«Թուրքիայի հանդեպ ԵՄ-ի սիրալիր վերաբերմունքը պայմանավորված է շահով». Սաֆրաստյան

232
(Թարմացված է 21:42 23.07.2019)
Sputnik Արմենիայի հյուրն է ակադեմիկոս, թուրքագետ Ռուբեն Սաֆրաստյանը։ Նա խոսել է Կիպրոսում ստեղծված իրավիճակի և Թուրքիայի տարածաշրջանային շահերի մասին:

«Թուրքական դիվանագիտությունը շատ լավ մտածված է։

Sputnik Արմենիայի հետ զրույցում այս մասին ասաց ակադեմիկոս, թուրքագետ Ռուբեն Սաֆրաստյանը։ Թուրքիան անցնում է հաջորդ փուլին, որը նույնպես փուլային է: Նա փորձում է տնտեսական օգուտ ստանալ Կիպրոսի տարածքները օկուպացնելուց. այնտեղ կան գազի մեծ պաշարներ»,- նշում է Սաֆրաստյանը:

Թուրքիան բռնազավթել է Կիպրոսի տարածքի զգալի հատված և ստեղծել այնտեղ Հյուսիսային Կիպրոսի թուրքական հանրապետություն, որտեղ պահում է մոտ 40.000-անոց բանակ, նշում է թուրքագետը՝ հավելելով.

«Որքան էլ զարմանալի է՝ ԵՄ-ն անդամակցության մասին բանակցություններ է վարում մի պետության հետ, որը զավթել է իր անդամ պետություններից մեկի՝ Կիպրոսի տարածքի մոտ 1/3-ը, և ԵՄ-ն աչք է փակել այդ ամենի վրա»։

Իրավաբանորեն Հյուսիսային Կիպրոսի թուրքական հանրապետություն չկա և բացի Թուրքիայից ոչ մի այլ պետություն չի ճանաչում այն, պարզապես՝ այդկերպ հիմնավորում է այնտեղ անցկացվող գազի հետախուզական աշխատանքները։ «ԵՄ մի շարք երկրներ դիտարկում են Թուրքիան որպես ապագա անդամ, բայց և կան երկրներ, որոնք դեմ են»,-ընդգծում է Սաֆրաստյանը։

Թուրքագետի կարծիքով՝ պատժամիջոցները ԵՄ կողմից ձևական բնույթ են կրում։

«Ինչո՞ւ է ԵՄ-ն Թուրքիայի հետ սիրալիր վարվում` որովհետև առաջին հերթին շահն է»,- ասում է նա, նշելով, որ Թուրքիան իր տարածքում ունի 3,5 մլն փախստական և դրա համար ստանում է միլիարդներ՝ այդ հոսքը բաց չթողնելով դեպի Եվրոպա: 

Թուրքիան մեկուսանում է, Հայաստանը պիտի «ագրեսիվանա». ի՞նչ է փնտրում Երևանը «պղնձյա» կղզում

232
թեգերը:
Եվրամիություն, Թուրքագետ, Թուրքիա, Ռուբեն Սաֆրաստյան
թեմա:
Իրականում / Օրացույց (668)

Հայաստանում մեկնարկել են «Կովկաս-2020» ռազմավարական զորավարժությունները․ տեսանյութ

27
(Թարմացված է 18:51 19.09.2020)
Սեպտեմբերի 21-26-ը ռազմավարական հրամանատարական-շտաբային զորավարժությունների շրջանակում կմշակվեն միջազգային ահաբեկչության դեմ մոտոհրաձգային ստորաբաժանումների, ավիացիայի և ՀՕՊ-ի օգտագործման խնդիրները։

«Ալագյազ» զորավարժարանում տեղի է ունեցել Հայաստանում ընթացող «Կովկաս-2020» ռազմավարական հրամանատարական-շտաբային զորավարժություններին մասնակցող երկրների պետական ​​դրոշների բարձրացման հանդիսավոր արարողությունը։ Տեղեկությունը հաղորդում է Հարավային ռազմական շրջանի մամուլի ծառայությունը:

Բացման արարողությանը ներկա էին Հարավային ռազմական շրջանի (ЮВО) ռազմակայանի հրամանատար, գնդապետ Նիկոլայ Մարտինյուկը, զորքերի միավորված խմբի հրամանատար, գեներալ-մայոր Տիգրան Փարվանյանը, երկու երկրների ուժային կառույցների և դիվանագիտական ​​կորպուսի ներկայացուցիչներ:

Սեպտեմբերի 21-26-ը ռազմավարական հրամանատարական-շտաբային զորավարժությունների շրջանակում կմշակվեն միջազգային ահաբեկչության դեմ մոտոհրաձգային  ստորաբաժանումների, ավիացիայի և ՀՕՊ-ի օգտագործման խնդիրները։

