«Կենդանաբանական այգու տնօրենը հարվածում է մեր երկրի վարկանիշին». Արտյոմ Վարդանյան

491
(Թարմացված է 18:34 14.05.2019)
Ձորաղբյուրում գտնվող «Ջամբո» էկզոտիկ այգու հիմնադիր Արտյոմ Վարդանյանը Sputnik Արմենիայի «Մութ անկյուն» հաղորդման շրջանակում անդրադարձել է Երևանի կենդանաբանական այգու կենդանիների սատկելու դեպքերին, այգու տնօրեն Ռուբեն Խաչատրյանի գործունեության հետ կապված բողոքներին, այգուն առնչվող կոռուպցիոն ռիսկերին ու որոշ կենդանիների ձեռքբերման ու վաճառքի մութ պատմություններին:

Արտյոմ Վարդանյանն իր համախոհների հետ պայքարելու է, որպեսզի կասեցվեն այգում տիրող անընդունելի երևույթները:

Ի դեպ, 2018-ին սատկել են այգու զեբրը, գորշ արջը, կոկորդիլոսը, բեզոարյան այծը, վագրերից մեկը:

«Ինձ ցավ է պատճառում նաև այն հանգամանքը, որ պարոն Խաչատրյանն ի լուր աշխարհի հայտնում է, թե Հայաստանը համարվում է կենդանիների անօրինական առուվաճառքի երկիր: Նա դրանով իսկ մեծապես հարվածում է մեր երկրի վարկանիշին, թեև մեզ մոտ կենդանիների մաքսանենգության որևէ դեպք չի ապացուցվել»,- ասում է Վարդանյանը:

Հիշեցնենք, որ մի խումբ մարդիկ 4 ամիս առաջ դիմել էին ոստիկանություն՝ այգու ներկա տնօրենի դեմ 13 կետից (գայլերի թունավորում, առյուծների սպանություն) բաղկացած բողոքով: Գործն արդեն քննչական մարմնի վարույթում է:

491
թեմա:
Sputnik զրույց (226)
Ըստ թեմայի
Հովհաննիսյան․ «Կենդանաբանական այգում էլի կան առողջական խնդիրներ ունեցող կենդանիներ»
Բողոքի ակցիայի մասնակիցները չցանկացան լսել կենդանաբանական այգու աշխատակցին
Հրապարակվել է Երևանի կենդանաբանական այգու կապիկների և թռչունների ազատավանդակների կոնցեպտը
Ի՞նչ է կատարվում կենդանաբանական այգում. ամուրյան վագրի մոտ գոյացություն է հայտնաբերվել
«Ռուբեն, հեռացիր». Կենդանաբանական այգու նախկին աշխատակիցները կրկին բողոքի են դուրս եկել
Երևանի կենդանաբանական այգու վագրերից մեկը սատկել է

«Առանց Նիկոլ Հայաստան». Երևանում բողոքի ավտոերթ էր. տեսանյութ

362
(Թարմացված է 16:37 24.01.2021)
Հանրապետության հրապարակ են բերվել մեծաքանակ ոստիկանական ուժեր։ Մի շարք վարորդների նկատմամբ արձանագրություն կազմվեց` ազդանշան միացնելու համար։

ԵՐԵՎԱՆ, 24 հունվարի – Sputnik. ՀՀ վարչապետ Նիկոլ Փաշինյանի հրաժարականը պահանջող քաղաքացիներն այսօր բողոքի ավտոերթ են իրականացնում Երևանում։ Ավտոմեքենաների ապակիներին փակցված է «Նիկոլ Դավաճան», «Նիկոլ, հեռացիր» գրառումները, իսկ մեքենաներից դուրս հայոց եռագույնն է։

Автопробег с требованием отставки правительства во главе с Николом Пашиняном (24 января 2021). Еревaн
© Sputnik / Andranik Ghazaryan
Ավտոերթ Երևանում

Մի շարք փողոցներով պտտվելուց հետո երթի մասնակիցները Ամիրյանով փորձեցին մտնել Հանրապետության հրապարակ։ Սակայն այստեղ ոստիկանությունը արգելեց նրանց հրապարակում մեքենաներով պտույտ գործել։

