Ինչպես են Սուրբ Հարության տաճարի միաբանները մաքրում Տիրոջ գերեզմանի տարածքը. տեսանյութ

90
Ամեն ուրբաթ հայերը, հույները և կաթոլիկները հերթով մաքրում են Երուսաղեմում տիրոջ գերեզմանի շուրջը։ Այս ուրբաթ հերթը հայերինն է։

 Այս ուրբաթ հայերը` Սուրբ Հարության տաճարի միաբանները, մաքրել են Երուսաղեմում Տիրոջ գերեզմանի շուրջը, տաճարի տարածքը։ Ողջ գործընթացը նկարահանել ու YouTube–ի իր էջում է տեղադրել Ղևոնդ վարդապետը։

«Ամեն ուրբաթ հայերը, հույները և կաթոլիկները` հերթականությամբ մաքրում են Երուսաղեմում տիրոջ գերեզմանի շուրջը։ Այս ուրբաթ հերթը հայերինն է` Սուրբ Հարության տաճարի միաբաններինը»,–ասում է Ղևոնդ վարդապետը։

SPUTNIK ԱՐՄԵՆԻԱՆ  ՊԱՏՄՈՒՄ Է ԻՍՐԱՅԵԼՈՒՄ ԱՊՐՈՂ ՀԱՅԵՐԻ ՄԱՍԻՆ
© Sputnik / Լաուրա Սարգսյան, Կարեն Եփրեմյան

Ուշագրավ է այն հանգամանքը, որ տեսանկարահանման միջոցով հնարավորություն է ընձեռնվում ոչ միայն հետևել, թե ինչպես են մաքրում տաճարի ու գերեզմանի տարածքը, այլ նաև տաճարում յուրաքանչյուր անկյունի դետալներին մոտիկից ծանոթանալ։

Ղևոնդ վարդապետը հայտնում է նաև, որ Սուրբ Հարության տաճարի միաբանները Facebook սոցիալական կայքում էջ են բացել, որտեղից կարող ենք ուղիղ եթերով հետևել տաճարում կատարվող արարողություններին և պատարագներին։

 

90
թեգերը:
Հայ Առաքելական Եկեղեցի, Իսրայել, հայ

sys_stories