ՍՕՍ մանկական գյուղեր. ինչո՞վ են դրանք տարբերվում մանկատներից

1175
(Թարմացված է 11:43 08.07.2019)
Սպիտակի ավերիչ երկրաշարժից հետո Կոտայքում ստեղծվեց առաջին ՍՕՍ մանկական գյուղը, և ծնողազուրկ մնացած երեխաները համախմբվեցին մանկական գյուղի տանիքի ներքո: Այն սկսեց մեծ ընտանիքի դեր կատարել:

Այս ինքնատիպ գյուղի մասին Sputnik Արմենիայի «Տետ–ա–Տետ» հաղորդման եթերում պատմում են ՍՕՍ մանկական գյուղեր հայկական բարեգործական հիմնադրամի տնօրեն Սպարտակ Սարգսյանը և հոգեբան Ռուբեն Աղզումցյանը:

Սպարտակ Սարգսյանի խոսքով՝ ՍՕՍ մանկական գյուղերը ի սկզբանե ինստիտուցիոնալ չեն: Դա ընտանիք է, որը ստեղծվում է այն երեխաների համար, ովքեր մնացել են ծնողական խնամքից զուրկ:

«Ի տարբերություն մյուս խնամք իրականացնող կազմակերպությունների, որոնք երեխաների չափահաս դառնալուց հետո արդեն նրանց ուղղորդում են կյանք և որևէ աջակցություն այլևս չեն շարունակում ցուցաբերել, մենք խնամքն իրականացնում ենք մինչև 23 տարեկան: 18-ը լրանալուց հետո երեխաներին տեղափոխում ենք կիսաանկախ բնակության փուլ, որը ենթադրում է հետևողական շրջան, որ կարողանան ճիշտ հասնել իրենց նպատակներին: Այսինքն` ամեն ինչ արվում է, որ երեխաները մտնեն հասարակություն՝ որպես լիարժեք անդամ: Կոտայքի մարզում մեր մանկական առաջին գյուղն է, իսկ երկրորդ գյուղը Իջևան քաղաքում է, որը գործում է արդեն 10 տարի», - ասում է հիմնադրամի տնօրենը:

Նա նշում է, որ մանկական գյուղերից բացի հիմնադրամն իրականացնում է նաև ընտանիքների ամրապնդման ծրագրեր: «Այն ընտանիքները, որոնք կանգնած են մանկալքման շեմին, կամ երեխաները հայտնվել են որևէ պետական խնամք իրականացնող հաստատությունում կամ ՍՕՍ մանկական գյուղերի շուրջօրյա խնամքի ներքո՝ մենք փորձում ենք աջակցել, որպեսզի երեխաները մնան իրենց կենսաբանական ծնողների հետ»,-հստակեցնում է Սարգսյանը:

Հոգեբան Ռուբեն Աղզումցյանը կարևորում է այն հանգամանքը, որ ոչ մի ուրիշ տեղ այդքան մեծ հոգեբանական և սոցիալական աշխատանք չի կատարվում երեխաների հետ, որքան մանկական գյուղերում: Բոլոր մայրերի և մորաքույրների ընտրությունը շատ լուրջ է կատարվում: «Այստեղ «մաման» և «մորաքույրը» աշխատանքային պաշտոններ են: Շատ լուրջ է հոգեբանի դերակատարումը մանկական գյուղերում: Մի խումբ հոգեբաններ զբաղվում են միայն երեխաներով, հոգեբաններ կան, որոնք զբաղվում են «մայրերով» և «մորաքույրներով», կան նաև հոգեբաններ, որոնք ուղղակի զբաղվում են գրասենյակի աշխատողներով»,-ասում է մասնագետը և հավելում, որ հոգեբանությանը շատ մեծ տեղ է տրվում, և դա տալիս է բարձր որակ, որովհետև այդ տիպի երեխաների հետ շփումը և նրանց դաստիարակությունը, ուսուցումը շատ ծանր աշխատանք է: Խոսելով գյուղերի կառավարման մասին՝ նա ընդգծում է, որ շատ դժվար է նմանատիպ կառույցների ղեկավարումը և սկզբունքորեն տարբերվում է բոլոր տեսակի կառույցների կառավարումից, քանի որ իրականացվում է հիմնականում հոգեբանական ուղղությամբ:

ՍՕՍ մանկական գյուղերում ներդրվել են նաև մոդելներ: 2013 թվականից գործում է սոցիալական հոր և մոր ինստիտուտը: Առաջինն իրականացվել է Իջևանում. որևէ ընտանիք՝ ամուսիններ, մանկական գյուղում երեխաներին վերցնում են իրենց խնամակալության տակ: Մեկ ընտանիքում լինում է առավելագույնը 6 երեխա:

