Մենք գալիս ենք ոչ թե մեդալի, այլ սփյուռքի և Հայաստանի երիտասարդությանն իրար կապելու համար

441
(Թարմացված է 23:50 15.08.2019)
«Տետ–ա–տետ» հաղորդաշարի շրջանակում Համահայկական խաղերի համաշխարհային կոմիտեի գործկոմի անդամ, Կիպրոսի ներկայացուցիչ Հարություն Թամազյանը նշել է` այս տարվա համահայկական խաղերը նշանավորվեցին նրանով, որ բացման արարողությունն Արցախում էր: Նրա խոսքով՝ խաղերը տարբեր էին նախորդ տարիներից նաև որակապես:

Այս անգամ Համահայկական խաղերի որակն իսկապես բարձր էր, միայն տեխնիկապես չէ, այլ տեսակով, մտքով: Այդ մասին Sputnik Արմենիայի «Տետ–ա–տետ» հաղորդաշարի շրջանակում  ասաց Համահայկական խաղերի համաշխարհային կոմիտեի գործկոմի անդամ, Կիպրոսի ներկայացուցիչ Հարություն Թամազյանը։

«Ստեփանակերտում բացումն արդեն իսկ տարբեր զգացողություններ արթնացրեց բոլորի մոտ: Շատերս սկզբում թերահավատությամբ վերաբերվեցինք, բայց երբ կա կամք և աշխատողներ կան, ամեն ինչ կլինի:

Նշաձող էր դրված, որին հասանք, սակայն ամենալավ նետը դեռ չարձակված նետն է, մենք դեռ չարձակված նետեր ունենք»,-ասաց նա:

Թամազյանը խոստացավ, որ հաջորդ խաղերն էլ տարբերվող կլինեն և դարձյալ մասնակիցները գոհ կլինեն։

«Համահայկական խաղերը շատ  դժվար պայմաններում ծնվեց, դեռ շատ երիտասարդ է, ընդամենը 20 տարեկան, առջևում շատ անելիքներ ունենք»,- նշեց նա և հավելեց, որ Համահայկական խաղերի համաշխարհային կոմիտեն հոգում է ծախսերը և ամեն ինչ անում է, որ Սփյուռքից մեկ մասնակից, մեկ երիտասարդ ավել գա:

Ինչու Վարդան Սիրմաքեշը հրաժարվեց Գյումրիում ներդրում անել. քաղաքապետարանի անդրադարձը

Թամազյանի խոսքով` չնայած Արցախ գալն իր դժվարություններն ուներ, բայց բոլոր սիրահարվել են Արցախին, մասնակիցներին այնտեղ շատ լավ դիմավորեցին:

«Համահայկական խաղերի ընթացքում լուրջ դիվանագիտական աշխատանք է արվել: Մենք այցելել ենք Արևմտյան Հայաստան, այնտեղ քաղաքապետների հետ հանդիպումներ ենք ունեցել, ջահ ենք վառել, դրոշ ենք բարձրացրել: Մեծ աշխատանք է արվել և դա տեսանելի է», - ընդգծեց գործկոմի անդամը:

Համահայկական խաղերի ընթացքում երիտասարդները ոչ միայն ծանոթանում են, այլև ընտանիք կազմում։ Այս տարի ևս 2 զույգ է կազմավորվել: 

Իմ դուստրը նույնպես իր ամուսնու հետ ծանոթացել է 2015 թվականի համահայկական խաղերի ժամանակ: 2007 թվականին ես ասացի, որ մեր նպատակն է սփյուռքը Հայաստանի հետ ամուսնացնել և այս խոսքիս ժամանակ ինձ ընտրեցին գործկոմի անդամ»,- նշեց Թամազյանը:

Նա վստահեցրեց որ իրենք գալիս են խաղերին մասնակցելու ոչ թե մեդալի կամ գավաթի համար, այլ սփյուռքի երիտասարդությանը Հայաստանի երիտասարդության հետ կապելու, այդ կապն ամրացնելու նպատակով: 

441
թեգերը:
Արցախ, Համահայկական խաղեր, Հայաստան
թեմա:
ՏԵՏ-Ա-ՏԵՏ (93)
Ըստ թեմայի
Սա Հայաստան է, և վե՛րջ. ինչո՞ւ 28 տարի անց Ադրբեջանը կրկին ջղաձգվեց
«Մենք չգիտեինք՝ համահայկական խաղերը տեղի կունենան, թե ոչ». Միսակ Նաջարյան
«Այստեղ օդն ուրիշ է». ինչպես վրացին սիրեց Հայաստանն ու Արցախը, իսկ մյուսները տուն գտան

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

17
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

17
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ

Մինսկում աղջիկները գրկախառնվում են ցույցին միացած ՕՄՕՆ–ի ներկայացուցիչների հետ. տեսանյութ

185
(Թարմացված է 19:49 14.08.2020)
Արդեն 6 օր է` Բելառուսում չեն դադարում բողոքի ակցիաները, որոնք մեկնարկել էին օգոստոսի 9-ի երեկոյան։ Բողոքողները չեն ցանկանում հեռանալ։

Մինսկում նախագահական ընտրությունների արդյունքների դեմ բողոքող ցուցարարները  քայլում են Անկախության պողոտայով։ Baza Տելեգրամ ալիքի հրապարակած տեսանյութում երևում է, որ մարդկանց մեծ հոսքի դեմ ընդամենը մեկ ոստիկան է կանգնած։

Բողոքի ակցիային իրենց գործադուլով միացել են նաև Մինսկի տրակտորային գործարանի (ՄՏՏ) աշխատակիցները։

Մինսկի կենտրոնում` կառավարության շենքի մոտ, ցուցարարները գրկախառնվում ու սեղմում են ուժայինների ձեռքերը։ Տեսագրության մեջ երևում է, թե ինչպես է ՕՄՕՆ-ը իջեցնում վահանները` ի նշան ցուցարարների հետ համերաշխության, իսկ ցույցի մասնակից աղջիկները շտապում են փաթաթվել նրանց։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել:

Մինսկում ուժայինները ծեծի են ենթարկել ՀՀ քաղաքացու

Պաշտոնական տվյալներով ՝ ձերբակալվել է մոտ 7 հազար ցուցարար։ Ինչպես հաղորդում է հանրապետության ներքին գործերի նախարարությունը, անկարգությունների ժամանակ տուժել են հարյուրավոր մարդիկ, այդ թվում ՝ իրավապահ մարմինների 103 աշխատակիցներ: ՆԳՆ տվյալներով ՝ ցուցարարներից մեկը զոհվել է ՝ փորձելով ինքնաշեն պայթուցիկ սարք նետել ոստիկանական բաժանմունք։

185
թեգերը:
Ալեքսանդր Լուկաշենկո, Ընտրություններ, Նախագահ, Բողոքի ակցիա, ոստիկան, Բելառուս, Մինսկ
Ըստ թեմայի
Բելառուսում ՕՄՕՆ-ը ծեծել է տարեց տղամարդուն. տեսանյութ
Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից
Տիխանովսկայան կոչով դիմել է Բելառուսի իշխանությանը․ նոր տեսաուղերձ