Այս տարվա ռազմավարական զորավարժությունների առանձնահատկությունն այն է, որ դրանք տեղի են ունենում կորոնավիրուսի համավարակով պայմանավորված հակահամաճարակային կանոնների խիստ պահպանմամբ։ ՌՀՇԶ-ի (Ռազմավարական հրամանատարական-շտաբային զորավարժություններ) մասնակիցները գտնվելու են բժիշկների հսկողության տակ։

«Հայաստանում անցկացվող «Կովկաս-2020» ՌՀՇԶ-ի մարտական-ռազմավարական գործողություններին ներգրավված է ընդհանուր առմամբ 1,5 հազար մարդ և մոտ 300 միավոր ռազմական տեխնիկա, այդ թվում՝ երկու երկրների օպերատիվ-մարտավարական, բանակային և անօդաչու ավիացիան»,-ասվում է հաղորդագրության մեջ։

Հայաստանը կմասնակցի «Կովկաս-2020» զորավարժությունների ցամաքային մասին

Զորավարժությունների ընթացքում կմշակվեն պետությունների զորքերի (ուժերի) կիրառման հարցերը՝ ի շահ Ռուսաստանի հարավ-արևմուտքում ռազմական անվտանգության ապահովման: Համատեղ գործողությունների մշակման համար հրավիրվել են Հայաստանի, Բելառուսի, Չինաստանի, Մյանմարի և Պակիստանի զինվորական կազմավորումները, ընդհանուր առմամբ մինչև հազար օտարերկրյա զինծառայողներ:

«Կովկաս-2020» զորավարժությունը տեղի կունենա 2020 թ․-ի սեպտեմբերի 21-ից 26-ն ընկած ժամանակահատվածում՝ ՌԴ ԶՈւ գլխավոր շտաբի պետի՝ Հարավային ռազմական շրջանում Ռուսաստանի Դաշնության պաշտպանության նախարարի առաջին տեղակալի ղեկավարությամբ և ընթացիկ տարում կդառնա Ռուսաստանի Դաշնության Զինված ուժերի օպերատիվ (մարտական) պատրաստության համալիր միջոցառումների եզրափակիչ փուլը:

27
թեգերը:
Զորավարժություններ, զորք, Ռուսաստան, Հայաստան, «Կովկաս-2020» ռազմավարական հրամանատարաշտաբային զորավարժություն
Ըստ թեմայի
Ադրբեջանը չի մասնակցի Ռուսաստանում կայանալիք «Կովկաս 2020» զորավարժություններին
Հայաստանը Բելառուսում կմասնակցի ՀԱՊԿ–ի խաղաղապահ զորավարժություններին
Հայաստանում ՀԱՊԿ երկու զորավարժություն կանցկացվի. ինչ խնդիր է դրված

Միայն 18 կաթսա հարիսա. ինչպես է նշվելու Մուսա լեռան հերոսամարտի օրը կարանտինի պայմաններում

42
(Թարմացված է 16:36 19.09.2020)
«Մուսալեռ» հայրենակցական միության նախագահ Պերճ Ղազարյանը և միության քարտուղար Վարդգես Մարտիրյանը Sputnik Արմենիայի հետ զրույցում խոսել են Մուսա լեռան հերոսամարտի հերթական տարեդարձը նշելու և այդ առթիվ կազմակերպվելիք միջոցառումների մասին։

Պերճ Ղազարյանի փոխանցմամբ` հերոսամարտի հերթական տարեդարձին համավարակի պատճառով իրենք մուսալեռցիներին հորդորել են այս տարի հուշահամալիր չայցելել` համավարակի տարածումից խուսափելու համար։ Փոխարենը նրանք կարող են տնային պայմաններում եփել ավանդական հարիսան ու մատուցել ի հիշատակ 18 նահատակների և ի նշանավորումն հերոսամարտի հերթական` 105-րդ տարեդարձի։

Վարդգես Մարտիրյանն իր հերթին տեղեկացրեց, որ հուշահամալիրում այս տարի կլինեն միայն պաշտոնատար անձինք, հոգևոր թեմի ներկայացուցիչներն ու ՀՀ–ում Ֆրանսիայի դեսպանը, քանի որ նրանց բոլորին հղվել է պաշտոնական հրավեր։ Տեղում եփվելու է ընդամենը 18 կաթսա հարիսա, որոնց պարունակությունը բարեգործական նպատակով ուղարկվելու է առանձին հաստատություններին։ Արվելու է միայն օրհնության ծիսակատարություն։

