Հունվարի 1-ից 3 հազար դոլարանոց «Օպել Վեկտրան» կգնենք մինչև 5000–ով. Պանդուխտ Մարտիրոսյան

730
(Թարմացված է 08:59 12.09.2019)
Հունվարի 1-ին լրանում է ԵԱՏՄ-ում Հայաստանի արտոնությունների ժամկետը, ինչի հետևանքով Հայաստան ներկրվող ավտոմեքենաների մաքսատուրքը կբարձրանա:

Ավտոմեքենաների ներկրման հետ կապված՝ 2020թ.-ին գնաճ է սպասվում: ՀՀ վարչապետի աշխատակազմի հանրային կապերի և տեղեկատվության կենտրոնի, «Օրբելի» վերլուծական կենտրոնի փորձագետ, տնտեսագետ Պանդուխտ Մարտիրոսյանը Sputnik Արմենիայի «Տետ-ա-Տետ» հաղորդաշարի ընթացքում մանրամասներ է ներկայացրել, թե որ ավտոմեքենան որքան կթանկանա:

2020 թվականի հունվարից Հայաստան ներկրվող մեքենաների համար գանձվող մաքսատուրքերը մի քանի անգամ կբարձրանան։ 2 000  խ/սմ աշխատանքային ծավալով շարժիչ ունեցող մեքենայի համար մաքսատուրքը կլինի միջինը՝ մոտ 6000 դոլար։ Մոտավոր հաշվարկով՝ Հայաստանում ամենատարածված ու սպառվող  ավտոմեքենաներից՝ 19-20 տարեկան «Օպել վեկտրայի» գինը  մոտ  3000 ԱՄՆ դոլարից կհասնի մինչև 5000 -ի սահմաններ:  Սպասվող փոփոխություններից հետո ավելի շահեկան կլինի գնել նոր՝ մոտ 4 տարեկանից սկսած ավտոմեքենաներ:

Ծխախոտ, կոնյակ ու գինի` որքան սիրտներդ ուզի. ԵԱՏՄ–ն հանում է սահմանափակումները

«Լրիվ նոր  մեքենաների դեպքում էլ գները կաճեն, բայց ավելի քիչ՝ մինչև 15 տոկոս»,- հաշվարկել է տնտեսագետը: Մարտիրոսյանի  խոսքով` փոփոխությունները կտարածվեն ինչպես իրավաբանական, այնպես էլ ֆիզիկական անձանց վրա։ 

Պանդուխտ Մարտիրոսյանն անդրադարձել է նաև կառավարության վերջին նիստում հաստատված՝ ԱԺ «Բարգավաճ Հայաստան» խմբակցության պատգամավոր, ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահ Միքայել Մելքումյանի ներկայացրած նախագծին, համաձայն որի՝ 2020թ.-ի հունվարի 1-ից՝ մինչև 4 տարվա արտադրության ավտոմեքենա ներմուծողները կազատվեն ԱԱՀ-ից: 

Կովերին «կչիպավորեն». ԵԱՏՄ–ն քննարկում է հաշվառման միասնական համակարգ ստեղծելու հարցը

Նրա խոսքով՝ կառավարությունն այս նախագծով նպատակ ունի խթանել առավել ցածր արտանետումներ ունեցող,  մինչև չորս տարվա արտադրության տրանսպորտային միջոցների ներմուծումը, ինչպես նաև մեղմել 2020 թվականի հունվարի 1-ից ԵԱՏՄ տարածք տրանսպորտային միջոցների ներմուծման մաքսային դրույքաչափերի՝ ՀՀ համար սահմանված արտոնյալ ժամկետի սպառման հետևանքով նոր դրույքաչափերի կիրառության ազդեցությունը և նպաստել ոլորտում գործունեություն իրականացնող՝ ԱԱՀ վճարող կազմակերպությունների շրջանառու միջոցների ավելացմանը:

730
թեգերը:
Պանդուխտ Մարտիրոսյան, մաքսատուրք, թանկանալ, ավտոմաքսատուն, ավտոմեքենա, Եվրասիական Տնտեսական Միություն (ԵԱՏՄ)
թեմա:
ՏԵՏ-Ա-ՏԵՏ (93)
Ըստ թեմայի
Ղազախստանում որոշել են օրինականացնել Հայաստանից մեքենա ձեռք բերելը
Ներկրողները փակուղում են հայտնվել. Ճապոնիան փակել է մեքենաների աճուրդները Հայաստանի համար
Բիզնեսը հարկել նախապե՞ս, թե՞ հետո. պատգամավորները նոր առաջարկ են ներկայացրել
Որքան կբարձրանան մեքենաների ներմուծման մաքսատուրքերը 2020 թ-ից
Որքան աշխատավարձ են ստանում մարդիկ ԵԱՏՄ երկրներում