ՍՕՍ մանկական երկու գյուղերում այս պահին բնակվում է 128 երեխա: Վերջին 3 տարիներին 137 երեխա վերամիավորվել է իրենց կենսաբանական ընտանիքների հետ:

1175
թեգերը:
երեխա, Հայաստան
թեմա:
ՏԵՏ-Ա-ՏԵՏ (93)

Նուբարաշենի աղբավայրում խոշոր հրդեհ է․ հրշեջներն ավելի քան մեկ ժամ է՝ փորձում են մարել այն

175
(Թարմացված է 00:10 10.07.2020)
Sputnik Արմենիայի տեսանյութում երևում է հրդեհը, որը մարելու համար չորս մարտական հաշվարկ է աշխատում։ Օգնության է հասել նաև քաղաքապետարանի ջրատար մեքենան։

Երևանի Նուբարաշենի աղբավայրում խոշոր հրդեհ է, որը երևում է քաղաքի կենտրոնից։ Sputnik Արմենիայի թղթակցի տեսախցիկը ֆիքսել է կրակի կադրերը։ Արտակարգ իրավիճակների նախարարությունից մեզ հայտնեցին, որ արդեն ավելի քան մեկ ժամ է` հրշեջները փորձում են մարել կրակը։

«Տեղում չորս մարտական հաշվարկ է աշխատում, Երևանի քաղաքապետարանի ջրատար մեքենան էլ է մոտեցել հրշեջներին», - ասացին ԱԻՆ-ից։

Մի քանի վայրկյանում հսկա շենքը հողին հավասարվեց. ինչպես պայթեցրին «Ձյունիկ սառնարանը»

Աղբավայրում խոշոր հրդեհ էր տեղի ունեցել նաև անցյալ տարվա մայիսին։

Ի՞նչ է կատարվում օպերայի բակում. շենքի մոտ հրշեջներ ու մարտական հաշվարկներ են հավաքվել

175
թեգերը:
տեսանյութ, հրդեհ, Նուբարաշենի աղբավայր, Հայաստան
թեմա:
Վթար, պատահար, սպանություն, գողություն
Ըստ թեմայի
Ողբերգական վթար Շիրակի մարզում. երիտասարդ վարորդներից մեկը տեղում մահացել է
«Գնում եմ կովերի հետևից». 30-ամյա Նարեկը ճանապարհ է ընկել դեպի ձորն ու չի վերադարձել
Հայաստան- Իրան միջպետական ճանապարհի մի հատվածը միակողմանի փակ է. բեռնատար է կողաշրջվել

Rail Baltica. ինչպես է «մահանում» ՆԱՏՕ-ի և Եվրոպական միության փայփայած նախագիծը

70
(Թարմացված է 23:54 09.07.2020)
Rail Baltica-ն Եվրոպայում նոր ու բարձր արագությամբ երկաթուղային մայրուղու նախագիծ է։ Երկաթուղին Բեռլինից, Վարշավայով, Կաունասով, Վիլնյուսով ու Ռիգայով Տալլին է գնում՝ այսպիսով միացնելով Գերմանիան ու Լեհաստանը Բալթյան երկրների հետ։

Ի սկզբանե նախատեսվում էր նոր ճյուղը գործարկել 2025 թվականին, սակայն հետո ժամկետը մեկ տարով հետաձգվեց։ Այժմ ռիսկ կա, որ բազմամիլիարդանոց նախագիծն անավարտ կմնա։ ՆԱՏՕ-ի ու Եվրոպական միության փայփայած նախագծի «մահվան» պատճառները ներկայացված են մեր տեսանյութում։  

Լիտվան ուզում է մայրուղու շինարարության ավարտից հետո շարունակել հսկողությունը դրա նկատմամբ։ «Հաշվի առնելով Rail Baltica նախագծի ռազմավարական կարևորությունը՝ Պաշտպանության պետական խորհրդի անդամները համաձայնել են, որ նոր ստեղծվող ենթակառուցվածքը պետք է կառավարի մի ընկերություն, որի սեփականության բոլոր իրավունքները կպատկանեն Լիտվային»,- ասված է Լիտվայի նախագահականի մամուլի ծառայության հաղորդագրության մեջ։

Վերջին աուդիտը ցույց է տվել, որ առանց այդ էլ բազմամիլիարդանոց նախագծի արժեքն աճել է։ Եվրահանձնաժողովը պատրաստ է լրացուցիչ գումար տրամադրել շինարարության համար, սակայն պայմանով, որ Բալթյան երկրները միասին կղեկավարեն մայրուղին։ Վիլնյուսը պատրաստ է չէ դրան։

«Երկաթուղին դեռ չկա, ինչպես նաև պարզ չէ, թե ինչպես երկաթուղային տեղափոխման բերել ավտոմեքենաների փոխադրումները, որոնք այսօր գերակշռում են։ Արդեն իսկ թանկ նախագիծն ութ տարվա մեջ 51 տոկոսով էլ է թանկացել»,– ասել է Եվրոպական հաշվարկային պալատի անդամ Օսկար Հերիքսը։

