Ծրագրեր` անմրցունակ և գործազուրկ քաղաքացիների համար. պաշտոնյան մանրամասներ է ներկայացնում

178
(Թարմացված է 19:17 28.07.2019)
Sputnik Արմենիայի «Տետ–ա–տետ» հաղորդաշարի շրջանակում Աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը ներկայացնում է անմրցունակ անձանց համար նախատեսված պետական ծրագրերը։

Նրա խոսքով՝ կան մի շարք ծրագրեր, որոնք նպատակուղղված են նաև անմրցունակ անձանց համար: Որպես այդպիսի կատեգորիա առանձնանում են հաշմանդամություն ունեցող անձինք, ընտանեկան նպաստ ստացողները, ազատազրկման վայրում պատիժը կրած անձինք, որոնք արդեն արդեն դուրս են եկել և փնտրում են աշխատանք: Տարբեր տարիքային խմբեր՝ 16-ից 30 և 31-ից 60 տարեկաններ, ովքեր հաշվառվել են և դեռ աշխատանք չեն գտել: Այսինքն՝ հստակ առկա է սահմանած շրջանակ, ովքեր կարող են ՀՀ օրենսդրական կարգավորումներով համարվել անմրցունակ անձինք:

«Երևանում և բոլոր մարզերում միասին վերցրած մենք ունենք Զբաղվածության պետական գործակալության թվով 51 տարածքային կենտրոն: Միանվագ փոխհատուցման ծրագրից օգտվելու համար գործազուրկը, անմրցունակ անձը դիմում է այն տարածքային կենտրոն, որտեղ ինքը հաշվառված է:

Դիմելուց հետո կազմվում է անհատական ծրագիր, այսինքն` կարիքների գնահատում է իրականացվում տվյալ անձի համար և զուգահեռ նաև աշխատանքներ ենք տանում գործատուների հետ, որոնք մեզ համար համարվում են համագործակցող գործատուներ», - նշում է Սարգսյանը և հավելում, որ իրենք մի կողմից հաշվառում են գործազուրկներին, մյուս կողմից ակտիվ աշխատանքներ են տանում գործատուների հետ։ Եվ եթե կարողանում են կապ հաստատել գործատուի և գործազուրկի միջև, դրանից հետո կնքվում է ծրագիրն իրականացնելու համար պայմանագիր:

«Գումարը հատկացվում է գործատուին` 50 հզից մինչև 200 հզ դրամ, գումարի չափը որոշվում է կառավարության հստակ սահմանված չափորոշիչներով, որի շրջանակներում տարբեր գործակիցներ են հաշվարկվում և դրա արդյունքում էլ ստացվում է համապատասխան չափը:

Գումարը տրվում է գործատուին, որպեսզի նա ամենաքիչը 1 տարի ժամկետով աշխատանքային պայմանագիր կնքի ծրագրի շահառուի հետ և ապահովի աշխատանքով՝ այսինքն՝ կայուն զբաղվածությամբ: Սա է մեր կողմից իրականացվող նման ծրագրերի նպատակը», - ընդգծում է Սարգսյանը:

Ըստ աշխատանքի և զբաղվածության վարչության պետի՝ միայն անցյալ տարի 1000-ից ավել նման ծրագիր են իրականացվել, իսկ այս տարվա կտրվածքով նախատվել է իրականացնել 1150 ծրագիր: Վերջին 7 ամիսներին արդեն 400 նման պայմանագիր է կնքել: «Մենք այս ամենն իրականցնում ենք պետական միջոցներով, պետական ֆինանսներով, մեր աջակցությունն անվճար է և որևէ միջնորդավճար, բնականաբար, չի կարող լինել և չի էլ եղել», - ասում է Ժորա Սարգսյանը և հստակեցնում, որ խնդիրներ կարող են լինել ընդամենը պակաս փաստաթղթերի կամ դրանց բացակայության պատճառով:

178
թեգերը:
աշխատավարձ, հաշմանդամ, աշխատանք, Հայաստան
թեմա:
ՏԵՏ-Ա-ՏԵՏ (93)

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

16
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

16
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ

Մինսկում աղջիկները գրկախառնվում են ցույցին միացած ՕՄՕՆ–ի ներկայացուցիչների հետ. տեսանյութ

180
(Թարմացված է 19:49 14.08.2020)
Արդեն 6 օր է` Բելառուսում չեն դադարում բողոքի ակցիաները, որոնք մեկնարկել էին օգոստոսի 9-ի երեկոյան։ Բողոքողները չեն ցանկանում հեռանալ։

Մինսկում նախագահական ընտրությունների արդյունքների դեմ բողոքող ցուցարարները  քայլում են Անկախության պողոտայով։ Baza Տելեգրամ ալիքի հրապարակած տեսանյութում երևում է, որ մարդկանց մեծ հոսքի դեմ ընդամենը մեկ ոստիկան է կանգնած։

Բողոքի ակցիային իրենց գործադուլով միացել են նաև Մինսկի տրակտորային գործարանի (ՄՏՏ) աշխատակիցները։

Մինսկի կենտրոնում` կառավարության շենքի մոտ, ցուցարարները գրկախառնվում ու սեղմում են ուժայինների ձեռքերը։ Տեսագրության մեջ երևում է, թե ինչպես է ՕՄՕՆ-ը իջեցնում վահանները` ի նշան ցուցարարների հետ համերաշխության, իսկ ցույցի մասնակից աղջիկները շտապում են փաթաթվել նրանց։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել:

Մինսկում ուժայինները ծեծի են ենթարկել ՀՀ քաղաքացու

Պաշտոնական տվյալներով ՝ ձերբակալվել է մոտ 7 հազար ցուցարար։ Ինչպես հաղորդում է հանրապետության ներքին գործերի նախարարությունը, անկարգությունների ժամանակ տուժել են հարյուրավոր մարդիկ, այդ թվում ՝ իրավապահ մարմինների 103 աշխատակիցներ: ՆԳՆ տվյալներով ՝ ցուցարարներից մեկը զոհվել է ՝ փորձելով ինքնաշեն պայթուցիկ սարք նետել ոստիկանական բաժանմունք։

180
թեգերը:
Ալեքսանդր Լուկաշենկո, Ընտրություններ, Նախագահ, Բողոքի ակցիա, ոստիկան, Բելառուս, Մինսկ
Ըստ թեմայի
Բելառուսում ՕՄՕՆ-ը ծեծել է տարեց տղամարդուն. տեսանյութ
Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից
Տիխանովսկայան կոչով դիմել է Բելառուսի իշխանությանը․ նոր տեսաուղերձ