Ոստիկանները Երևանում թրաֆիքինգի դեպք են բացահայտել։ Այս մասին հայտնում են ոստիկանության լրատվության ծառայությունից։
Հրազդանում ձերբակալել են «Ճռո Ռաֆոյի» որդուն
«Ոստիկանության կազմակերպված հանցավորության դեմ պայքարի վարչությունում տվյալներ են ստացվել, որ Երևանում բնակվող 43-ամյա մի տղամարդ ու 49-ամյա մի կին մայրաքաղաքի կենտրոնում կազմակերպում են փողոցային մանր առևտրով զբաղվող անձանց դրամահավաքի աշխատանքներ։ Տղամարդն ու կինը բռնություն գործադրելով կամ գործադրելու սպառնալիքով վերցնում են առևտրով վաստակած գումարի մի մասը՝ վերջիններիս ենթարկելով շահագործման»,–նշված է ոստիկանության հայտարարության մեջ։
Ու՞մ կտուգանեն քարսիթի բացակայության համար. երեխաների փոխադրման կանոններն ուժի մեջ են մտել
Պարզվել է, որ տղամարդն ու կինը 2016-2019 թվականների ընթացքում մուրացկանությամբ և փողոցային մանր առևտրով զբաղվող մի խումբ անձանց շահագործել են՝ նրանց կյանքի և առողջության համար ոչ վտանգավոր բռնություն գործադրելով կամ գործադրելու սպառնալիքով։ Բացի այդ, նրանցից մեկին հարկադրել են մուրացկանությամբ զբաղվել։ Կինը և տղամարդը ամեն օր վերցրել են այդ անձանց վաստակած ողջ գումարը կամ գումարի մի մասը։
Դեպքի առթիվ ոստիկանությունում քրեական գործ է հարուցվել` մարդուն թրաֆիքինգի ենթարկելու հատկանիշներով։
Հանգամանքները պարզվում են։
