Ինչպիսին պետք է լինի մեր օրերի կառավարիչը. պատմում է հոգեբան Ռուբեն Աղուզումցյանը

722
(Թարմացված է 17:35 19.07.2019)
Ներկայում պետական կառավարման համակարգն իր մեջ դեռ կրում է հին ժամանակներից եկած սովորույթ. ո՞նց էին մարդկանց նշանակում կառավարիչ․ մարդն իր աշխատատեղում լավ էր աշխատում՝ վերցնում-նշանակում էին որևէ տեղ ղեկավար:

«Բոլոր ժամանակներում հասարակության բարեկեցությունը պայմանավորված է կառավարման համակարգով: Եվ այդ համակարգի աշխատանքի որակը կախված է նրանից, թե ով է կառավարիչը, ինչպիսի գիտելիքներ, հմտություններ ունի, ինչ հատկություններ են անհրաժեշտ նրան, որպեսզի արդյունավետ կատարի իր ֆունկցիաները։ Այսինքն՝ խոսքը գնում է կառավարչի հոգեբանական դիմանկարի և որակների մասին։ Կառավարիչը պետք է ունենա շատ բազմաֆունկցիոնալ հատկություններ»։

«Տետ–ա–տետ» հաղորդաշարի շրջանակում այս մասին ասաց ՀՀ պետական կառավարման ակադեմիայի կառավարման  հոգեբանության ամբիոնի վարիչ, պրոֆեսոր Ռուբեն Աղուզումցյանը։

Խոսելով Պետական կառավարման ակադեմիայի մասին՝ Աղուզումցյանը նշեց, որ ակադեմիան յուրահատուկ է իր տեսակի մեջ և կոչված է տարբեր ուղղություններով կառավարիչներ պատրաստելու։ Ընդհանուրն այն է, որ բոլորը կառավարիչ են, անկախ ոլորտից՝ պետք է ունենան այն հատկությունները, որոնք բնորոշ են կառավարչին, և դրա համար բոլորն անցնում են կառավարման հոգեբանություն։

«Ներկայում պետական կառավարման համակարգն իր մեջ դեռ կրում է հին ժամանակներից եկած սովորույթ. ո՞նց էին մարդկանց նշանակում կառավարիչ․ մարդն իր աշխատատեղում լավ էր աշխատում՝ վերցնում-նշանակում էին որևէ տեղ ղեկավար։

Սակայն, եթե  մարդը ստորին օղակներում ստեղծարար չէ, կատարող է՝ բարձր աստիճան ստանալով լավ արդյունք չի տա։ Կար ժամանակ, որ աշխատողների համար կազմվում էին պսիխոգրամմա  և պրոֆեսիոգրամմա։ Պսիխոգրամման մասնագիտության հոգեբանական բնութագիրն է, պրոֆեսիոգրամման՝ թե ինչ հատկություններ են անհրաժեշտ, որպեսզի այդ մասնագիտությունում դու որակյալ լինես։

Հիմնականում պսիխոգրամմաները կազմվում էին մասնագետներով, և նրանք հաշվի էին առնում հոգեկան հատկությունները՝ հիշողության, մտածողության, հաղորդակցության որակ և այլն։  Բայց հետագայում պարզվեց, որ այդ որակները չեն տալիս ընդհանուր պատկեր»,-ասաց մասնագետը՝ հավելելով, որ մի քանի տարի առաջ սկսեցին հասկանալ, որ բացի մասնագիտական հատկություններից՝ պետք է հաշվի առնել նաև այն, ինչը  կապված չէ մասնագիտության հետ, օրինակ՝ անձնային որակները՝ ոգեղեն, բարոյական հատկությունները, հայրենասիրությունը և այլն: 

Հոգեբանի խոսքով՝ ընդհանրապես հոգեբանական աշխատանքը պահանջում է կայունություն։ «Հոգեբանական և մասնագիտական ընտրությունն ունի փուլեր: Այդ փուլերը լինում են՝ սկսած ինքնակենսագրության վերլուծությունից, մինչև հանդիպումներ, թեստեր և այլն: Որոշ մասնավոր հիմնարկներ անցնում են կառավարչի հոգեբանական ընտրության բոլոր փուլերը: Այդպես պետք է լինի նաև պետական կառավարման ոլորտում»,-նշեց Ռուբեն Աղուզումցյանը։ Նա ընդգծեց նաև, որ բացի մասնագիտական բարձր որակներից, կարևոր է նաև մասնագիտական վերապատրաստումը։

