Արմեն Սարգսյանը պարում է Թթի փառատոնում. տեսանյութ

240
(Թարմացված է 16:34 06.07.2019)
ՀՀ նախագահը միացել է պարողների խմբին, իսկ մարզպետն ու նախարարը մնացել են ծափ տվողների շարքում։

Սյունիքի մարզի Քարահունջ գյուղում հերթական անգամ անցկացվում է արդեն ավանդական դարձած Թթի փառատոնը, որին ներկա է նաև ՀՀ նախագահ Արմեն Սարգսյանը։

Փառատոնի մեկնարկը տրվել է թութ թափ տալու մրցութային արարողությամբ:

Միջոցառումներն ուղեկցվել է ավանդական հայկական երգ ու պարով, որին անմասն չի մնացել նաև Արմեն Սարգսյանը։

Նախագահի ոգևորող պարի տեսանյութը հրապարակել են փառատոնի մի քանի մասնակիցներ, որոնց թվում է նաև մեր գործընկեր Արմինե Գևորգյանը։

Տեսանյութում երևում է, թե ինչպես է նախագահը ոգևորված պատմում, իսկ վերջում համբուրում պարող երեխաներից մեկին ու հեռանում։

Թթի փառատոնին ներկա են եղել նաև Տարածքային կառավարման ու ենթակառուցվածքների նախարար Սուրեն Պապիկյանը և Հունան Պողոսյանը, որոնք, սակայն, չեն մասնակցում պարին և մնացել են ծափ տվողների շարքում։

Փառատոնի շրջանակում սյունեցիներին հնարավորություն է տրվել վաճառելու իրենց ձեռագործ աշխատանքները, ավանդական ուտեստները, դոշաբը, մուրաբան, չիրը և, իհարկե, թթից պատրաստված օղին։

Միջոցառման ընթացքում հյուրերին է ներկայացվել թթից օղու թորման ամբողջ ընթացքը:

Արմեն Սարգսյանը Սյունիք է մեկնել երեկ` հունիսի 5-ին։

240
թեգերը:
տեսանյութ, Պար, Արմեն Սարգսյան, Հայաստան
Ըստ թեմայի
«Խելոք կմնաս, լա՞վ». ՀՀ նախագահի կինը ներկայացրել է իր և թոռնուհու գիրքը. լուսանկարներ
ՀՀ նախագահը թոռնիկների հետ լուսանկար է հրապարակել
Ինչո՞ւ գյումրեցին չընդունեց Արմեն Սարգսյանի՝ նախագահ դառնալու առաջարկը
«Ես լավ երեխա եմ»․ ՀՀ նախագահը հետաքրքիր է անցկացրել կիրակին

Ղարաբաղ է թռել ռազմական բժիշկներ տեղափոխող երկու Իլ-76 ինքնաթիռ. ՌԴ ՊՆ

69
(Թարմացված է 15:20 25.11.2020)
Լեռնային Ղարաբաղ են տեղափոխվում Արևելյան ռազմական օկրուգի հատուկ նշանակության բժշկական ջոկատի ուժեր և միջոցներ։  Ջոկատի կազմում են բժիշկներ, միջին և կրտսեր բուժանձնակազմ։

Արևելյան ռազմական օկրուգի բուժաշխատողներով երկու Իլ-76 ռազմատրանսպորտային ինքնաթիռներ մեկնել են Լեռնային Ղարաբաղ։ Այս մասին այսօր լրագրողներին հայտնել են ՌԴ ՊՆ–ում։

Ռուս խաղաղապահներն օգնում են վերականգնել ջրամատակարարումն ու ջերմամատակարարումը Ղարաբաղում

«Իլ-76 առաջին երկու ինքնաթիռները, որոնք Արևելյան ռազմական օկրուգի հատուկ նշանակության բժշկական ջոկատի տեղափոխում  են իրականացնում Լեռնային Ղարաբաղի առաջադրանքի կատարման շրջաններ, թռել են Խաբարովսկ-Նովի օդանավակայանից», – նշել են ռազմական գերատեսչությունում։

