Պաշտոնական կայքերի սպասարկման հարցում կան կոռուպցիոն ռիսկեր. Արամ Զաքարյան

225
(Թարմացված է 17:40 14.07.2019)
«Ոսկե բանալի» մրցանակի դափնեկիր, լրագրող Արամ Զաքարյանը Sputnik Արմենիայի «Մութ անկյուն» հաղորդման շրջանակում անդրադարձել է պաշտոնական կայքերի աշխատանքի հետ կապված լուրջ թերացումներին, որոնք նույնիսկ որակվում են որպես հանցավոր անփութություն։

Պետական կառույցների կայքերն աշխատում են պետական միջոցների, այլ խոսքով՝ ՀՀ քաղաքացիների վճարած հարկերի հաշվին։ ՀՀ քաղաքացիներն են հոգում կայքի ոչ միայն տեխնիկական ծախսերը, այլ նաև կայքը սպասարկող անձնակազմի աշխատավարձերը, սակայն մեր կառավարական օղակները հաճախ անտեսում են այս ամենը ու կայքին մատների արանքով նայում, այլ խոսքով՝ անարդյունավետ ծախսում պետական փողերը։

«Պաշտոնական կայքերի սպասարկման հարցում կոռուպցիոն ռիսկերը պահպանվում են: Քանի դեռ կոռուպցիայի դեմ պայքարող կառավարության տարբեր օղակներում չեն կարևորում ինքնամաքրումը, մասնավորապես, հարկատուներից ստացած աշխատավարձի դիմաց բարեխիղճ աշխատանքը, հակակոռուպցիոն պայքարը չի կարող տպավորիչ արդյունքներ ունենալ։ Ի ցավ հարկատուների»,- նշում է Արամ Զաքարյանը:

Կոռուպցիան որպես վստահված իշխանության չարաշահում ունի մի շարք դրսևորումներ և բազում «նրբերանգներ», որոնցից մեկն էլ պաշտոնական կեղծիքն է:

Պետական բոլոր օղակներում կան մեկից ավելի պաշտոնյաներ, որոնց լիազորությունների մեջ է մտնում տվյալ գերատեսչության գործունեության լուսաբանումը, հետևաբար, կայքի պարտաճանաչ սպասարկումը, ճշգրիտ տեղեկատվության մատուցումն ու թարմացումը, որոնք լինեն գերակայությունների թվում։

225
թեգերը:
Իշխանություն, ՀՀ կառավարություն, Հայաստան
թեմա:
Մութ անկյուն (84)
Ըստ թեմայի
Ապօրինի ծառահատումները` շատ հարստությունների ոչնչացման պատճառ
ՀԷԿ-երի շուրջ ջրային պատերազմները շարունակվում են. պարզաբանումներ Sputnik Արմենիային

sys_stories