Մեր գործընկերը վաղուց անցել է կարմիր գիծը. Ծառուկյանի գործարանի շուրջ կրքերը թեժանում են

1152
(Թարմացված է 14:13 14.08.2019)
«Դաֆ Ալկո Տրանս» ՍՊԸ փաստաբան Հարություն Հարությունյանը Sputnik Արմենիայի «Մութ անկյուն» հաղորդման շրջանակում անդրադարձել է «Արարատի կոնյակի-գինու-օղու կոմբինատ» ԲԲԸ-ի դեմ ներկայացված սնանկության վարույթին և ընկերության ու ԲՀԿ առաջնորդ Գագիկ Ծառուկյանին պատկանող գործարանի միջև առաջացած խնդրին:

«Դաֆ Ալկո Տրանս» ընկերությունը դեպի Ռուսաստանի Դաշնություն բեռնափոխադրման ծառայություններ է մատուցել «Արարատի կոնյակի- գինու-ղու կոմբինատին» և բարեխղճորեն կատարել իր պարտավորությունները: Այդ մասին Sputnik Արմենիայի հետ զրույցում «Մութ անկյուն» հաղորդման շրջանակում նշել է «Դաֆ Ալկո Տրանս» ՍՊԸ փաստաբան Հարություն Հարությունյանը։

«29.03.2019 թվականին դուրս գրված ծառայությունների մատուցման և աշխատանքների կատարման  հաշիվ-վավերագրերի համաձայն՝ գործարանը մինչ օրս բեռնափոխադրման պայմանագրով սահմանված գումարները չի վճարել»,- ասաց նա:

Հարությունյանի խոսքով` քանի որ «Դաֆ Ալկո Տրանսը» բեռնափոխադրումների գործընթացին ներգրավել էր նաև այլ ընկերություններին պատկանող մեքենաներ, ինքնըստինքյան, իր հերթին չի կարողանում վճարել նրանց և բախվել է ֆինանսական լուրջ խնդիրների։

«Մեր գործընկերը վաղուց է անցել կարմիր գիծը: Սնանկության դիմումն ընդունվել է վարույթ, արդեն իսկ նշանակված է սնանկության ժամանակավոր կառավարիչ։ Խոսքը մոտավորապես 120 000 000 ՀՀ դրամի մասին է»,–ընդգծեց փաստաբանը։

Նշենք, որ «Դաֆ Ալկո Տրանս» ՍՊԸ-ի և «Արարատ կոնյակի-գինու-օղու կոմբինատ» ԲԲԸ-ի միջև 2019թ. հունվարի 8-ին կնքվել է «Բեռի փոխադրման մասին» պայմանագիր, համաձայն որի` «Դաֆ Ալկո Տրանս» ՍՊԸ-ն որպես փոխադրող պարտավորվել է գործարանի կողմից իրեն վստահված բեռները հասցնել պատվիրված վայրերը և հանձնել բեռները ստացողին: Բեռի փոխադրման գինը սահմանվել է ըստ հաշիվ-ապրանքագրերի: Կողմերը սահմանել են վճարման կարգ, համաձայն որի` գործարանը բեռնափոխադրող ընկերությանը վճարում է 60% կանխավճար՝  մեքենան կապարակնքելուց անմիջապես հետո, իսկ գումարի մնացած 40%-ը` բեռը փոխադրման վայր հասցնելուց և մաքսային զննումից հետո:

1152
թեգերը:
Երևանի Արարատ կոնյակի-գինու-օղու կոմբինատ, փաստաբան, հայեր, հայ, Հայաստան
թեմա:
Sputnik զրույց (187)
Ըստ թեմայի
Գագիկ Ծառուկյանի ընկերության դեմ սնանկության վարույթ է ներկայացվել. հայտնի են պատճառները
«Իսկ ի՜նչ խորոված է այնտեղ». Պոպովն ասել է, թե ինչու է սիրում հանգստանալ հենց Հայաստանում
«Տես, հա՜». հայ–չինական տեխնոլոգիան գտնում է կեղծ ալկոհոլն ու դեղորայքը

