Երևանում 71–հարկանի շենքը սպիտակ ագռավի նման պիտի ցցվի մի տեղ. ճարտարապետ Հրաչյա Պողոսյան

766
(Թարմացված է 19:26 14.09.2019)
Երևանում նախատեսվում է 71–հարկանի երկնաքեր կառուցել: Հակասական կարծիքներ ու տեսակետներ են հնչում այս հավակնոտ նախագծի վերաբերյալ: Ճարտարապետ Հրաչյա Պողոսյանը Sputnik Արմենիայի հետ զրույցում խոսել է երկնաքերի, քաղաքաշինական և շինարարական խնդիրների մասին։

Վաստակավոր ճարտարապետ Հրաչյա Պողոսյանին չի ոգևորել Երևանում երկնաքեր կառուցելու գաղափարը։ Նա այս մասին ասաց Sputnik Արմենիայի հետ զրույցում։

«Սպիտակ ագռավի նման այդ երկնաքերը պիտի ցցվի մի տեղ: Ես համարում եմ, որ դա սխալ բան է, որովհետև ամեն բան, ինչ արվում է, պիտի լինի ներդաշնակ իր միջավայրի հետ: Ասենք, դաշտում ցցվեց մի 70–հարկանի շենք, իսկ մեր ամբողջ քաղաքին նայում ես, դա օտար է, աչք է ծակում: Չեմ ասում, որ սեյսմիկ գոտում ենք գտնվում և այլն, որովհետև կարելի է սեյսմիկ գոտում կառուցել բարձր շենք և անել այնպես, որ դիմակայի: Բայց չեմ կարծում, որ մեր քաղաքին դա հատուկ է»,– ասաց նա:

Օգտվելով առիթից` մեր վաստակաշատ զրուցակցին դիմեցինք քաղաքաշինական և շինարարական խնդիրներին վերաբերող այլ հարցերով ևս։

Ընդհանուր տպավորությամբ` մայրաքաղաքում շինարարական որոշակի աշխուժություն է դիտարկվում: Սակայն դա իր հետ բերում է նաև փոշի և աղմուկ, երբեմն այն աստիճան, որ անհնար է չնկատել: Մինչդեռ կան չափանիշներ ու պահանջներ, որոնց շինարարական ընկերությունները պարտավոր են հետևել:

Վերմիշյան․ «Երկնաքերը պետք է լինի ո՛չ այդ տարածքում, և ո՛չ այդպիսի շենք»

«Պահանջներ, իհարկե, կան, և միգուցե զարմանալի թվա, բայց այդ պահանջներն այսօր դրվում են բոլոր նախագծողների առջև: Օրինակ` նախագծերի մեջ անպայման պետք է լինի շինհրապարակի կազմակերպման նախագիծ, մինչև անգամ ամբարձիչ կռունկի ընտրությունը պիտի նշվի։ Այն կետում, որտեղով բեռնատարները դուրս են գալիս, անպայման պետք է ցնցուղ լինի, որի տակով անցնի մեքենան, որպեսզի փոշի չառաջացնի քաղաքում: Իսկ շինարարության օբյեկտը՝ շենքը, պետք է անպայման ծածկվի հատուկ պաստառներով»,– ասաց Պողոսյանը:

Մեր զրուցակցի դիտարկումներով՝ մասամբ են պահպանվում այդ և մի շարք այլ պահանջներ, որոնք պարտադիր են համարվում: Մի տեղ արվում է, մի այլ շինհրապարակում՝ ոչ:

«Որևէ նախագիծ չի կարող հաստատվել շինարարության համար, եթե չունենա այդ շինհրապարակի կազմակերպման թերթերը, շինարարության ժամանակացույցը:

Բայց մենք տեսնում ենք շինհրապարակներ, որ տասնյակ տարիներով այդպես էլ մնացել են: Ինչպես մյուս ասպարեզներում, միշտ չէ, որ օրենքները աշխատում են»,- նշում է նա:

Բնության հուշարձանները գրեթե չեն պաշտպանվում. ի՞նչ են առաջարկում Վերմիշյանն ու Գասպարյանը

Հրաչյա Պողոսյանն անմիջական մասնակցություն է ունեցել այնպիսի դիմագծային կառույցների ստեղծմանը, ինչպիսին էր Երիտասարդության պալատը, ինչպիսին են «Ռոսիա», հետագայում՝ «Այրարատ» կինոթատրոնը (երկու դեպքում էլ՝ համահեղինակությամբ Արթուր Թարխանյանի և Սպարտակ Խաչիկյանի), Կ.Դեմիրճյանի անվան Մարզահամերգային համալիրը (հեղինակային խմբի հետ)։ Զրույցի ընթացքում չենք շրջանցել այդ ինքնօրինակ ստեղծագործությունների վիճակին ու ճակատագրին վերաբերող հարցերը:

Մանրամասները՝ տեսանյութում:

766
թեգերը:
շենք, Երևան, Հայաստան
Ըստ թեմայի
Վերմիշյան. «Մոտակա 2-3 տարվա ընթացքում շինարարական «բում» կլինի»
«Հին Երևանը» 2–րդ սերիա կունենա. իշխանությունը համուհոտը վերադարձնելու նոր տարբերակ ունի

ԱԴԾ-ի հատուկ գործողությունը․ Ռոստովի մարզում ահաբեկչական խումբ է վնասազերծվել․ տեսանյութ

34
(Թարմացված է 15:44 13.07.2020)
Համացանցում են հայտնվել Ռոստովի մարզում ահաբեկչությունները կանխած ՌԴ Անվտանգության դաշնային ծառայության աշխատակիցների հատուկ գործողության կադրերը։

Ռուսաստանի Անվտանգության դաշնային ծառայությունը հայտնաբերել է «Իսլամական պետություն» (ԻՊ-ն արգելված է Ռուսաստանում և մի շարք այլ երկրներում) խմբավորման անդամների, որոնք պատրաստվում էին երկրի տարածքում ահաբեկչություններ իրականացնել։

ԱԴԾ մամուլի ծառայությունը հայտնում է, որ իսլամիստները մասնավորապես ծրագրում էին հարձակումներ գործել  ոստիկանության աշխատակիցների, բժշկական և ուսումնական հաստատությունների վրա։

Նշվում է, որ հայտնաբերված խմբում տարածաշրջանի վեց բնակիչ կար ընդգրկված (միջին ասիական երկրներից մեկի ու Ռուսաստանի քաղաքացիներ)։

Ռոստովի մարզի Ազովի շրջանում խմբավորման ղեկավարին ձերբակալելու ժամանակ նա կրակ է բացել ՌԴ ԱԴԾ հատուկ ստորաբաժանման աշխատակիցների վրա Կալաշնիկովի ինքնաձիգից։ Նա նաև ինքնաշեն պայթուցիկ սարք է գործադրել ու մահացու վնասվածքներ է ստացել։

Օպերատիվ միջոցառումների շրջանակում խմբավորման հինգ անդամ է ձերբակալվել։ Քաղաքացիական բնակչության կամ ԱԴԾ անդամների շրջանում տուժածներ չկան։

Քրեական գործեր են հարուցվել։

Հիշեցնենք՝ ավելի վաղ ԱԴԾ աշխատակիցներն Աստրախանի մարզում էին ԻՊ անդամի ձերբակալել․ նա հարձակում էր պատրաստում վարչական շենքերի վրա։

34
թեգերը:
Ահաբեկչություն, ահաբեկիչ, «Իսլամական պետություն», Ռուսաստան, Անվտանգության դաշնային ծառայություն (ԱԴԾ)
Ըստ թեմայի
ԱԴԾ–ն հրապարակել է «Հիզբ ութ Թահրիրի» իսլամիստներին ձերբակալելու տեսանյութը
Ռուսաստանի ԱԴԾ-ն առնվազն երկու ահաբեկչություն է կանխել
Ռուսաստանում ահաբեկչություն են կանխել. ԱԴԾ-ն հայտարարություն է տարածել