Լեռնային Ղարաբաղ ընդհանուր առմամբ կտեղափոխվի 122 զինծառայող, 54 ավտոմոբիլային և հատուկ տեխնիկայի 54 միավոր, 66 տոննա նյութական միջոցներ, նշել են ՊՆ–ում։

Ռազմական բժիշկներն ուղարկվել են ռուս խաղաղապահների և տեղի բնակչության  բժշկական ապահովումն իրականացնելու համար։ «Ջոկատի կազմում են բժիշկներ, միջին և կրտսեր բուժանձնակազմ, որոնք մշտապես պատրաստ են լինելու բարձրակարգ և մասնագիտական առաջին բուժօգնություն ցուցաբերելու համար», – պարզաբանել են գերատեսչությունից։

Ռուս խաղաղապահներն ավտոբուսների ևս մեկ շարասյուն են ուղեկցել Ստեփանակերտ

Ավելի վաղ ստորաբաժանումը մշտական տեղակայման վայրից քայլերթ էր իրականացրել դեպի Խաբարովսկ-Նովի օդանավակայան։

69
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուս խաղաղապահներին տեղափոխող ևս 18 ինքնաթիռ է ժամանել Հայաստան. տեսանյութ
Վաղարշակ Հարությունյանը և Սերգեյ Շոյգուն խաղաղապահներին առնչվող փաստաթղթեր են ստորագրել
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

ԱԴԾ–ն ահաբեկչություններ է կանխել Ռուսաստանում. հատուկ գործողությունների տեսանյութը

114
(Թարմացված է 13:14 25.11.2020)
Արմատական իսլամիստների գտնվելու վայրերում հայտնաբերվել և առգրավվել է խոցող տարրերով լցված ինքնաշեն պայթուցիկ սարք։

Ռուսաստանի անվտանգության դաշնային ծառայության աշխատակիցները Մոսկվայի մարզում ահաբեկչություններ են կանխել, որոնք նախապատրաստում էին «Իսլամական պետություն» (Ռուսաստանում և մի շարք այլ երկրներում արգելված ահաբեկչական կազմակերպություն) ահաբեկչական խմբավորման անդամները։

Ինչպես հայտնում է ծառայության հանրային կապերի կենտրոնը, արմատական իսլամիստների գտնվելու վայրերում հայտնաբերել և առգրավել են խոցող տարրերով լցված ինքնաշեն պայթուցիկ սարք, այլ առարկաներ և փաստաթղթեր։

Նշվում է, որ ուժային կառույցի աշխատակիցներին Վլադիմիրի մարզում հաջողվել է ձերբակալել խմբավորման մեկ անդամի, որը Կենտրոնական Ասիայի երկրներից մեկի քաղաքացի է։ Մյուս կասկածյալների գտնվելու վայրը չի նշվում։

ԱԴԾ–ն նաև տեղեկություն ունի, որ խմբավորման անդամները պոտենցիալ զինյալների են հավաքագրել և գումար հավաքել ահաբեկիչների կարիքների համար։

Թուրքիան ահաբեկիչներ է բերում տարածաշրջան ու խրախուսում ահաբեկչությունը Եվրոպայում

Նշենք, որ միայն վերջին մի քանի ամսվա ընթացքում սա Ռուսաստանում ահաբեկչությունների կանխման առնվազն չորրորդ դեպքն է։ Այս աշնանը ուժայինները ահաբեկչական հարձակումներ էին կանխել Մոսկվայում, Վոլգոգրադում և Ստավրոպոլում։