Ավտոարշավի մասնակիցները փորձեցին ոստիկաններից ճշտել` ինչու են իրենց արգելում մտնել հրապարակ և ինչու խոչընդոտում երթի իրականացմանը։

«Արձանագրենք, որ ոստիկանությունն առանց հիմքի սահմանափակում է մեր ազատ տեղաշարժվելու իրավունքը»,–ասաց ակցիայի մասնակիցներից մեկը։ 

«Հիմք կա,–պատասխանեց Երևանի փոխոստիկանապետը` նշելով, որ խաթարում են այլոց իրավունքները։  Բանակցություններից հետո ոստիկանությունը բացեց ճանապարհը, և երթի մասնակիցները պտտվեցին Հանրապետության հրապարակով։

Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին

Մի շարք վարորդների նկատմամբ արձանագրություն կազմվեց` ազդանշան միացնելու համար։

Նշենք, որ Հանրապետության հրապարակ են բերվել մեծաքանակ ոստիկանական ուժեր։

362
թեգերը:
Հրաժարական, ՀՀ Ոստիկանություն, Երևան, ավտոարշավ, Նիկոլ Փաշինյան
Ըստ թեմայի
Փաշինյանը պատասխանեց հարցին` ինչո՞ւ ՀԱՊԿ–ին չի դիմել պատերազմի ժամանակ
«Հերիք է ասեք Շուռնուխ». Փաշինյանը չասաց` Տիգրանաշենին սպառնո՞ւմ է Շուռնուխի ճակատագիրը
Փաշինյանի ու Հարությունյանի գլխավորությամբ ԱԽ խորհրդակցություն է տեղի ունեցել

Արման Ծառուկյանը UFC 257 մրցաշարում հաղթել է Մեթ Ֆրեվոլային. տեսանյութ

136
(Թարմացված է 13:23 24.01.2021)
Ծառուկյանը հաղթել է մրցավարների միաձայն որոշմամբ։ Սա նրա երրորդ անընդմեջ հաղթանակն է UFC-ում։

Ռուսաստանը ներկայացնող հայազգի մարտիկ Արման Ծառուկյանը UFC 257 մրցաշարում հաղթել է ամերիկացի Մեթ Ֆրեվոլային։ Տեղեկությունը հայտնում է Sport-Express-ը։

24-ամյա Ծառուկյանը հաղթել է մրցավարների միաձայն որոշմամբ։ Սա նրա երրորդ անընդմեջ հաղթանակն է UFC-ում։

Մինչ այդ հայտնի էր դարձել, որ հունվարի 24-ին Ծառուկյանը պետք է մենամարտեր Գերմանիան ներկայացնող Նասրատ Հակպարաստի հետ, սակայն այդ մենամարտը չեղարկվել էր։ Պատճառն այն է, որ Ծառուկյանը չի տեղավորվել հայտավորված միջին քաշային կարգում՝ 1,5 կգ ավելի քաշի պատճառով։ Իսկ Հակպարաստը չի ներկայացել պաշտոնական կշռմանը։ 

Մինչ այդ էլ նրա մրցակիցը պետք է լիներ Մարոկկոյի ներկայացուցիչ Օտման Այզատարը, սակայն նա հրաժարվել է մասնակցությունից։ Երրորդ հայտարարված մրցակիցն արդեն Մեթ Ֆրեվոլան էր, ում էլ հայազգի մարտիկը հաղթեց։

Նշենք, որ 24-ամյա Արման Ծառուկյանը խառը մենամարտերում անցկացրել է 18 մենամարտ, որոնցից 16-ում հաղթել է և պարտվել ընդամենը 2-ում։