Ազնավուրի հրապարակում ավելացան Հրանտ Մաթևոսյանի և Աղասի Այվազյանի աստղերը. տեսանյութ

10
(Թարմացված է 15:36 13.07.2020)
Այս աստղերը կկարևորեն երկու գործիչների անցած ուղին ու կապացուցեն, որ նրանց ավանդը մոռացության չի մատնվել։

Երևանի Շառլ Ազնավուրի հրապարակում «Ոսկե ծիրան» միջազգային կինոփառատոնի նախաձեռնությամբ բացվեցին արձակագիր, կինոսցենարիստ Հրանտ Մաթևոսյանի և արձակագիր, դրամատուրգ, կինոռեժիսոր Աղասի Այվազյանի հոբելյանական աստղերը։ Այս տարի նշվում է Հրանտ Մաթևոսյանի 85–ամյակը և Աղասի Այվազյանի 95-ամյակը։

Հանդիսավոր արարողության ներկա էին սակավաթիվ կինեմատոգրաֆիստներ և հոբելյարների ժառանգները։

Հրանտ Մաթևոսյանի կինը՝ Վերժինե Մովսիսյանը, ևս ներկա էր միջոցառմանը։ Նա շնորհակալություն հայտնեց այն մարդկանց, որոնք այս ծանր պայմաններում աշխատում են դեռ հիշեցնել ու ասել, որ մինչև հիմա անկրկնելի են մնում հայկական ֆիլմերը։

Աղասի Այվազյանի թոռնուհին՝ երիտասարդ կինոռեժիսոր Նիկա Շեկը (Եվգենյա Շեկոյան), վստահեցրեց, որ այդ աստղերը ոչ միայն շատ կարևոր ու թանկ են հարազատների համար, այլև խորհրդանշական են, որովհետև յուրաքանչյուր աստղը մի մոլորակ է։

Բակունցի մայրն այդպես էլ չիմացավ որդու գնդակահարության մասին. քիչ հայտնի դրվագներ

Հիշեցնենք՝ «Ոսկե ծիրան» միջազգային կինոփառատոնը ծրագրված է անցկացնել նոյեմբերի 1-8-ը։ Կազմակերպիչները հույս ունեն, որ մինչև այդ համավարակի պարտադրած սահմանափակումները գոնե մասնակի կվերացվեն։

Բանտախուց համար 21, կամ ինչու էին կալանավորներն ուտելիք տալիս Եղիշե Չարենցին

10
թեգերը:
«Ոսկե ծիրան» կինոփառատոն, Աղասի Այվազյան, Ազնավուրի հրապարակ, Հրանտ Մաթևոսյան, Երևան, Հայաստան
Ըստ թեմայի
«Միայն արյան հոտը կարող է ձեզ սթափեցնել». մեկ դար անց թուրքի նամակը Կոմիտասին
Միքայել Նալբանդյանի ամբողջական գրական ժառանգությունն առաջին անգամ կներկայացվի համացանցում
«Մայրիկի», «Արարատի», «Կտոր մը երկնքի» ստեղծողները և ոչ միայն․ 5 հայ հանճարեղ ռեժիսորները
Սամվել Մարտիրոսյան

Հայերի կոտրած էջերն են կիրառում․ ինչպես են սուտ լուրերը տարածվում համացանցում

0
(Թարմացված է 17:23 13.07.2020)
Տեղեկատվական անվտանգության փորձագետ Սամվել Մարտիրոսյանը Sputnik Արմենիայի եթերում անդրադարձել է պետական սահմանի Տավուշի հատվածում ադրբեջանական սադրանքի ֆոնին վերջինիս կողմից սանձազերծված տեղեկատվական պատերազմին և կեղծ լուրերի տարածման խնդրին։
Մարտիրոսյան. «Ադրբեջանական լուրերի դեպքում գործ ունենք ոչ թե փաստերի, այլ ռազմական քարոզչության հետ»