Ինքնաթիռում «անձրև» է եկել, «Ռոսիա» ավիաընկերությունը պարզում է պատճառը. տեսանյութ

43
(Թարմացված է 21:09 11.07.2020)
Դեռևս անհայտ պատճառներով ինքնաթիռի սրահի առաստաղից սկսել է ջուր կաթել։ Ուղևորներից ոմանք բացել են անձրևանոցները, մյուսները սկսել են անձեռոցիկով մաքրել առաստաղը։

«Ռոսիա» ավիաընկերությունը ստուգումներ է իրականացնում պարզելու համար, թե ինչն է եղել Խաբարովսկ–Սոչի օդանավում սկսված «անձրևի» պատճառը։

Լոնդոնյան օդանավակայանում հայտնված ուրվական ինքնաթիռը ցնցել է մարդկանց. տեսանյութ

Սոցցանցերում հրապարակված տեսանյութում երևում է, թե ինչպես են ուղևորներից ոմանք անձրևանոցներով «պաշտպանվում», մյուսներն էլ փորձում են անձեռոցիկով մաքրել սրահի առաստաղը։

Lարախաղաց առնետը վազվզում է Մոսկվայի օդային գծերի լարերով. տեսանյութ

ՌԻԱ Նովոստիի հարցմանն ի պատասխան ընկերությունից նշել են, որ բոլոր չվերթերն իրականացվել են չվացուցակի համաձայն, ոչ մի բողոք չի եղել։

Նոր ավիափոխադրող հայկական շուկայում. դեպի ուր կթռչեն Fly Armenia Airways–ի ինքնաթիռները

43
թեգերը:
Անձրև, ինքնաթիռ, Ռուսաստան
Ըստ թեմայի
Ռուսաստանի ավելի քան 2 հազար քաղաքացի Հայաստանից հայրենիք է վերադարձել. դեսպանատուն
Մի-2 ուղղաթիռը կոշտ վայրէջք է կատարել Ռոստովի մարզում․ կադրեր դեպքի վայրից
Եվս երկու չվերթ. ՀՀ–ից ոչ բոլորը կկարողանան մեկնել Սոչի ու Եկատերինբուրգ

Ռուսական կործանիչներն ամերիկյան ինքնաթիռ են որսացել Ճապոնական ծովի վրա

29
(Թարմացված է 18:28 11.07.2020)
Ռուսական Սու-35Ս և ՄիԳ-31ԲՄ կործանիչներն այնքան ժամանակ են ուղեկցել ամերիկյան ինքնաթիռին, մինչև այն շրջվել ու հեռացել է երկրի պետական սահմանից։

Օդային տարածքի վերահսկման շրջանակում Ճապոնական ծովի չեզոք գոտում հայտնաբերվել է օդային թիրախ, որը թռիչք է իրականացրել ՌԴ պետական սահմանի ուղղությամբ։ Տեղեկությունը հայտնում է ՌԴ պաշտպանության նախարարությունը։

Սու-27-ը որսացել է ԱՄՆ–ի հետախուզական ինքնաթիռը. Ռուսաստանի ՊՆ–ն տեսանյութ է հրապարակել

«Թիրախի նույնականացման համար օդ են բարձրացել Արևելյան ռազմական օկրուգի հերթապահ կազմի Սու-35Ս և ՄիԳ-31ԲՄ կործանիչները և, թիրախին մոտենալով, պարզել, որ ԱՄՆ ՌՕՈւ RC-135 հետախույզ ինքնաթիռ է», – նշված է հաղորդագրության մեջ։

Ռուսական կործանիչները հետախույզ ինքնաթիռին ուղեկցել են անվտանգ հեռավորության վրա։

Երբ ԱՄՆ ՌՕՈւ ինքնաթիռը հեռացել է Ռուսաստանի պետական սահմանից, կործանիչները վերադարձել են տեղակայման օդակայան։

Սու-27-երը Բալթիկ ծովում ամերիկյան ռմբակոծիչներ են որսացել. տեսանյութ

29
թեգերը:
ինքնաթիռ, ԱՄՆ, Ռուսաստան
Ըստ թեմայի
ԱՄՆ-ն ուզում է Ռուսաստանին և Չինաստանին պատժել սիրիացիներին «սովամահ» անելու փորձի համար
Ինչպե՞ս լուծել ԵԱՏՄ-ում բեռների փոխադրման խնդիրները․ նոր մարմին է ստեղծվել
Քարոզչությունն ընդդեմ լուրերի․ ինչո՞ւ են արևմտյան ԶԼՄ-ները կորցնում իրենց դիրքերը
ԱԳՆ