UFC 257 մրցաշարի նախնական փուլում կայացել է ևս երեք մենամարտ: Ամերիկացի Բրեդ Տավարեշը միջին քաշային կարգում հաղթել է Անտոնիո Կարլոս Ջունիորին, ամերիկուհի Ջուլիաննա Պենյան թեթեւքաշային կարգում առավելության է հասել հայրենակից Սառա Մաքմենի նկատմամբ, լեհ Մարչին Պրախնոն էլ կիսածանր քաշային կարգում հաղթել է ամերիկացի Հալիլ Ռոունտրիին։ Մրցաշարի գլխավոր գոտեմարտում կմրցեն Քոնոր Մաքգրեգորը և Դասթին Պորյեն:

136
թեգերը:
հաղթանակ, բռնցքամարտ, Արման Ծառուկյան
Շուշիի սուրբ Ղազանչեցեց վանքը ռմբակոծությունից հետո

Արցախն Աստծունն է. ինչպես հայ ուսուցչին հաջողվեց փրկվել ադրբեջանական գերությունից

39
(Թարմացված է 21:59 24.01.2021)
«Կոմերսանտ» թերթը մեծ հոդված է հրապարակել ադրբեջանական գերությունից փրկված հայ ուսուցչի մասին, որի ազատման հարցում անմիջական առնչություն է ունեցել խմբագրությունը։

ԵՐԵՎԱՆ, 24 հունվարի – Sputnik. Ադրբեջանական գերության մեջ հայտնված Արթուր Ղազարյանը չի պատմել, թե ինչեր է ապրել այնտեղ` հավատարիմ մնալով քրիստոնեական պատվիրաններին, սակայն ադրբեջանցի զինվորների վերաբերմունքն իր նկատմամբ ավելի զուսպ է եղել, քան մնացած հայ գերիների նկատմամբ։

Արթուր Ղազարյանը ծնվել է Ստեփանակերտում, մեծացել ուսուցիչների ընտանիքում, դպրոցն ավարտել  գերազանցությամբ։  Ապա մեկնել է Մոսկվա, սովորել Լենինի անվան մանկավարժական ինստիտուտի մաթեմատիկայի բաժնում. ինստիտուտն ավարտելուց հետո մնացել է Մոսկվայում։ Կյանքի մեծ մասը նվիրել է մանկավարժությանը։ 2000-ականների սկզբից Ղազարյանը ծառայել է Մոսկվայի վանքերից մեկում, իսկ 2013 թվականի ամռանն իրագործել իր վաղեմի ցանկությունը` վերադարձել հայրենիք` Արցախ։ Նա ուսուցչություն է արել Վանք գյուղում, այնուհետև Լաչինի շրջանի գյուղերից մեկում, իսկ 2020 թվականի սեպտեմբերին Շուշիի քոլեջից հրավերք ստացել։ Շուշիում էր, երբ սկսվեց պատերազմը։

Շուշիի մյուս բնակիչների հետ մեկտեղ Ղազարյանը ծանր օրեր է ապրել ապաստարանում։ Քաղաքն աստիճանաբար դատարկվում էր, նրան էլ խոստացել էին Երևան տեղափոխել, բայց...

Ղազարյանի որդին` Ալեքսեյը, որը վերջին անգամ նոյեմբերի 5-ին էր հոր հետ խոսել հեռախոսով, լուրջ մտահոգվել էր ծնողից լուր չունենալով։ Ալեքսեյը դիմել էր «Կոմերսանտ» թերթին` խնդրելով օգնել գտնել հորը։ Տղային օգնելու համար խմբագրությունը «խառնել» էր Բաքվի իր կապերից։

Արթուր Ղազարյանը գիտեր` թշնամին գրեթե քաղաք է մտել։ Հասկանալով, որ անելանելի իրավիճակում է` արցախցի ուսուցիչը որոշում է դուրս գալ ապաստարանից և թաքնվել վանքում։ Ինչպես ինքն է ասում` եթե որևէ վատ բան պետք է պատահեր, թող դա տեղի ունենար եկեղեցում։ Թաքնված լինելով Ղազանչեցոց եկեղեցու մի մեկուսի անկյունում` նա մոտակայքում գտնվող դպրոցից ադրբեջանական երգի ձայներ էր լսում, դաշնամուր էին նվագում։  Տեսնում էր` ինչպես են զինվորականները մտնում եկեղեցի և հասկանում, որ շուտով իրեն էլ կհայտնաբերեն։ Որոշ  ժամանակ անց հայտնի դարձավ, որ հենց այդ գերիի մասին է հարցնում Ադրբեջանի «բարձր ղեկավարությունը»։