Սու-27-երը Բալթիկ ծովում ամերիկյան ռմբակոծիչներ են որսացել. տեսանյութ

Նախագծի հեռանկարները կասկածներ են առաջացնում նաև լիտվացի ու էստոնացի քաղաքական գործիչների մոտ։ Նրանք նույնիսկ կոչ են անում հրաժարվել նախագծին մասնակցելուց։

Չի բացառվում, որ Արևմուտքի ու ՆԱՏՕ-ի երազանքը`Rail Baltica-ի մասին, չիրականանա

70
թեգերը:
երկաթուղի, ՆԱՏՕ, Եվրամիություն, Լիտվա
Ըստ թեմայի
«Ռուսական սպառնալիք». ինչի կդիմի Գերմանիայի ՊՆ–ն հանուն սեփական նպատակների
ԱՄՆ-ի ու Եվրոպայի հրթիռային դավադրությունը․ ի՞նչ են պարզել գերմանացի լրագրողները
Ռուսաստանը չէ․ ով է ամերիկացիների «գլուխների» իրական որսորդը
Բժիշկ

Գլխով բժշկի քթին հարվածած 29-ամյա երիտասարդին մեղադրանք է առաջադրվել

0
(Թարմացված է 11:29 10.07.2020)
«Արաբկիր» ԲԿ–ում բուժում ստացող երեխաներից մեկի հայրը բժշկի հետ զրույցի ժամանակ վիճաբանել էր ու հարվածել նրան։

ԵՐԵՎԱՆ, 10 հուլիսի — Sputnik. ՀՀ քննչական կոմիտեն տեղեկացնում է, որ 28-ամյա երիտասարդին մեղադրանք է առաջադրվել բժշկի մասնագիտական գործունեությանը խոչընդոտելու համար։

«2019թ. դեկտեմբերի 12-ին՝ ժամը 12:30-ի սահմաններում, «Արաբկիր» բժշկական համալիր-երեխաների և դեռահասների առողջության ինստիտուտի վերակենդանացման բաժանմունքի վարիչն իր աշխատասենյակում նույն բաժանմունքում բուժվող հիվանդի ծնողներին իրենց որդու առողջական վիճակի վերաբերյալ տեղեկություններ է ներկայացրել։ Այդ ընթացքում վերջինիս հայրը՝ Երևանի 29-ամյա բնակիչը, վիճաբանության մեջ է մտել բժշկի հետ»,–նշված է ՔԿ–ի հաղորդագրության մեջ։

Վիճաբանության ժամանակ 29-ամյա երիտասարդը առողջության համար ոչ վտանգավոր բռնություն է գործադրել բժշկի նկատմամբ. գլխով դիտավորությամբ մեկ անգամ հարվածել է վերջինիս քթին՝ պատճառելով ֆիզիկական ցավ:

29-ամյա երիտասարդին մեղադրանք է առաջադրվել՝ ՀՀ քրեական օրենսգրքի 130.1-րդ հոդվածի (բուժաշխատողների մասնագիտական, ինչպես նաև ոչ մասնագիտական օժանդակող գործունեությանը խոչընդոտելը) 1-ին մասով: Նրա նկատմամբ որպես խափանման միջոց է ընտրվել ստորագրություն չհեռանալու մասին:

Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել դատարան:

Նշենք, որ դեպքը մեծ հնչեղություն էր ստացել. առողջապահության նախարար Արսեն Թորոսյանը նույնպես անդրադարձել էր դրան` ասելով, որ բժիշկների դեմ բռնությունները պետք է դատապարտվեն`  անկախ դեպքի մանրամասներից:

Ֆրանսիայում ուղևորները ծեծելով սպանել են ավտոբուսի վարորդին, որը պահանջել է դիմակ դնել

Նման քայլի դիմողները, ըստ նրա, պետք է պատժվեն։ Մինչ բժշկի հետ վիճաբանությունը երիտասարդը կոտրել էր ընդունարանի բժշկի սեղանի ապակին, վնասել վիրաբուժականի դուռը, պատռել սեղանին դրված մեկ այլ հիվանդի պատմագիրը:

0
թեգերը:
հայր, Մեղադրանք, ծեծ, բժիշկ, Երևան
Ըստ թեմայի
Ճամբարակ համայնքի ղեկավարին մեղադրանք է առաջադրվել
Ինչ մութ գործեր են արվել «Մարաթուկի» անվան տակ. կենտրոնի տնօրենին մեղադրանք է առաջադրվել
Վաղաշեն համայնքի նախկին ղեկավարին 3 հոդվածով մեղադրանք է առաջադրվել