«Այո, սա հայկական է». ինչպե՞ս է զարգանում հայկական նորաձևությունը. պատմում են մասնագետները

345
(Թարմացված է 10:34 21.06.2019)
«Նորաձևության և դիզայնի պալատ» ՀԿ–ի հիմնադիր, ծրագրերի ղեկավար Էլեն Մանուկյանը և «5concept» հայ դիզայներների art-տնօրեն Իրինա Վանյանը Sputnik Արմենիայի «Տետ–ա–Տետ» հաղորդման եթերում խոսում են «Fashion Forum Yerevan 2019» նպատակների և հայկական նորաձևության մարտահրավերների մասին

Հունիսի 25-29-ը Երևանում կանցկացվի նորաձևության ոլորտում իրականացվող ամենամասշտաբային միջոցառումներից մեկը՝ արդեն ավանդույթ դարձած ամենամյա «Fashion Forum Yerevan 2019»-ը:

Մանուկյանի խոսքով՝ «Նորաձևության և դիզայնի պալատ» ՀԿ-ն որպես կառույց ստեղծվել է հենց դիզայներների պահանջից ելնելով։ Երեք տարի է, ինչ գործում է կառույցը և ստեղծվել է մի խումբ դիզայներների համախմբման շնորհիվ, երբ փորձել են միասին ներկայացնել հայկական նորաձևությունը արտերկրում։

«Առաջին անգամ Կիևում` Mercedes-Benz Fashion Week  շրջանակում, հայ 11 դիզայներներ հնարավորություն ունեցան իրենց աշխատանքները ներկայացնելու, որից հետո համագործակցության, միմյանց հետ շփման և հետագա կապը հաղորդակցությունն ապահովելու շնորհիվ առաջացավ այս կառույցը։ Քանի որ մեր երկրում չկար մի կառույց, որը կհամախմբեր դիզայներներին և կներկայացներ նրանց պահանջները, կարիքները, կփորձեր ինչ-որ կերպ խթանել ոլորտի զարգացումը։ Նախորդ տարի՝ 2018 թվականին, բազմաթիվ ծրագրեր իրականացրինք, փորձեցինք ֆինանսավորում գտնել և մեզ հաջողվեց։ Եվրամիության «SMEDA» ծրագրի շնորհիվ բավական մեծ ուսուցողական, վերապատրաստման փորձի փոխանակման ծրագրեր իրականացրինք արտերկրում»,-ասում է Էլեն Մանուկյանը։

Նա նշում է, որ վերջին հինգ տարիներին ոլորտը նոր սկսում է զարգանալ, շատ երիտասարդ դիզայներներ են ի հայտ գալիս, և նաև դրսի փորձը վերցնելու անհրաժեշտություն է առաջանում, որովհետև առանց դրա դժվար կլինի դուրս գալ և տարբեր երկրներում ներկայացնել հայկական նորաձևությունը։ 

Ըստ դիզայների՝ կառույցի նպատակը նաև այն է, որ փորձի փոխանակման հարթակ ստեղծվի, միջազգային փորձագետներին հրավիրվեն, աջակցեն հայ դիզայներներին դրսում տարբեր միջոցառումների մասնակցելու համար և քիչ-քիչ համաշխարհային մասշտաբով ներկայացնեն նաև հայ դիզայներներին։ 

«5concept»-ի art-տնօրեն Իրինա Վանյանը նշում է, որ հայ նորաձևությունն այսօր երկու ուղղություն ունի․ մեկը գնում է դեպի համաշխարհային, մյուսը դեպի ավելի ազգային։

«Դրանց միաձուլումը շատ հետաքրքիր գաղափար է ստեղծում, հենց հայկական Fashion։ Եվ ինչպես վրացիներն են ստեղծել և համաշխարհային հարթակներում իրենց գիտեն որպես Georgian Designers, ճանաչված են և ունեն իրենց ձեռագիրը, ես մեծ հույսեր ունեմ, որ հայկական Fashion-ը նույնպես կլինի ճանաչված և մարդիկ, երբ տեսնեն, շոշափեն հագուստը, զգան, կասեն, այո, սա հայկական է։ Դա կարող է լինել անընդհատ աշխատելով և մրցակցությունից չվախենալով»,-ասում է Վանյանը։ 

