Անապահովության միավոր ունեցող ընտանիքները պոլիկլինիկաներից անվճար դեղեր կստանան

1151
(Թարմացված է 09:22 29.07.2019)
Մարինե Հարությունյանը հորդորում է, որ քաղաքացիներն հետևողական լինեն իրենց իրավունքների պաշտպանության հարցում և անհրաժեշտության դեպքում պահանջեն, որպեսզի տրամադրվեն հասանելիք դեղամիջոցները:

«Կառավարության կողմից ս.թ. մայիսին հաստատվեց առողջապահության նախարարության 3 նոր նախաձեռնություն, որոնցից առաջինը վերաբերում է այն շահառուներին, որոնք ընդգրկված են ընտանիքի սոցիալական գնահատման համակարգում և ունեն 30 և ավելի բարձր անապահվության միավոր: Այսուհետ նրանք իրենց սպասարկող պոլիկլինիկական ծառայությունների միջոցով կստանան անվճար դեղեր: Այս շահառուների թիվը մեր երկրում շուրջ 200 հազար է և շահառուներն արդեն կարող են դիմել իրենց սպասարկող պոլիկլինիկաներ և ստանալ այն դեղերը, որոնք հաստատված են ՀՀ ԱՆ կողմից սահմանված հիմնական դեղերի ցանկով»: Այս մասին «Տետ–ա–տետ» հաղորդաշարի շրջանակում նշում է ԱՆ աշխատակազմի դեղորայքային քաղաքականության և բժշկական տեխնոլոգիաների վարչության բաժնի պետ Մարինե Հարությունյանը:

Հարությունյանի խոսքով՝ անհրաժեշտ դեղերն ամբողջությամբ իրենց սպասարկող պոլիկլինիկաներից կարող են ստանալ 1-ին, 2-րդ խմբի հաշմանդամները, մինչև 18 տարեկան հաշմանդամություն ունեցողները, հայրենական պատերազմի մասնակիցները և նրանց հավասարեցված անձինք, առանց ծնողական խնամքի մնացած, ինչպես նաև միակողմանի ծնողազուրկ երեխաները, բազմազավակ` մինչև 18 տարեկան 4 և ավելի անչափահաս ունեցող ընտանիքի երեխաները, ծառայողական պարտականությունները կատարելիս զոհված զինծառայողների ընտանիքի անդամները, հաշմանդամություն ունեցող անձանցից բաղկացած ընտանիքների երեխաները և այլք:

Ներհիվանդանոցային վարակների ռիսկ միշտ կա. Ռոմելա Աբովյանը` Մալայանում գրանցված դեպքի մասին

«Բացի նշվածներից կան նաև սոցիալական խմբեր, որոնք ստանում են 50 տոկոս զեղչ՝ այսինքն մասնակի փոխհատուցում, դրանք 3-րդ խմբի հաշմանդամություն ունեցողներն են, Չերնոբիլի վթարի վերացման աշխատակիցներնը, բռնադատվածները, միայնակ չաշխատող կենսաթոշակառուները, ինչպես նաև նման կենսաթոշակառուների խնամքի տակ գտնվող անչափահաս երեխաներ ունեցող ընտանիքները, միայնակ մայրերի մինչև 18 տարեկան երեխաները: Չաշխատող կենսաթոշակառուները դեղերը կարող են ստանալ 30 տոկոս զեղչով՝ անկախ իրենց կարգավիճակից: Սակայն, եթե տվյալ հիվանդին նշանակած դեղը հաստատված ցանկում բացակայում է, արդեն նեղ մասնագետը կարող է ընտրել այն տարբերակը, որն իր դեղաբնական խմբով մոտ է հիվանդանոցային բժշկի կողմից նշանակված դեղին, կամ նույն ազդեցությունն ունի կամ նույն ազդող նյութն ունի, կամ նույն խմբում է գտնվում», - ասում է մասնագետը:

Հարությունյանը հորդորում է, որ քաղաքացիներն հետևողական լինեն իրենց  իրավունքների պաշտպանության հարցում և անհրաժեշտության դեպքում պահանջեն,  որպեսզի տրամադրվեն հասանելիք միջոցները:

