված են ընտանեկան նպաստի համակարգում (30.01 և ավել բարձրանապահովության բալ ունեցողներ)»,- նշեց նա։

Բուժումն անվճար կլինի նաև սոցիալական աջակցություն ստացող սահմանամերձ համայնքների բնակիչների համար, ինչպես նաև այն զույգերի, որոնցից մեկի մոտ առկա է հաշմանդամություն։

Գործում է տարիքային սահմանափակում` 25 -ից 35 տարեկան,  քանի որ 36–ից հետո երեխա ունենալու հավանականությունը նվազում է։ Աջակցությունը տրամադրվում է ըստ հերթագրման կարգի։ Հետազոտությունը շահառուների համար անվճար է։

«Պետք է լինեն ընտրության որոշակի չափանիշներ։ Իհարկե, իդեալական կլիներ, որ պետությունը կարողանար առաջնային անպտղությամբ տառապող բոլոր զույգերին աջակցել, սակայն այս պահին դա հնարավոր չէ»,- ասել գինեկոլոգը։

Ավագյանը կարծում է, որ անպտղության հարցում ամենակարևորը կանխարգելումն է։

Նրա խոսքով` անվճար ծրագրով արհեստական բեղմնավորման մինչև 6 փորձ թույլատրելի է, բեղմնավորման առաջին, երկրորդ փորձի 50%–ը պետությունը վերցնում է իր վրա և եթե սաղմ ստանան, ապա 2–րդ ու 3–րդ սաղմերի տեղադրումը նույնպես կկատարվի անվճար։

Ըստ Ավագյանի` հանրապետությունում հաշվառված է 20.000–ից ավելի առաջնային անպտղությամբ տառապող զույգ։

1253
թեգերը:
անվճար բուժօգնություն, ՀՀ կառավարություն, Գայանե Ավագյան (Մայրական և վերարտադրողական առողջության պահպանման բաժնի պետ), գինեկոլոգ, անպտղություն, Հայաստան
թեմա:
ՏԵՏ-Ա-ՏԵՏ (93)
Ըստ թեմայի
Առողջապահության նախարարությունը մոտ 200 մլն դոլար կհատկացնի անպտղության դեմ պայքարի համար
Նիկոլ Փաշինյանի ու նախարարի երկխոսությունը կամ պետական ո՞ր ծրագիրը կոռուպցիոն ռիսկ չունի
Մասնագետների ահազանգը․ դեռահասության շրջանում մազահեռացումը կարող է ճակատագրական լինել
Ավագյան. «Կարևորը անպտղության կանխարգելումն է. առողջ ապրելակերպ, անվտանգ սեռական վարքագիծ»

Բելառուսում ՕՄՕՆ-ը ծեծել է տարեց տղամարդուն. տեսանյութ

88
(Թարմացված է 19:29 13.08.2020)
Կադրերում երևում է, որ ուժայինների կարճատև խոսակցությունից հետո տղամարդը շրջվում է ու հեռանում, այդ պահին ոստիկանները ոլորում են նրա ձեռքերն ու սկսում ծեծել։

Համացանցում տեսանյութ է հրապարակվել, որում երևում է, թե ինչպես են բելառուսական ուժայինները ձերբակալում մի տղամարդու։

Սկզբում ոստիկանության աշխատակիցը մահակով հարվածում է մեքենային, կոտրում ապակին, որից հետո տարեց տղամարդը դուրս է գալիս մեքենայից ու ՕՄՕՆ-ի ներկայացուցիչների հետ հանգիստ շարժվում դեպի դեղին ավտոբուսը։ Այդ պահին ոստիկաններից մեկը մոտենում է հետևից ու սկսում է հարվածներ հասցնել նրան։

ՕՄՕՆ-ի գործողությունները վրդովմունքի ալիք են բարձրացրել համացանցում։

«Ակներև ձեռնարկ` ինչպես կորցնել ժողովրդի հարգանքն ու իրենց դեմ տրամադրել ամբողջ երկիրը», - գրել է ПулN3. տելեգրամ-ալիքը։

Բելառուսում տղամարդը շան հետ զբոսնելիս փամփուշտ է «որսացել» ու վիրավորվել. տեսանյութ

Կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել:

Բախումներ հատուկջոկատայինների և ցուցարարների միջև

Տիխանովսկայան չի ընդունել ընտրության արդյունքներն ու Բելառուսից փախել է Լիտվա։

Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը

88
թեգերը:
ոստիկան, տղամարդ, Մինսկ, Բելառուս
Ըստ թեմայի
Լուկաշենկոն ստիպված կլինի՞ թողնել պաշտոնը. ըստ Մարկարովի` հանգուցալուծման 2 տարբերակ կա
Մինսկում ձերբակալվել է նաև RT-ի թղթակիցը
Սվետլանա Տիխանովսկայան լքել է Բելառուսի տարածքը

Ռուսաստանն աշխարհում առաջինը գրանցեց կորոնավիրուսի դեմ պատվաստանյութը

166
(Թարմացված է 00:35 13.08.2020)
Ռուսաստանի ուղիղ ներդրումների ֆոնդի գլխավոր տնօրենը հայտնել է, որ աշխարհի 20 երկրներից պատվաստանյութի ավելի քան 1 միլիարդ խմբաքանակ ձեռք բերելու հայտ են ստացել:

Վլադիմիր Պուտինը աշխարհում առաջինն է հայտարարել կորոնավիրուսի դեմ պատվաստանյութի գրանցման մասին։ Դեղամիջոցը մշակել են ՌԴ Պաշտպանության նախարարության և Ն․Ֆ․ Գամալեայի անվան համաճարակաբանության և միկրոկենսաբանության ազգային-հետազոտական կենտրոնի  մասնագետները։ Այն ստացել է «Սպուտնիկ V» անվանումը։ Պատվաստանյութի փորձարկումն ավարտվել է հաջողությամբ։

Թեստավորման մասնակիցները նշել են, որ իրենց լավ են զգում և պատվաստումից հետո որևէ կողմնակի ազդեցություն չեն նկատել: Բժիշկների խոսքով ՝ բոլոր կամավորների մոտ COVID-19-ի նկատմամբ դիմադրողականություն է առաջացել, իսկ դեղամիջոցն ապացուցել է իր անվտանգությունը:

Ռուսական դեղամիջոցով հետաքրքրված են աշխարհի շատ երկրներ, այժմ բանակցություններ են ընթանում այլ պետություններում դեղամիջոցի թեստավորում և արտադրություն սկսելու մասին։

Բացի Պաշտպանության նախարարության և Գամալեայի անվան կենտրոնի համատեղ աշխատանքից, պատվաստանյութի ստեղծմամբ զբաղվում է ևս երկու ռուսական ընկերություն՝ Նովոսիբիրսկի «Վեկտոր» վարակաբանության և բիոտեխնոլոգիայի դաշնային բյուջետային կառույցը, որն արդեն սկսել է իր երեք նախատիպերը փորձարկել մարդկանց վրա, և Սանկտ-Պետերբուրգի Պատվաստանյութերի և շիճուկների գիտահետազոտական ինստիտուտը։ Սպասվում է, որ ռուսաստանցիների զանգվածային պատվաստման համար նախատեսված պատվաստանյութերի առաջին խմբաքանակը կհայտնվի արդեն օգոստոսի կեսին։

Ռուսաստանում կորոնավիրուսի դեմ պատվաստանյութն առաջինը կստանան բժիշկներն ու տարեց մարդիկ

ՌԴ նախագահ Վլադիմիր Պուտինն անձամբ է հայտարարել է «Սպուտնիկ V» դեղամիջոցի գրանցման մասին:

«Այսօր առավոտ աշխարհում առաջինը գրանցվել է նոր կորոնավիրուսային վարակի դեմ պատվաստանյութը»,- ասել է նա:

Դեղամիջոցը մշակել են ՌԴ Պաշտպանության նախարարությունը և Գամալեայի անվան կենտրոնը համատեղ: Ռուս ռազմաբժիշկների փորձը թույլ է տվել ամենակարճ ժամկետներում արդյունավետ պատվաստանյութ ստանալ:

«Սպուտնիկ V»-ն արդեն իսկ ապացուցել է իր արդյունավետությունն ու անվտանգությունը: ՌԴ առողջապահության նախարար Միխայիլ Մուրաշկոն հայտնել է, որ կամավորներից որևէ մեկի մոտ իմունիզացիայի լուրջ բարդացումներ ի հայտ չեն եկել։

Պատվաստումը կանցկացվի 2 փուլով․ նախ՝ առաջին բաղադրանյութով, իսկ երեք շաբաթ անց՝ երկրորդով: Պատվաստանյութը հնարավորություն կտա վիրուսի նկատմամբ դիմադրողականությունն ապահովել 2 տարի:

Պատվաստանյութի արտադրությունն արդեն սկսվել է Գամալեայի անվան գիտական կենտրոնում և «Բիննոֆարմ» գործարանում: Ռուսաստանում քաղաքացիների համար այն կարող է հասանելի լինել հաջորդ տարեսկզբին

Ռուսական նոր դեղամիջոցով հետաքրքրված են աշխարհի 20 երկրներ՝ ԱՊՀ, Եվրոպայի, Մերձավոր Արևելքի, Աֆրիկայի և Հարավային Ամերիկայի հանրապետությունները ներառյալ:

«Մենք կարող են հաստատել, որ արդեն պատվաստանյութի մեկ միլիարդ խմբաքանակ են խնդրել, իրականում՝ միլիարդից մի քիչ ավելի։ Դա նախնական հայտերի թիվն է, որոնք այս պահի դրությամբ ստացել ենք ավելի քան 20 երկրից»,- նշել է Ռուսաստանի ուղիղ ներդրումների ֆոնդի գլխավոր տնօրեն Կիրիլ Դմիտրիևը։

Այնուամենայնիվ, Ռուսաստանում արտադրվող բոլոր չափաբաժիններն առաջին հերթին կուղղվեն ներքին շուկային, իսկ արտասահմանցի սպառողի համար արտերկրում առանձին արտադրություններ կբացվեն: Բայց մինչ այդ պատվաստանյութը լրացուցիչ փորձարկումների կենթարկվի այլ երկրներում:

«Երրորդ փուլը կսկսվի գրանցումից անմիջապես հետո, այնպես որ գործնականում այն մեկնարկում է վաղվանից, ինչպես արդեն ասացի՝ օգոստոսին մենք այն կսկսենք նաև ԱՄԷ-ում, Սաուդյան Արաբիայում և Ֆիլիպիններում, հուսով եմ՝ նաև Բրազիլիայում։ Այդ երկրները կմասնակցեն 3-րդ փուլի փորձարկումներին»,- ընդգծել է Դմիտրիևը։

ԱՀԿ-ն ևս արձագանքել է ռուսական պատվաստանյութի գրանցմանը և մոտակա ժամանակներում պատրաստվում է միջազգային ստանդարտներին համապատասխանության գնահատում իրականացնել:

Բացի ՊՆ-ից և Գամալեայի անվան կենտրոնից, Ռուսաստանում դեղամիջոցի մշակմամբ զբաղվում են նաև Նովոսիբիրսկի «Վեկտոր» վարակաբանության և բիոտեխնոլոգիայի ԴԲԿ-ն և Սանկտ-Պետերբուրգի Պատվաստանյութերի և շիճուկների գիտահետազոտական ինստիտուտը:

Ռուսաստանցի բժիշկն ասել է` ում է հակացուցված կորոնավիրուսի դեմ պատվաստումը

Այս կազմակերպությունները ևս կորոնավիրուսի դեմ դեղամիջոցների ստեղծման առաջատարներից են և շրջանցում են անգամ բազմաթիվ արևմտյան մրցակիցներին:

«Վեկտորի» մշակած պատվաստանյութի երեք նախատիպ արդեն անցել են առաջնային փորձարկումները և հիմա գիտական կենտրոնում սկսել են դրանց թեստավորումը մարդկանց վրա:

166
թեգերը:
Վլադիմիր Պուտին, կորոնավիրուս, պատվաստանյութ, Ռուսաստան
Ըստ թեմայի
Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը
«Պատվաստանյութային ազգայնականություն». ինչո՞ւ է Արևմուտքն անհանգիստ շարժումներ անում
Ռուսաստանում հայտնել են COVID-19-ի պատվաստանյութի փորձարկման 3–րդ փուլի կամավորների թիվը
Նուբար Աֆեյանի ընկերությունը սկսել է Covid-19-ի դեմ պատվաստանյութի փորձարկման 3-րդ փուլը
Դոնալդ Թրամփ

Թրամփին պատմել են ռուսական պատվաստանյութի մասին

0
(Թարմացված է 23:25 13.08.2020)
Վաշինգտոնում հուսով են, որ մինչև տարեվերջ կկարողանան ստանալ COVID-19–ի դեմ պատվաստանյութը, որն այժմ թեստավորման երրորդ փուլն է անցնում։

ԵՐԵՎԱՆ, 13 օգոստոսի - Sputnik. ԱՄՆ նախագահ Դոնալդ Թրամփին տեղեկացրել են կորոնավիրուսի դեմ ռուսական պատվաստանյութի մասին, ճեպազրույցի ժամանակ հայտնել է Սպիտակ տան մամուլի քարտուղար Քեյլի Մակինանին՝ հրաժարվելով այլ մեկնաբանություններ տալ:

Նրա խոսքով՝ Թրամփին նաև տեղեկացնում են ամերիկյան պատվաստանյութի մշակման գործընթացի մասին. պատվաստանյութն ակտիվ փորձարկումներ է անցնում, որպեսզի արդյունավետ ու անվտանգ լինի:

Վաշինգտոնում հուսով են, որ մինչև տարեվերջ կկարողանան ստանալ COVID-19–ի դեմ պատվաստանյութը, որն այժմ թեստավորման երրորդ փուլն է անցնում։

Հիշեցնենք՝ ՌԴ նախագահ Վլադիմիր Պուտինը օգոստոսի 11-ին ՌԴ կառավարության անդամների հետ խորհրդակցության ժամանակ հայտարարել էր, որ Ռուսաստանում գրանցվել է կորոնավիրուսի դեմ առաջին պատվաստանյութը։ ՌԴ նախագահի խոսքով՝ Ռուսաստանը COVID-19-ի դեմ պատվաստանյութ գրանցած առաջին երկիրն է։ Պատվաստանյութը բավականաչափ արդյունավետ է, ձևավորում է կայուն դիմադրողականություն և անցել է բոլոր անհրաժեշտ փորձարկումները։

Կորոնավիրուսի դեմ պայքարի օպերատիվ շտաբը հայտնել է, որ կորոնավիրուսի դեմ ռուսական պատվաստանյութը քաղաքացիական շրջանառության մեջ կմտնի 2021 թվականի հունվարի 1-ին։ Այն կոչվել է «Սպուտնիկ V»։

Առողջապահության համաշխարհային կազմակերպությունն էլ հայտարարել է, որ ողջունում է նոր կորոնավիրուսի դեմ պատրաստուկների հետազոտությունների ու մշակումների ոլորտի բոլոր ձեռքբերումները և մտադիր է ստուգել ռուսական պատվաստանյութի փորձարկումների տվյալները:

ԱՀԿ-ն ուզում է համոզվել, որ պատվաստանյութի հետազոտությունն իրականացվել է սահմանված ընթացակարգերին համապատասխան։ Կազմակերպությունը պատրաստ է գնահատել դեղի անվտանգությունն ու արդյունավետությունը: Դրա հետ մեկտեղ ԱՀԿ-ի մասնագետները շփման մեջ են ռուսաստանցի գիտնականների հետ:

 

0
թեգերը:
կորոնավիրուս, պատվաստանյութ, Ռուսաստան, Դոնալդ Թրամփ, ԱՄՆ
Ըստ թեմայի
Ո՞ր երկրներն են Covid-19–ի դեմ պատվաստանյութ մշակել
Պուտինի դուստրը պատվաստվել է կորոնավիրուսի դեմ
Ումի՞ց են կախված «անկախ փորձագետները». բժիշկը խոսել է ռուսական նոր պատվաստանյութի մասին