Հայաստանը շարունակելու է պայքարել ահաբեկչության դեմ. ԱԳՆ

114
թեգերը:
Ահաբեկչություն, Անվտանգության դաշնային ծառայություն (ԱԴԾ), Ռուսաստան
Ըստ թեմայի
Ռուսաստանի ԱԴԾ-ն առնվազն երկու ահաբեկչություն է կանխել
Ինչպես են Ռուսաստանում կանխել ահաբեկչությունը. ձերբակալման կադրերը հայտնվել են համացանցում
Ռուսաստանի մի շարք քաղաքներում ահաբեկչական խմբավորումներ են վնասազերծվել
Արմեն Սարգսյան

«Դու պետք է կարողանաս նույնիսկ թշնամիներին մոտ լինել կամ մոտիկից իմանաս». Արմեն Սարգսյան

0
ՀՀ նախագահի խոսքով`մենք պարտություն ենք կրել ոչ միայն ռազմի դաշտում, այլ նաև դիվանագիտական, հանրային կարծիքի, տեղեկատվական դաշտերում և բազմաթիվ այլ պարտություններ, որոնցից պետք է համապատասխան հետևություններ անենք։

ԵՐԵՎԱՆ, 25 նոյեմբերի - Sputnik. ՀՀ նախագահ Արմեն Սարգսյանը Հայաստանի Հանրային հեռուստաընկերությանը տված հարցազրույցում ասել է, որ Հայաստանի արտաքին քաղաքականությունը պետք է շատ հստակ ուղղվածություններ ունենա, որոնք կորոշվեն ազգային և պետական շահերից: 

Նրա խոսքով`կարևոր է, որ Հայաստանը հարաբերություններ ունենա Ինդոնեզիայի, Մալայզիայի կամ Վիետնամի հետ, որովհետև նրանք ՄԱԿ-ի անդամներ են:

«Սակայն ինչպե՞ս ենք բացատրում այն, որ այսօր դիվանագիտական հարաբերություններ չունենք մեր տարածաշրջանի, ինչպես նաև իսլամական աշխարհի ամենաազդեցիկ երկրներից մեկի՝ Սաուդյան Արաբիայի հետ: Հարաբերություններ չունենք նույն տարածաշրջանի ամենակարևոր երկրներից մեկի՝ Պակիստանի հետ: Բացատրությունը, թե եթե Պակիստանի հետ հարաբերություններ ունենանք, ապա Հնդկաստանը կնեղանա, մանկամիտ է և միամիտ: Մենք մոտ հարաբերություններ ունենք Միացյալ Նահանգների և Իրանի հետ, և նման օրինակները շատ են: Սա է հենց բուն դիվանագիտության իմաստը, որ դու պետք է կարողանաս փոխված բանաձևով քո բոլոր հակառակորդներին, նույնիսկ թշնամիներին մոտ լինես կամ մոտիկից իմանաս, բայց քո բարեկամների հետ պետք է շատ մոտ լինես»,–ասել է նա:

Սարգսյանի խոսքով`պահի թելադրանքն է ակտիվ դիվանագիտություն վարել արաբական աշխարհում, իսլամական աշխարհում, որի դերը բարձրանում է: Նախագահը նշում է, որ Հորդանանը շատ կարևոր դեր ունի Հայաստանի դիվանագիտության համար: Այն փոքր է, բայց հսկայական ազդեցություն ունի և՛ երկիրը, և՛ թագավորական ընտանիքը:

«Ես չէի ցանկանա այսօր Ձեզ հետ քննարկել ընդհանրապես մեր դիվանագիտական բացթողումները, հաջողությունները, հաղթանակները կամ դիվանագիտական պարտությունները: Ասել եմ արդեն, որ մենք պարտություն ենք կրել ոչ միայն ռազմի դաշտում, այլ նաև դիվանագիտական, հանրային կարծիքի, տեղեկատվական դաշտերում և բազմաթիվ այլ պարտություններ, որոնցից պետք է համապատասխան հետևություններ անենք»,–ասել է նախագահը:

0
թեգերը:
Արմեն Սարգսյան, Հայաստան