Պղնձամոլիբդենայինի ավելի քան 1000 աշխատակցի աշխատավարձերը սխալ է հաշվարկվել. Խաչատրյան

3943
(Թարմացված է 00:19 02.08.2019)
Աշխատողների համոզմամբ՝ գործատուն անտեսել է գոյություն ունեցող աշխատանքային պայմանագրի դրույթները:

ԱԺ «Իմ քայլը» խմբակցության պատգամավոր Արմեն Խաչատրյանը Sputnik Արմենիայի «Մութ անկյուն» հաղորդման շրջանակում անդրադարձել է Ագարակի պղնձամոլիբդենային գործարանի ղեկավարության և աշխատակիցների միջև առաջացած խնդրին:

Պղնձամոլիբդենային գործարանի 1000-ից ավելի աշխատակիցներ տևական ժամանակ գործադուլ էին անում: Բողոքի ակցիաների միջոցով նրանք բարձրաձայնում էին մի շարք հարցեր, մասնավորապես՝ աշխատանքի անվտանգ պայմաններ ստեղծելու, աշխատանքային պայմանագրով նախատեսված՝ գործատուի պարտականություններն իրականացնելու վերաբերյալ:

«Ագարակցիների կարծիքով՝ կոպտորեն խախտվել են իրենց իրավունքները: Ըստ էության, պայմանագրով սահմանված աշխատավարձերը աշխատողների համար ճիշտ չեն հաշվարկվել, կան նաև այլ հարցեր: Կառավարությանն առաջարկում եմ հրատապ միջոցներ ձեռնարկել, ուշադրության կենտրոնում պահել խնդիրը»,- ասում է ԱԺ «Իմ քայլը» խմբակցության պատգամավոր Արմեն Խաչատրյանը:

Նշենք, որ ՀՀ գլխավոր դատախազությունում այս առնչությամբ հարուցվել էր քրեական գործ, որն արդեն ուղարկվել է ՀՀ հատուկ քննչական ծառայություն:

Հավաքարար և առաջատար մասնագետ. ինչպես նվազագույն աշխատավարձի բարձրացումը կազդի բիզնեսի վրա

«Գեղարդ» մսամթերքի կոմբինատի սեփականատերն արտագաղթել է Ռուսաստան

3943
թեգերը:
Բողոքի ակցիա, աշխատավարձ, Ագարակի պղնձամոլիբդենային գործարան
թեմա:
Sputnik զրույց (187)
Ըստ թեմայի
Սկանդալ է հասունանում լեռնահանքային կոմբինատում. աշխատակցին անօրինակա՞ն են ազատել
Պղնձամոլիբդենային կոմբինատի արտանետումներն ու պոչանքները լցվել են հարևան գյուղեր
Ագարակում գործադուլը շարունակվում է. իշխանությունը միջնորդություն է առաջարկել

«Ուղիղ միացում» Ավարայրի ճակատամարտից. ինչպես է այն ընթացել

308
(Թարմացված է 11:49 26.05.2020)
451 թվականի մայիսի 26-ին հայկական ուժերի և պարսկական բանակի միջև տեղի ունեցավ Ավարայրի ճակատամարտը, որի ժամանակ հաղթողներ չեղան. «քաջերը քաջերի դեմ դուրս գալով, երկու կողմն էլ պարտություն կրեցին»։

Ավարայրի ճակատամարտը հայ ժողովրդի պատմության ամենանշանակալի իրադարձություններից մեկն է։ Հայերն արյան գնով պաշտպանեցին իրենց հավատն ու ինքնությունը` դեմ առ դեմ դուրս գալով իրենցից եռապատիկ ավել պարսկական զորքի դեմ։

Այդ ճակատամարտը կանխորոշեց հայ ժողովրդի պայքարի ելքը։ Պարսկական արքունիքը ստիպված եղավ Հայաստանից ետ կանչել իր զորքերին, հրաժարվել հավատափոխության միջոցով հայերին ձուլելու ծրագրից և ճանաչել նրանց ներքին ինքնավարությունը։

Sputnik Արմենիան տեսաֆիլմի ձևաչափով փորձել է վերականգնել այդ դաժան ճակատամարտի փուլերը։

308
թեգերը:
Ավարայրի ճակատամարտ
Ըստ թեմայի
Շարմազանով. Ղարաքիլիսայի ճակատամարտը հայերի համար երկրորդ Ավարայր դարձավ
Ռազմական խորամանկություն. ինչպես հայերին հաջողվեց կոտորել պարսկական անմահների գնդին
Ինչպես հայերն Ավարայրի ճակատամարտում փախուստի մատնեցին մարտական փղերին

Պարետի որոշումը խախտողներ են հայտնաբերվել. ոստիկանությունը տվյալներ է հրապարակել

148
Ոստիկանությունը շարունակում է ապահովել նոր կորոնավիրուսի հնարավոր տարածումը կանխելու նպատակով պարետի որոշման կատարումը։

Ոստիկանության ծառայողները ավտոբուսներում և միկրոավտոբուսներում հայտնաբերել են ՀՀ պարետի որոշման կանոնների խախտման 53 դեպք։ Ուղևորներն իջեցվել են հասարակական տրանսպորտային միջոցներից, իսկ դրանք տեղափոխվել են ոստիկանության տարածքային բաժիններ։