«Մեր նախարարության 2-րդ և 3-րդ նախաձեռնությունները ևս բավականին լուրջ են: 2020 թվականից այն հիվանդներն, ովքեր ունեն հեպատիտ C, տարեկան կտրվածքով մոտ 1000 հիվանդ, կստանան բուժման համար անհրաժեշտ ամբողջ կուրսը, դեղերը կվերցնեն իրենց հաշվառման կենտրոններից անվճար: Սա բավականին լուրջ քայլ է մեր պետության կողմից: Իսկ երրորդ նախաձեռնությունը, որ հիպոֆիզային գաճաճություն ունեցող ախտանիշով երեխաները (մեր երկրում հաշվառված են 45-ը), 2020 թվականից կստանան աճի հորմոն կոչված դեղը», - ընդգծեց նա:

Ըստ Հարությունյանի՝ այս բեռը պետությունը վերցնում է իր վրա, և այս ծրագիրը թույլ կտա, որ երեխաները զերծ մնան առողջական լուրջ խնդիրներ ունենալուց և դառնան հասարկության լիարժեք անդամ: 

1151
թեգերը:
թոշակառու, հաշմանդամ, Դեղ, պոլիկլինիկա, ՀՀ Առողջապահության նախարարություն, Հայաստան
թեմա:
ՏԵՏ-Ա-ՏԵՏ (93)
Ըստ թեմայի
Զաքարյան․ «Ապօրինի դեղորայքի հայտնաբերումը մեր երկրում անհանգստացնող է»
Երևանում հայտնաբերել են չդրոշմավորված դեղեր, այդ թվում՝ նախատեսված քաղցկեղի բուժման համար
Փորձել է մաքսանենգ ճանապարհով Հայաստան բերել մեծ քանակի տարբեր դեղամիջոցներ

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

19
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

19
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ

Մինսկում աղջիկները գրկախառնվում են ցույցին միացած ՕՄՕՆ–ի ներկայացուցիչների հետ. տեսանյութ

186
(Թարմացված է 19:49 14.08.2020)
Արդեն 6 օր է` Բելառուսում չեն դադարում բողոքի ակցիաները, որոնք մեկնարկել էին օգոստոսի 9-ի երեկոյան։ Բողոքողները չեն ցանկանում հեռանալ։

Մինսկում նախագահական ընտրությունների արդյունքների դեմ բողոքող ցուցարարները  քայլում են Անկախության պողոտայով։ Baza Տելեգրամ ալիքի հրապարակած տեսանյութում երևում է, որ մարդկանց մեծ հոսքի դեմ ընդամենը մեկ ոստիկան է կանգնած։

Բողոքի ակցիային իրենց գործադուլով միացել են նաև Մինսկի տրակտորային գործարանի (ՄՏՏ) աշխատակիցները։

Մինսկի կենտրոնում` կառավարության շենքի մոտ, ցուցարարները գրկախառնվում ու սեղմում են ուժայինների ձեռքերը։ Տեսագրության մեջ երևում է, թե ինչպես է ՕՄՕՆ-ը իջեցնում վահանները` ի նշան ցուցարարների հետ համերաշխության, իսկ ցույցի մասնակից աղջիկները շտապում են փաթաթվել նրանց։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել:

Մինսկում ուժայինները ծեծի են ենթարկել ՀՀ քաղաքացու

Պաշտոնական տվյալներով ՝ ձերբակալվել է մոտ 7 հազար ցուցարար։ Ինչպես հաղորդում է հանրապետության ներքին գործերի նախարարությունը, անկարգությունների ժամանակ տուժել են հարյուրավոր մարդիկ, այդ թվում ՝ իրավապահ մարմինների 103 աշխատակիցներ: ՆԳՆ տվյալներով ՝ ցուցարարներից մեկը զոհվել է ՝ փորձելով ինքնաշեն պայթուցիկ սարք նետել ոստիկանական բաժանմունք։

186
թեգերը:
Ալեքսանդր Լուկաշենկո, Ընտրություններ, Նախագահ, Բողոքի ակցիա, ոստիկան, Բելառուս, Մինսկ
Ըստ թեմայի
Բելառուսում ՕՄՕՆ-ը ծեծել է տարեց տղամարդուն. տեսանյութ
Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից
Տիխանովսկայան կոչով դիմել է Բելառուսի իշխանությանը․ նոր տեսաուղերձ