Իրինա Վանյանի խոսքով՝ հագուստը կարող է ընդհանրապես կապ չունենալ ազգայինի հետ, բայց ունենա շատ փոքր դետալներ, որոնք ցույց են տալիս իր հայկական լինելը։ 

Խոսելով վարչապետի տիկնոջ` Աննա Հակոբյանի հագուստի մասին՝ դիզայները նշեց, որ դա մեծ պատիվ է։ «Եթե ցանկացած երկրի վարչապետն ու առաջին տիկինը օգտվում են իրենց երկրի արտադրությունից, դիզայներներից, դա մեծ ձեռքբերում է և այս դեպքում էլ այն ունեցավ իր արդյունքը»,-ընդգծեց մասնագետը։ 

Ըստ դիզայներների՝ հունիսի 25-29-ը Երևանում կայանալիք ֆորումի նպատակը հենց միջազգային փորձը ուսումնասիրելն է, կապեր ստեղծելը, քանի որ 15 միջազգային փորձագետներ են մասնակցելու, ներկայացվելու է արտերկրի փորձը, ներկայացվելու են նաև հայ դիզայներները։  

Հունիսի 25-29-ը Երևանում կանցկացվի նորաձևության ոլորտում իրականացվող ամենամասշտաբային միջոցառումներից մեկը՝ արդեն ավանդույթ դարձած ամենամյա «Fashion Forum Yerevan 2019»-ը՝ նորաձևության ոլորտի զարգացման և առաջմղման գեղեցիկ առաքելությամբ:

«Fashion Forum Yerevan 2019»-ը Հայաստանում նորաձևության ոլորտի զարգացմանն ու հայկական մշակույթի ներկայացմանն ուղղված մի շարք կրթական և մշակութային միջոցառումների հարթակ է: 

345
թեգերը:
դիզայներ, Կին, հայ, նորաձևություն, Հայաստան
թեմա:
ՏԵՏ-Ա-ՏԵՏ (93)
Ըստ թեմայի
Թարս էր հագել. նորաձևությանը հետևողները Քեյթ Միդլթոնին թափթփվածության մեջ են մեղադրել
«Մտածելով հագուստ գնեք». Գալյանը` աստղերի «կապրիզների» և ժամանակակից նորաձևության մասին
Ինչպես է սովետական հին ավտոբուսը դառնում հյուրանոց. հայաստանյան հանգստի նորաձևությունը

Ինչպես են Լևոն Սարգսյանին` «Ալրաղացի Լյովիկին», տեղափոխել Հայաստան. տեսանյութ

70
(Թարմացված է 16:25 07.08.2020)
Ոստիկանության հրապարակած տեսանյութում երևում է իրավապահների ուղեկցությամբ քայլող նախկին պատգամավորը, որի ձեռքերին ձեռնաշղթա է անցկացված։

Օգոստոսի 6-ին Քրեական ոստիկանության գլխավոր վարչության ծառայողների ուղեկցությամբ Մոսկվա-Երևան չվերթով Հայաստան է տեղափոխվել Ազգային ժողովի նախկին պատգամավոր, 52-ամյա Լևոն Սարգսյանը։ ՀՀ ոստիկանությունը հրապարակել է նրա տեղափոխման կադրերը։

Լևոն Սարգսյանը 2018 թվականի հոկտեմբերի 1-ից ՀՀ իրավապահների կողմից հետախուզվում էր հանցավոր համագործակցություն ստեղծելու կամ հանցավոր համագործակցությանը մասնակցելու և կազմակերպված խմբի կողմից առանձնապես խոշոր չափերով գույք հափշտակելու նպատակով ավազակության մեղադրանքով, խափանման միջոցը՝ կալանք:

Հիշեցնենք` Քրեական ոստիկանության գլխավոր վարչության, Ռուսաստանում Հայաստանի ոստիկանության ներկայացուցչության և ՌԴ ՆԳՆ համապատասխան ստորաբաժանումների համատեղ իրականացրած լայնածավալ օպերատիվ-որոնողական աշխատանքների արդյունքում Լևոն Սարգսյանը 2019 թվականի նոյեմբերի 21-ին Մոսկվայի մարզի Զելենոգրադ քաղաքում հայտնաբերվել և ձերբակալվել էր։

ՌԴ գլխավոր դատախազությունը բավարարել էր ՀՀ գլխավոր դատախազության միջնորդությունը նրան Հայաստան արտահանձնելու վերաբերյալ։ Լևոն Սարգսյանը ներկայացվել է ԱԱԾ քննչական դեպարտամենտ։

Լևոն Սարգսյանը` «Ալրաղացի Լյովիկը», ՌԴ քաղաքացի չէ. ԱԱԾ

70
թեգերը:
Ոստիկանություն, Լևոն Սարգսյան (Ալրաղացի Լյովիկ), Հայաստան
Ըստ թեմայի
Ինչը կարող էր ստիպել Արթուր Մեսչյանին հրաժարվել պաշտոնից. Մինասյանի տեսակետը
Հայկ Մհրյանն ազատվել է պաշտոնից ու ծառայությունից
Ինչո՞ւ է ձերբակալվել Ռոբերտ Նազարյանը. գործում Սերժ Սարգսյանի փեսայի անունն է հոլովվում

Ինչպես է «Զվարթնոցն» ուղևորներին պաշտպանելու կորոնավիրուսից

131
(Թարմացված է 15:23 07.08.2020)
Ջեմաչափման համար «խելացի» սաղավարտներ, ուղեբեռների և ձեռքի բեռների անվտանգ ախտահանում և այլն. երևանյան օդանավակայանը պատրաստ է ուղևորներ ընդունել։

Համավարակի հետևանքով տարեկան 3 միլիոն ուղևորաշրջանառություն ունեցող «Զվարթնոց» օդանավակայանի ուղևորահոսքը կրճատվեց 98 տոկոսով։ Հաշվի առնելով այն իրականությունը, որ աշխարհն ու մարդկությունը դեռ ստիպված են լինելու որոշ ժաամանակ էլ «ապրել կորոնավիրուսի հետ», օդանավակայանը ուղևորների անվտանգությունն ապահովող նոր ու ժամանակակից միջոցներ է ձեռնարկել։ «Զվարթնոցի» մամուլի ծառայությունից հայտնում են, որ օդանավակայանն արդեն պատրաստ է ուղևորներին ընդունել։

Ժամանակակից լուծումներն օգտագործելով՝ օդանավակայանի աշխատակիցները կպայքարեն համավարակի դեմ։ «Զվարթնոց» օդանավակայանի մամուլի ծառայությունը հաղորդագրություն և կից տեսանյութ է տարածել՝ պատմելով, թե ինչ միջոցներ են ձեռնարկվել օդանավակայանում ուղևորներին համավարակից հեռու պահելու նպատակով։

«Մինչև կյանքի բնականոն հունին անցնելը մենք ստանձնեցինք ապահովել ոչ միայն ուղևորների անվտանգ թռիչքները, այլ նաև ապահովել բոլոր անհրաժեշտ պայմանները՝ կորոնավիրուսից վերջիններիս պաշտպանելու համար»,- նշված է հաղորդագրության մեջ։

ՌԴ–ն կբացի ԵԱՏՄ երկրների հետ օդային սահմանը, բայց համաճարակաբանական վիճակը հաշվի առնելով