Շուտով կմեկնարկի Արցախը Հայաստանին կապող նոր մայրուղու շինարարությունը

160
(Թարմացված է 22:05 05.06.2020)
Արայիկ Հարությունյանը հայտնել է, որ նախընտրական քարոզարշավի ժամանակ հնչեցրած խոստումը շուտով կկատարվի։

Արցախի նախագահ Արայիկ Հարությունյանը ԱՀ պաշտոնյաների և ՀՀ տարածքային կառավարման ու ենթակառուցվածքների նախարար Սուրեն Պապիկյանի հետ այցելել է Քաշաթաղի հարավային թև։ Facebook սոցցանցի իր էջում Հարությունյանը տեսանյութ է հրապարակել` հայտնելով, որ շուտով կմեկնարկի Արցախը Հայաստանին կապող նոր մայրուղու շինարարությունը։

«Շուտով կյանքի կկոչվի նախընտրական խոստումներիցս հերթականը՝ նոր ասֆալտապատ մայրուղու կառուցման ծրագիրը։ Այն Հադրութ քաղաքը Քաշաթաղի հարավային թևով կկապի Մայր Հայրենիքին: Դա նոր մեկնարկ կլինի մեր հանրապետության հարավային գոտու տարածքների իրացման, տնտեսական զարգացման և հայրենադարձությանը զարկ տալու առումներով»,–գրել է Հարությունյանը։

Հադրութում գարու բերքահավաքի աշխատանքներին ծանոթանալուց հետո Սուրեն Պապիկյանն էլ նշել է, որ առաջիկայում ոչ միայն կկարողանան լուծել Հայաստանի և Արցախի պարենային անվտանգության հարցը, այլև այն բոլոր ծրագրերը, որոնց մասին խոսվել է։

Նշենք, որ նոր կառուցվող ճանապարհը կլինի Արցախը Հայաստանին կապող երրորդ ճանապարհը. Վարդենիս-Մարտակերտ, Գորիս–Ստեփանակերտ ճանապարհներից բացի, Արցախը Հայաստանի հետ կկապվի նաև Կապան–Հադրութ ճանապարհով։

160
թեգերը:
Ճանապարհ, Սուրեն Պապիկյան, Արցախի նախագահ Արայիկ Հարությունյան, Հայաստան, Արցախ

Անկարգություններ ԱՄՆ-ում․ Սպիտակ տունը պարսպապատվել է

42
(Թարմացված է 21:41 05.06.2020)
Աֆրոամերիկացի Ջորջ Ֆլոյդի մահվան հետևանքով առաջացած զանգվածային բողոքների պատճառով Սպիտակ տունն ուժեղացնում է պաշտպանությունը:

Երեկ` հունիսի 4–ին, ԱՄՆ նախագահ Դոնալդ Թրամփի նստավայրի շուրջ լրացուցիչ պարիսպ է տեղադրվել։ Դրա բարձրությունն ավելի քան երկու մետր է։

Այն երկարացնում է Լաֆայետ հրապարակի շուրջ պատնեշը և ցուցարարներին թույլ չի տալիս մոտենալ Սպիտակ տան տարածքին։

Բացի այդ, ԱՄՆ-ի ազգային գվարդիան ուժեղացրել է իր ներկայությունը Վաշինգտոնում։

Քաղաքից արված կադրերում երևում է, թե ինչպես են զինվորականները հսկում մայրաքաղաքի փողոցներն ու շինությունները, այդ թվում՝ Լինքոլնի հուշարձանը։

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

Հիշեցնենք` Ջորջ Ֆլոյդը մահացել է մայիսի վերջին՝ Մինեապոլիսում, ոստիկանության կողմից ձերբակալվելուց հետո։ Նրա մահը բողոքի ալիք է բարձրացրել ինչպես ԱՄՆ-ում, այնպես էլ ամբողջ աշխարհում։