Սամվել Մարտիրոսյանի դիտարկմամբ՝ թեև ապատեղեկատվությունը տարածվում է պաշտոնական մակարդակով, սակայն այդ պատերազմում ադրբեջանական կողմը կիրառում  է նաև հիբրիդային մեթոդներ, որոնցից մեկը ՀՀ քաղաքացիների կամ սփյուռքահայերի նախապես կոտրված հաշիվների օգտագործումն է համացանցում, հիմնականում ֆեյսբուքում, որոնց շնորհիվ և որոնց անունից էլ փորձում են տարածել ապատեղեկատվություն՝ ներկայացնելով խուճապ առաջացնող մանիպուլյատիվ լուրեր:

«Հիմա այդ գրոհն ակտիվացել է, ու գրում են բավականին լավ հայերենով, հետևաբար շատ կարևոր է նման դեպքերում հիշել մեկ հանգամանք, որ բոլոր այն աղբյուրները, որոնք անծանոթ են, պետք է հաշվի առնվեն, անհրաժեշտ է հիմնվել միայն այն օգտատերերի տեղեկությունների վրա, որոնց մասին կա հստակ ինֆորմացիա»,- նշում է փորձագետը:

Սամվել Մարտիրոսյանի փոխանցմամբ՝ ռազմական գործողությունների ժամանակ հակառակորդի պաշտոնական տեղեկատվությունը չի կարող դիտարկվել որպես իրականությանը մոտ, քանի որ հակառակորդը միշտ պատրաստ է ապատեղեկատվություն տարածելուն: Իսկ ադրբեջանական մամուլի պարագայում փորձագետն արձանագրում է մեկ իրողություն, որ պատերազմական իրավիճակում կան սահմանափակումներ, և բոլոր լրագրողները չէ, որ կարող են գրել ռազմական գործողությունների մասին, հակառակ դեպքում նրանց կդատեն պետական դավաճանության հոդվածով և քրերորեն կհետապնդեն: 

Ադրբեջանը հայտնվել է բարդ իրավիճակում․ քաղաքագետը՝ լարվածության ստեղծման պատճառների մասին

«Պետք է հիշել, որ ալիևյան ռեժիմը տարիներ շարունակ ճնշել է փոքրիշատե անկախ լրատվամիջոցներին, և եթե գործ ունենք ադրբեջանական լրահոսի հետ, ապա այժմ այն ամբողջությամբ վերահսկվում է նույն աղբյուրների կողմից: Նման դեպքերում գործ ունենք ոչ թե փաստերի, այլ ռազմական քարոզչության հետ»,- նշում է փորձագետը: 

Ադրբեջանցիները գործի են անցել նաև վիրտուալ տարածքում. զգուշացնում է Սամվել Մարտիրոսյանը

Անդրադառնալով այն կոչերին, որոնց համաձայն՝ Տավուշում ծառայող զինվորների հարազատներին հորդորվում է չզանգահարել նրանց, Սամվել Մարտիրոսյանն ընդգծում է, որ բանակը կարող է կիրառել ապահով ալիքներ, «մեսինջերներ», որոնց գաղտնալսումը հնարավոր չէ, և այդ դեպքում զինծառայողները կարող են անվտանգ կապ հաստատել իրենց հարազատների հետ: Բայց փորձագետը հորդորում է հաշվի առնել նաև այն հանգամանքը, որ բաց բջջային կապի միջոցով սահմանից չարժե խոսել, քանի որ հակառակորդը կարող է որսալ զրույցները:          

 

0
թեգերը:
համացանց, Սամվել Մարտիրոսյան, հրետակոծություն, Ադրբեջան, հայ-ադրբեջանական, Սահման, Տավուշ, Հայաստան
Ըստ թեմայի
Պետք է անհապաղ միջոցներ ձեռնարկել. ԵՄ–ն կոչով դիմել է Հայաստանին ու Ադրբեջանին
Տավուշում երեք զինծառայող է վիրավորվել
ՀՀ ԱԳՆ–ն պատասխանել է Թուրքիային