Ուղևորներին պաշտպանելու նպատակով ավիացիոն անվտանգության աշխատակիցները շրջիկ ծառայության ընթացքում ժամանակակից «խելացի» սաղավարտներով հեռահար ձևով կջերմաչափեն ուղևորներին։ Հատուկ անվտանգ կերպով կախտահանվեն նաև ուղեբեռներն ու ձեռքի իրերը, իսկ օդանավակայանում փակցված հատուկ գծանշանների ու ցուցանակների, տեղադրված պաշտպանիչ բաժանարարների շնորհիվ կապահովվի ինչպես ուղևորների, այնպես էլ օդանավակայանի աշխատակիցների միջև անհրաժեշտ սոցիալական հեռավորությունը։ Օդանավակայանի տարբեր հատվածներում տեղադրված են նաև ձեռքերի ախտահանման համար հատուկ հեղուկներ:

«Մենք պատրաստ ենք դիմակայել համաճարակի բոլոր դժվարություններին և վստահ ենք, որ այն կհաղթենք միասնական ուժերով: Մեր և եր ճանապարհորդություններրը դեռ նոր են սկվում, իսկ կյանքի գեղեցիկ պահերը դեռ առջևում են»,- եզրափակվում է հաղորդագրությունը։

Հիշեցնենք՝ աշխարհում տարածված կորոնավիրուսի համավարակի հետևանքով տարբեր երկրներ փակեցին օդային ու ցամաքային սահմանները, հազարավոր թռիչքներ դադարեցվեցին։

Հայաստանը դադարեցնում է ցամաքային և օդային հաղորդակցությունը Ռուսաստանի հետ

131
թեգերը:
կորոնավիրուս, «Զվարթնոց» օդանավակայան
թեմա:
Կորոնավիրուսը Հայաստանում և Արցախում
Ըստ թեմայի
Իտալիայից ժամանածները բողոքում են, որ «Զվարթնոցում» ամենախիստ հսկողությունն է իրականացվում
«Զվարթնոց» օդանավակայանը հորդորում է դիմակներն այս ու այն կողմ չնետել. լուսանկարներ
«Զվարթնոց» օդանավակայանում կվերսկսվեն կանոնավոր բեռնափոխադրումները
«Արմենիա Էյրվեյզ» ավիաընկերության ինքնաթիռ

«Արմենիա Էյրվեյզ» ավիաընկերությունը սկսում է Երևան–Թեհրան–Երևան թռիչքները

0
(Թարմացված է 19:28 07.08.2020)
Ուղևորների փոխադրումը, ավիաընկերության հաղորդագրության համաձայն, կկատարվի համաձայն պարետատան ցուցումների։

ԵՐԵՎԱՆ, 7 օգոստոսի – Sputnik. Օգոստոսի 25-ից «Արմենիա Էյրվեյզ» ավիաընկերությունը սկսում է իր թռիչքները Երևան– Թեհրան–Երևան ուղղությամբ: Տեղեկությունը հայտնում է ավիաընկերության մամուլի ծառայությունը։

«Ուղևորների փոխադրումը կկատարվի համաձայն պարետատան ցուցումների»,– նշված է հաղորդագրության մեջ։

Հիշեցնենք` մարտի 16-ից Հայաստանում արտակարգ դրություն է հայտարարվել, որը երկարացվել է մի քանի անգամ։ 

Օգոստոսի 5–ին ՀՀ փոխվարչապետ Տիգրան Ավինյանը հայտնեց, որ օգոստոսի 12-ին ավարտվող արտակարգ դրությունը կերկարաձգվի ևս մեկ ամսով, բայց սա վերջին երկարաձգումը կլինի։

Եկատերինբուրգ-Երևան չարտերային չվերթ կկայանա. դեսպանատունը մանրամասներ է հայտնում

0
թեգերը:
չվերթ, Թեհրան, Իրանի Իսլամական Հանրապետություն, Հայաստան
Ըստ թեմայի
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»
Կես տարվա արտակարգ կյանք Հայաստանում. դրությունը պահպանվում է, փոխվում են կանոնները
Արտակարգ դրությունը որ գործարարների գրպանին է ավելի շատ հարվածել, և որոնք սոված չեն նստել