Ինչ է խոսել Արմեն Սարգսյանը Վլադիմիր Պուտինի հետ

Օրինակ՝ Կառավարման ակադեմիան ունի բավական ակտիվ վերապատրաստման բաժին, և տարբեր ուղղվածությամբ քաղծառայողներ և ոչ միայն քաղծառայողներ գալիս, անցնում են վերապատրաստում։ «Վերջին տարիներին վերապատրաստման ծրագրերում շատ մեծ տեղ է հատկացվում հենց հոգեբանությանը։ Սակայն դեռևս վերապատաստման նպատակը և իմաստը չեն համապատասխանում իրականությանը։ Նպատակը պետք է լինի, որ մարդու մոտ ի հայտ գան նոր մտածելաձև, նոր հայացքներ։ Այսօր վերապատրաստումը, ցավոք սրտի, ուղղված չէ դրան, վերապատրաստման իմաստը պետք է լինի նոր մտածելաձև ստեղծելը»,-հստակեցրեց հոգեբանը։   

 

722
թեգերը:
Ռուբեն Աղուզումցյան
թեմա:
ՏԵՏ-Ա-ՏԵՏ (93)

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

17
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

17
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ

Մինսկում աղջիկները գրկախառնվում են ցույցին միացած ՕՄՕՆ–ի ներկայացուցիչների հետ. տեսանյութ

185
(Թարմացված է 19:49 14.08.2020)
Արդեն 6 օր է` Բելառուսում չեն դադարում բողոքի ակցիաները, որոնք մեկնարկել էին օգոստոսի 9-ի երեկոյան։ Բողոքողները չեն ցանկանում հեռանալ։

Մինսկում նախագահական ընտրությունների արդյունքների դեմ բողոքող ցուցարարները  քայլում են Անկախության պողոտայով։ Baza Տելեգրամ ալիքի հրապարակած տեսանյութում երևում է, որ մարդկանց մեծ հոսքի դեմ ընդամենը մեկ ոստիկան է կանգնած։

Բողոքի ակցիային իրենց գործադուլով միացել են նաև Մինսկի տրակտորային գործարանի (ՄՏՏ) աշխատակիցները։

Մինսկի կենտրոնում` կառավարության շենքի մոտ, ցուցարարները գրկախառնվում ու սեղմում են ուժայինների ձեռքերը։ Տեսագրության մեջ երևում է, թե ինչպես է ՕՄՕՆ-ը իջեցնում վահանները` ի նշան ցուցարարների հետ համերաշխության, իսկ ցույցի մասնակից աղջիկները շտապում են փաթաթվել նրանց։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել:

Մինսկում ուժայինները ծեծի են ենթարկել ՀՀ քաղաքացու

Պաշտոնական տվյալներով ՝ ձերբակալվել է մոտ 7 հազար ցուցարար։ Ինչպես հաղորդում է հանրապետության ներքին գործերի նախարարությունը, անկարգությունների ժամանակ տուժել են հարյուրավոր մարդիկ, այդ թվում ՝ իրավապահ մարմինների 103 աշխատակիցներ: ՆԳՆ տվյալներով ՝ ցուցարարներից մեկը զոհվել է ՝ փորձելով ինքնաշեն պայթուցիկ սարք նետել ոստիկանական բաժանմունք։

185
թեգերը:
Ալեքսանդր Լուկաշենկո, Ընտրություններ, Նախագահ, Բողոքի ակցիա, ոստիկան, Բելառուս, Մինսկ
Ըստ թեմայի
Բելառուսում ՕՄՕՆ-ը ծեծել է տարեց տղամարդուն. տեսանյութ
Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից
Տիխանովսկայան կոչով դիմել է Բելառուսի իշխանությանը․ նոր տեսաուղերձ