Մի շարք խոշոր ամերիկյան քաղաքներում բողոքի ցույցերը վերաճել են անկարգությունների, ջարդարարության և կողոպուտի։

Բողոքի ակցիաներ ԱՄՆ-ում․ ամերիկացիները փորձում են մեղքը բարդել Ռուսաստանի վրա

42
թեգերը:
Ջորջ, Սպիտակ տուն, ԱՄՆ
Ըստ թեմայի
Մինեապոլիսում սևամորթի մահվան պատճառով անհնազանդության ակցիաներ են. սարսափելի կադրեր
Մինեապոլիսում անկարգությունները շարունակվում են․ ցուցարարները բանկ են հրկիզել
«Չեմ կարողանում շնչել»․ խռովությունները տարածվել են ԱՄՆ-ում
Սոցիալական կայքերը հեղեղված են ԱՄՆ-ում տեղի ունեցող բողոքի ակցիաների տեսանյութերով
Արսեն Թորոսյան. արխիվային լուսանկար

Արևը չի օգնում. Թորոսյանը Ռուսաստանի առողջապահության նախարարի հետ խոսել է կորոնավիրուսից

37
(Թարմացված է 12:25 06.06.2020)
Ռուսաստանի ու Հայաստանի առողջապահության նախարարները քննարկել են կորոնավիրուսի տարածման հետ կապված իրավիճակը։

ԵՐԵՎԱՆ, 6 հունիսի – Sputnik. Ռուսաստանի առողջապահության նախարար Միխայիլ Մուրաշկոն ՀՀ առողջապահության նախարար Արսեն Թորոսյանի հետ քննարկել է կորոնավիրուսի տարածման հետ կապված իրավիճակը։ Տեղեկությունը հայտնում է ՌԻԱ Նովոստին՝ հղում անելով ՌԴ առողջապահության նախարարությանը։

«Ռուսաստանի առողջապահության նախարար Միխայիլ Մուրաշկոն բանակցություններ է անցկացրել Հայաստանի առողջապահության նախարար Արսեն Թորոսյանի հետ։ Քննարկվել են կորոնավիրուսային վարակի տարածման հետ կապված իրավիճակը, բժշկական օգնության կազմակերպման ու դեղորայքի ապահովման հարցերը», - նշված է հաղորդագրության մեջ։

Մամուլի ծառայությունից նշել են, որ Մուրաշկոն հայ գործընկերոջը հայտնել է կորոնավիրուսի բուժման վերաբերյալ նոր մեթոդական խորհուրդների նոր վարկածի թողարկման ու COVID-19-ի բուժման համար նախատեսված` ռուսական արտադրության նոր դեղորայքի գրանցման մասին։

Թորոսյանը նշել է, որ ամառն ու Հայաստանում օդի ավելի քան 30 աստիճան ջերմաստիճանը դրական ազդեցություն չեն ունեցել կորոնավիրուսի տարածման դինամիկայի ու վարակվածների թվի վրա։

Հիշեցնենք` ՀՀ վարչապետ Նիկոլ Փաշինյանն ասել էր, որ համաճարակային վիճակը երկրում վատանում է, բուժհաստատությունները չեն կարողանում ժամանակին հիվանդանոց տեղափոխել կորոնավիրուսով հիվանդ մարդկանց, որոնք դրա կարիքն ունեն։

Հայաստանում կորոնավիրուսով վարակվածների թիվը վերջին մեկ օրում ավելացել է 547–ով և դարձել 12 364։

Այս պահին փաստացի բուժում է ստանում 8385 մարդ, կատարվել է 66 674 թեստավորում, առողջացել են վարակվածներից 3720–ը։

Ընդհանուր առմամբ գրանցվել է 190 մահվան դեպք։

Հայաստանում կորոնավիրուսով վարակման 25-ից 30 հազար ասիմպտոմ դեպք կա․ Փաշինյան

37
թեմա:
Կորոնավիրուսը Հայաստանում և Արցախում