Նշենք, որ պարետի որոշման համաձայն՝ միկրոավտոբուսներով և ավտոբուսներով կարելի է տեղափոխել միայն նստելու համար հատկացված տեղերին համապատասխան թվով ուղևորներ։ Ուղևորափոխադրող բոլոր տրանսպորտային միջոցների մուտքի մոտ պարտադիր պետք է տեղադրված լինեն ալկոհոլային հիմքով ձեռքի ախտահանիչներ։ Ուղևորներն ու վարորդը պարտադիր պետք է կրեն պաշտպանիչ դիմակներ։

Ինչպես տեղեկացնում են ՀՀ ոստիկանությունից, հայտնաբերվել է նաև 242 տաքսի ավտոմեքենա, որոնց վարորդները խախտել են պարետի պահանջները։ Խախտումների փաստերով կազմվել են համապատասխան արձանագրություններ։

Հիշեցնենք` պարետի որոշման համաձայն` արգելվում է տաքսի ծառայություն մատուցող տրանսպորտային միջոցներում ուղևորի` վարորդի կողքին նստելը։ Բացի այդ, տաքսու վարորդները և ուղևորները ևս պարտադիր պետք է կրեն դիմակներ և ձեռնոցներ։ Ճանապարհային ոստիկաններն այս ուղղությամբ հանրապետության ողջ տարածքում իրականացնում են շուրջօրյա հսկողություն։

Սևան քաղաքը կփակվի. պարետը նոր որոշում ունի

Ոստիկանությունը համապատասխան արձանագրություններ է կազմել նաև 145 անձի նկատմամբ, որոնք դիմակ չեն ունեցել։

Պարետի որոշման համաձայն` բացօթյա վայրերում գտնվող քաղաքացիները պետք է ունենան դիմակներ և միմյանց միջև պահպանեն սոցիալական հեռավորություն։

148
թեգերը:
ուղևոր, ավտոբուս, տաքսի, կարանտին, կորոնավիրուս, ՀՀ Ոստիկանություն, Հայաստան, պարետ
Ըստ թեմայի
ՀՀ–ում ևս 6 մարդ է մահացել կորոնավիրուսից. մայրական մահվան առաջին դեպքն է գրանցվել
Մարի Իզմիրլյանի անվան մանկատան երեխաներից 9-ը վարակվել են կորոնավիրուսով
Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ
Բռնություն

Ոստիկանությունը զբաղվում է երեխային բռնության ենթարկած ամուսինների գործով

0
Ծնողները ոստիկանության տարածքային բաժնում վերցվել են հաշվառման: 7–ամյա տղային տեղափոխել են մանկատուն։

ԵՐԵՎԱՆ, 26 մայիսի — Sputnik. ՀՀ ոստիկանությունը զբաղվում է համացանցում հայտնված տեսանյութի 7–ամյա տղայի հարցով։ Տեղեկությունը Facebook–ի իր էջում հրապարակել է ոստիկանության քրեական հետախուզության երրորդ վարչության պետ, ոստիկանության գնդապետ Նելլի Դուրյանը։

«Երեկ համացանցում տեղեկություն էր տարածվել 7-ամյա Ալեքս Ստեփանյանին բռնության ենթարկելու մասին: Տեղեկացնեմ, որ դեպքն անմիջապես հայտնվեց ոստիկանության ուշադրության կենտրոնում, և երեկվանից ոստիկանությունը զբաղվում է այդ հարցով: Երեխան տեղափոխվել է աջակցության կենտրոն: Ծնողների նկատմամբ կիրառվել են անհետաձգելի միջամտության պաշտպանական միջոցներ: Նրանք ոստիկանության տարածքային բաժնում, որպես բռնարարներ, վերցվել են հաշվառման: Բռնության փաստով նյութեր են նախապատրաստվում»,–գրել է նա:

Մայիսի 25–ին հայտնի դարձավ, որ փոքրիկ Ալեքսը տեղափոխվել է «Զատիկ» երեխաների աջակցության կենտրոն։

Նշենք, որ համացանցում տեղեկություն էր տարածվել, որ Խարբերդի ամառանոցային տնակներից մեկում մոր և մոր ամուսնու հետ ապրող փոքրիկին կնոջ ամուսինը, լինելով հարբեցող, պարբերաբար նվաստացրել ու տանջել է, ստիպել է երեխային իր հետ օղի խմել, փոքրիկը քնել է սառը գետնի վրա:

Շատ օգտատերեր տարածեցին տեսանյութն ու տեղեկությունը, և այն հայտնվեց ոստիկանության ուշադրության կենտրոնում։

Ձերբակալվել է Facebook սոցցանցի ուղիղ եթերով բռնության սպառնալիքներ հնչեցնող տղամարդը

ԲՀԿ պատգամավոր Նաիրա Զոհրաբյանը սոցիալական ցանցի իր էջում գրեց, որ երեխային արդեն տեղափոխել են մանկատուն և խոստացավ, որ ամեն ինչ անելու է, որ երեխային մշտապես ստորացրած ու Ալեքսի մանկությունը խլած տղամարդը պատժվի օրենքի ողջ խստությամբ:

0
թեգերը:
մայր, հայր, մանկատուն, երեխա, Բռնություն, ՀՀ Ոստիկանություն