ՀՀ ԱԳՆ–ին մտահոգում է Սուրբ Սոֆիայի տաճարի կարգավիճակը փոխելու որոշումը

21
(Թարմացված է 22:01 11.07.2020)
Սուրբ Սոֆիայի տաճարի կարգավիճակի փոփոխության մասին որոշումը ՅՈՒՆԵՍԿՕ-ի համաշխարհային ժառանգության փոփոխության վտանգավոր նախադեպ է:

ԵՐԵՎԱՆ, 11 հուլիսի – Sputnik. ՀՀ ԱԳՆ մամուլի խոսնակ Աննա Նաղդալյանը մեկնաբանել է Թուրքիայի իշխանությունների` Սուրբ Սոֆիայի տաճարի կարգավիճակի փոփոխության որոշումը:

«Մեզ խորապես մտահոգել է ՅՈՒՆԵՍԿՕ-ի Համաշխարհային ժառանգության վայր հանդիսացող Սուրբ Սոֆիայի տաճար-թանգարանը մզկիթի վերածելու Թուրքիայի իշխանությունների որոշումը: Սուրբ Սոֆիայի տաճարը զուտ պատմական և մշակութային կոթող չէ։ Իր պատմության ընթացքում այն ունեցել է տարբեր կրոնական, մշակութային և քաղաքական նշանակություն»,- ասված է խոսնակի տարածած հայտարարության մեջ:

ԱԳՆ-ի մեկնաբանությամբ` Սուրբ Սոֆիայի տաճարին թանգարանի կարգավիճակ տալն ու ՅՈՒՆԵՍԿՕ-ի Համաշխարհային ժառանգության ցանկում ընդգրկելը հնարավորություն են տվել դարձնել այն ոչ թե քաղաքակրթությունների բախման, այլ համագործակցության և մարդկության միասնության խորհրդանիշ: Թուրքիայի իշխանությունների վերջին որոշումը, սակայն, փակում է Սուրբ Սոֆիայի տաճարի պատմության այդ կարևոր խորհրդանիշի և առաքելության էջը։

«Այս որոշումը ստեղծում է ՅՈՒՆԵՍԿՕ-ի համաշխարհային ժառանգության վայրի բնույթիև նպատակի էական փոփոխության վտանգավոր նախադեպ և անհրաժեշտ է դարձնում Թուրքիայի տարածքում նման կարգավիճակ ունեցող պատմական վայրերի պահպանման նպատակով միջազգային հանրության և հատկապես ՅՈՒՆԵՍԿՕ-ի մշտադիտարկումը»,- նշված է հայտարարության մեջ:

Հիշեցնենք՝ հուլիսի 10-ին Թուրքիայի նախագահ Ռեջեփ Թայիփ Էրդողանը ստորագրել էր Սուրբ Սոֆիայի տաճարը մզկիթի վերածելու մասին հրամանագիրը՝ չեղարկելով 1934 թվականին Թուրքիայի իշխանություններից կողմից տաճարը թանգարանի վերածելու որոշումը:

Թրամփին վատություն անել և սուրբ Սոֆիան վերածել մզկիթի. Էրդողանն իր ամպլուայի մեջ է

Սուրբ Սոֆիայի տաճարը հիմնադրվել է հույն կայսր Հուստինիանոսի կողմից և բացվել 537 թվականին: 989 թվականի հզոր երկրաշարժից հետո տաճարի արևմտյան գմբեթի կամարը փլուզվել էր, և կայսր Բարսեղ II-ը Անիի եկեղեցիների հիմնադիր, հայ ճարտարապետ Տրդատին խնդրել էր ղեկավարել վերանորոգման աշխատանքները: Շուրջ 6 տարի տևած վերականգնման աշխատանքներից հետո Տրդատին հաջողվել էր վերակառուցել ու ամրացնել տաճարի խոնարհված գմբեթը:

Վերադարձ դեպի անցյալ. ինչո՞ւ է Էրդողանը աչք դրել Սուրբ Սոֆիայի տաճարի վրա

21
թեգերը:
Սուրբ Սոֆիայի տաճար, Թուրքիա, Արտաքին գործերի նախարարություն (ԱԳՆ), Հայաստան
Ըստ թեմայի
Հունաստանի Սալոնիկում գտնվող Աթաթուրքի տունն ուզում են վերածել ցեղասպանության թանգարանի
Էրդողանը չեղարկել է Սուրբ Սոֆիայի տաճարը թանգարան դարձնելու մասին Աթաթուրքի որոշումը
Սուրբ Սոֆիայի մզկիթ դառնալը կբարդացնի շատերի կյանքը. Կարո Փայլան