«Մուսա լեռան հերոսամարտի խորհուրդն այն է, որ ավելի քան 5000 մարդ պաշտպանվեց և տալով ընդամենը 18 զոհ` կարողացավ փրկվել։ Հետևաբար, եթե պայքարում ես քո ազատության, իրավունքների համար, ապա անպայման հաղթում ես»,– նշում է Պերճ Ղազարյանը։ Նրա խոսքով` մուսալեռցիները հայկական Կիլիկիայի «վերջին Մոհիկաններն» են։

«Այդ հերոսամարտի առթիվ ես ավելի շատ կարևորում եմ որոշման կայացումը, որ հարակից վեց գյուղերի ավելի քան 5000 բնակիչ մեկ մարդու պես տեղահան եղավ և բարձրացավ Մուսա լեռան գագաթը` կենաց ու մահու ճակատամարտ մղելու հաստատակամությամբ։ Եթե չլիներ մեր պապերի այդ որոշումը, մենք այսօր չէին կարողանա խոսել հերոսամարտի մասին»,– նշում է Վարդգես Մարտիրյանը։

«Թուրքիայի վերջին հայկական գյուղում» պատմության ու մշակույթի թանգարան է բացվել

Բանախոսների տեղեկացմամբ` մուսալեռցիներն այսօր էլ ապրում են պահպանելով իրենց ավանդույթներն ու իրար զորակցելով, նրանց մոտ սուր արտահայտված է հատկապես պետականության զգացումը և հանրային կյանքում հաջողության հասնելու ձգտումը։ Այսօր աշխարհում ապրում է շուրջ 15 հազար մուսալեռցի, և տարբեր սերունդների ներկայացուցիչներն այսօր էլ ձգտում են պահպանել կապն ու ինքնությունը, մուսալեռցիներին բնորոշ կենցաղավարությունը։   

42
թեգերը:
հարիսա, հերոսամարտ, կարանտին, տոն, Մուսալեռ
թեմա:
Sputnik զրույց
Ըստ թեմայի
Բեկ–Փիրումյանի մարտական բաճկոնի գաղտնիքը. ինչպես «Էրզրումի առյուծը» հաղթեց Սարդարապատում
Խոջալուի դեպքերի մասին Մազալովայի ինֆորմացիան քանդում էր ադրբեջանական միֆը. Էլիբեգովա
«Կորած սերունդ». պոեմ խարխլված արժեքների ու ժամանակակից բարքերի մասին
Խաչիկ Ասրյան. արխիվային լուսանկար

Խաչիկ Ասրյանի 10 000 դրամանոց ելույթը. հանրահավաքի ժամանակ նրան տուգանեցին

0
(Թարմացված է 20:14 19.09.2020)
«Հայոց արծիվներ» կուսակցության նախագահ Խաչիկ Ասրյանը հանրահավաք է հրավիրել և պահանջում է ՀՀ վարչապետ Նիկոլ Փաշինյանի հրաժարականը։

ԵՐԵՎԱՆ, 19 սեպտեմբերի — Sputnik. Ազատության հրապարակում ընթացող «Հայոց արծիվներ» կուսակցության հանրահավաքի ժամանակ ոստիկանները տուգանեցին կուսակցության նախագահ Խաչիկ Ասրյանին։

Խնդիրն այն է, որ Ասրյանը դիմակ չէր դրել. ոստիկանները ելույթի ժամանակ մոտեցան նրան ու տուգանեցին։ Ոստիկանները մոտենալուն պես՝ Ասրյանը դիմակ դրեց և իր ելույթը շարունակեց՝ անվտանգության պահանջը պահելով։

Ի դեպ, Ասրյանն ուզում էր նաև այրել ԼԳԲՏ դրոշը, սակայն ոստիկաններն արգելեցին՝ ցույցի մասնակիցների անվտանգությունից ելնելով։ Ասրյանի պահանջով բողոքի ակցիայի մասնակիցները պատռեցին այն։

Նշենք, որ այս պահին «Հայոց արծիվներ» կուսակցության նախագահ Խաչիկ Ասրյանի հանրահավաքը շարունակվում է:

Հանրահավաքի գլխավոր միտումը մեկն է՝ նրանք պահանջում են վարչապետ Նիկոլ Փաշինյանի հրաժարականը։

«Արայիկ, հեռացի՛ր». ոստիկանները բողոքի ակցիայի մասնակիցներին բերման են ենթարկում

0
թեգերը:
դիմակ, Տուգանք, Հրաժարական, Նիկոլ Փաշինյան, ԼԳԲՏ, «Հայոց արծիվներ» կուսակցություն, Խաչիկ Ասրյան
Ըստ թեմայի
ՍԴ-ն Հրայր Թովմասյանի վերաբերյալ հայտարարություն է տարածել
«Այդ մոնստրը ի սկզբանե մեռելածին էր». Աշոտյանը շնորհակալ է Նիկոլ Փաշինյանին