«ՉԼ-ն հիմա մեզ համար շատ կարևոր է». Վարդան Մինասյանը` առաջիկա խաղի մասին

76
(Թարմացված է 17:49 08.07.2019)
Հայաստանի չեմպիոն «Արարատ-Արմենիան» հուլիսի 9-ին իր դեբյուտն է նշելու Չեմպիոնների լիգայում։ Գլխավոր մարզիչը խաղից առաջ ասուլիս է հրավիրել։

«Արարատ-Արմենիայի» համար Չեմպիոնների լիգան շատ կարևոր է։ Թիմի գլխավոր մարզիչ Վարդան Մինասյանն այս մասին ասաց այսօր հրավիրված ասուլիսի ժամանակ։

«ՉԼ-ն հիմա մեզ համար շատ կարևոր է, շատ կարևոր է թիմի համար, քանի որ առաջին անգամ ենք մասնակցելու նման մրցաշարի։ Եթե չեմ սխալվում մեր ֆուտբոլիստների 90 տոկոսը նման խաղերի փորձ չունեն։ Հաստատ մոտիվացիայի առումով խնդիրներ չենք ունենա»,- ասաց նա։

Մինասյանի խոսքով` իրենք փորձելու են բարձրացնել նորեկների որակը։

«Ամառային սելեկցիան ինձ լրիվ գոհացրել է, քանի որ այն խաղացողները, ովքեր համալրեցին մեր թիմը, իրոք ուժեղացրել են մեր թիմը, դա երևաց նաև ընկերական խաղերի ժամանակ»,– նշեց մարզիչը։

Ըստ Մինասյանի՝ իրենք հասցրել են ուսումնասիրել շվեդական թիմին, որի հետ խաղալու են ՉԼ–ի առաջին տուրում։

Հայաստանի ֆուտբոլի նորընծա չեմպիոն «Արարատ-Արմենիան» վաղն իր առաջին հանդիպումն է անցկացնելու ակումբային ամենահեղինակավոր մրցաշարում` Չեմպիոնների լիգայում:

Հայկական թիմը որակավորման առաջին փուլում հյուրընկալելու է Շվեդիայի չեմպիոն ԱԻԿ թիմին:

Նախորդ մրցաշրջանի համեմատ «Արարատ-Արմենիայի» կազմում բավականին լուրջ փոփոխություններ են տեղի ունեցել: Հայաստանի չեմպիոնը հեռացած ֆուտբոլիստների փոխարեն ակտիվ սելեկցիայի միջոցով թարմացրել է իր կազմը, բայց թե ինչի է ունակ մեր չեմպիոնը նորացված կազմում, ցույց կտան առաջիկա հանդիպումները շվեդական թիմի հետ:

Չեմպիոնների լիգայի որակավորման առաջին փուլում պարտվելու դեպքում հայկական թիմը հնարավորություն կունենա ուժերը չափել Եվրոպայի լիգայի որակավորման երկրորդ փուլում:

76
թեգերը:
Հայաստան

sys_stories