Ինչով են զբաղված ԱՀ իշխանությունները. Դավիթ Բաբայանը` գերիների և Արցախի կարգավիճակի մասին

Ղազարյանն իր աչքով տեսավ, թե ադրբեջանցիներն ինչպես են գերեվարում Շուշիի 83-ամյա Ջոնիկ Թևոսյանին` ծեր ու հիվանդ մարդու, ով 32 տարի առաջ սումգայիթյան ողբերգությունն էր վերապրել (տարեց տղամարդու խոշտանգման կադրերը ադրբեջանցիները տարածել էին համացանցում)։

Կային նաև այլ գերեվարված հայեր։ Նրանց կապկպած նկուղում էին պահում։ Ղազարյանը պատմում է, որ օրական կես թխվածքաբլիթ էր ուտում ու ավելորդ անգամ վախենում էր կարիքները հոգալու համար դիմել` չցանկանալով զայրացնել հսկողներին` գերիների նկատմամբ ագրեսիա չառաջացնելու համար։

Այո, նրան ևս ստիպում էին ասել, որ Արցախն Ադրբեջան է, բայց նա հեզությամբ ասում էր, որ Արցախը Աստծունն է, ինչպես և աշխարհի բոլոր երկրները` Ռուսաստանը, Կանադան, Ֆրանսիան... բոլոր երկրներն Աստծունն են։ Ղազարյանը բացատրում է, որ ադրբեջանցիները չէին կարող դա չընդունել, քանի որ Ղուրանում էլ այդպես է ասվում։

«Կոմերսանտին» տված հարցազրույցում Ղազարյանը պատմել է, թե ինչպես էին իրենց շարում հրապարակում, ադրբեջանցի զինվորների և սպաների առաջ և որոշ դասեր տալիս։ Նա չի մանրամասնել, թե կոնկրետ ինչեր են արել, բայց նշել է, որ գերիների նկատմամբ միշտ էլ անառողջ ու դաժան վերաբերմունք է լինում։

Նոյեմբերի վերջին Ղազարյանն արդեն Բաքվում էր, այնտեղ նրան մեկուսարանում են պահել մինչև հունվարի 9-ը։ Որոշ հասարակական գործիչներ ուսուցչին նույնիսկ Բաքվով զբոսանքի են տարել, նաև շատրվանների հրապարակի հայկական եկեղեցին են այցելել։

Դավիթ Բաբայանը գերիների հարցով դիմել է միջազգային կառույցներին

Այսօր Ղազարյանն արդեն Մոսկվայում է, իր ընտանիքի մոտ։ Գերությունից նրա փրկության պատմությունը զավեշտալի է. տանջանքներից և ստորացումներից հետո, մարդուն կարելի է նաև զբոսանքի տանել, երբ դա պահանջում է «բարձր ղեկավարությունը»` ցանկանալով ռուսական լուրջ  պարբերականի աչքին «բարեկիրթ» թվալ գերիների հետ շփման հարցում։ Իսկ խոշտանգումներով, սպանություններով,  անարգանքի ու պղծման տեսարաններով տեսանյութերը թող տարածվեն սոցցանցերում, զուտ պրոֆիլակտիկայի համար...

39
թեգերը:
Ուսուցիչ, Ղազանչեցոց եկեղեցի (Շուշի), Շուշի, Ռուսաստան, Ադրբեջան, ռազմագերի, գերի
Ըստ թեմայի
Դա կարող է Ալիևի պատվերը լինել. Կարապետյանը` Շուշիի վերաբերյալ Փաշինյանի ասածի մասին
Իրականում քանի՞ հայ է ապրել Շուշիում
«Մա՞մ, էլի ջոկողություն ես անո՞ւմ...». Շուշիում նույն օրը զոհված եղբայրների պատմությունը