Հայկական ռազմական ջոկատն այսուհետ գործելու է ինքնուրույն. Հովհաննիսյան

188
(Թարմացված է 17:04 29.04.2019)
Թուրքագետ, քուրդ–թրքական հակամարտության մասնագետ Կարեն Հովհաննիսյանը Sputnik Արմենիայի եթերում խոսում է այն մասին, թե ինչպես ու ինչի համար էին Ռոժավայի սիրիահայերը բանակային ջոկատ ստեղծում, ինչ նպատակներ են հետապնդում քրդերը, որոնք հսկում են այդ շրջանը։

«Բանն այն է, որ հենց այդ շրջաններում են պահպանվել փոքր, 150–200 մարդուց կազմված ջոկատները, որոնք նախկինում գործում էին «Իսլամական Պետության» ահաբեկչական ջախջախված ձևավորումների կազմում։ Հիմա դրանք գոյատևում են բացահայտորեն ավազակային հարձակումներով ինչպես քրկական, այնպես էլ հայկական բնակավայրերի վրա։


Ու եթե նախկինում սիրիահայերից կազմված զինված ձևավորումները գործում էին քրդական ռազմական ջոկատների կազմում` կռվելով բացառապես «Իսլամական Պետության» ահաբեկիչ գրոհայինների դեմ, ապա հիմա նրանք քրդերի հետ առանձին պայմանավորվածություն ունեն»,–ասում է Հովհաննիսյանը։
Նրա խոսքով` հայկական ռազմական ջոկատն այսուհետ գործելու է ինքնուրույն` պաշտպանելով հայկական բնակավայրերը գրոհային ջիհադականներից։

188
թեգերը:
Սիրիա, Հայաստան
թեմա:
Իրականում / Օրացույց (668)

ԱՄՆ-ում ոստիկանները մի քանի անգամ կրակել են Sputnik-ի պրոդյուսերի վրա

70
(Թարմացված է 20:43 02.06.2020)
Պրոդյուսերի խոսքով՝ ինքը մի քանի անգամ ասել է իրավապահ մարմինների աշխատակիցներին, որ լրագրող է, սակայն ոստիկանները շարունակել են կրակել:

ԱՄՆ-ում ոստիկանությունը միտումնավոր մի քանի անգամ ռետինե փամփուշտներով կրակել է Sputnik-ի պրոդյուսեր Նիկոլ Ռուսելին, որը լուսաբանում էր բողոքի ակցիաները Սպիտակ տան մոտ։ Ոստիկաններն իմացել են, որ նա մամուլի ներկայացուցիչ է։

«Սպիտակ տան մոտ էի, երբ ոստիկանությունը սկսեց կրակել ցուցարարների ուղղությամբ։ Մոտեցա, որ տեսագրեմ այդ ամենը, սկսեցին կրակել, ինձ թվաց՝ տրամվատիկ նռնակներով ու ռետինե փամփուշտներով։ Նրանք նաև մեր ուղղությամբ արցունքաբեր գազ էին կիրառում, այդ պատճառով բոլորս հազում էինք»,- ասել է Ռուսելը։

Պրոդյուսերի խոսքով՝ ինքը մի քանի անգամ ասել է իրավապահ մարմինների աշխատակիցներին, որ լրագրող է, բացի այդ՝ պարանոցին կախված է եղել նրա՝ լրագրող լինելը հավաստող քարտը։

«Երբ ասացի, որ մամուլի աշխատակից եմ սկսեցին ձայնալուսային նռնակներ նետել, դրանց հետքերը մնացել են փորիս ու ազդրիս վրա։ Մի քանի վայրկյան անց ինձ վրա կրակեցին, ենթադրում եմ՝ ռետինե փամփուշտ էր։ Կոճիս վերքը կապտել էր ու արնահոսում էր»,- ավելացրել է Ռուսելը։

Ինչու են Ռուսաստանին մեղադրում ԱՄՆ անկարգությունների մեջ. պարզաբանում է Կուբիշկինը

Դրանից հետո ոստիկանները կնոջը գետնին են տապալել։ Ցուցարարներից մեկն օգնել է նրան ոտքի կանգնել։

«Մյուս լրագրողներին էլ վերաբերվում էին մոտավորապես այնպես, ինչպես ցուցարարներին»,- ամփոփել է պրոդյուսերը։

Մայիսի 31-ին Մինեապոլիսի ոստիկանությունը նպատակաուղղված արցունքաբեր գազ է կիրառել VICE հեռուստաալիքի նկարահանող խմբի ու ՌԻԱ Նովոստիի թղթակից Միխայիլ Տուրգիևի ուղղությամբ․ նրանք լուսաբանում էին ԱՄՆ-ում տեղի ունեցող անկարգություններն արդեն բողոքի ակցիան ցրելուց հետո։

Մինեսոտայի նահանգապետ Թիմ Ուոլցը ներողություն է խնդրել հարձակման ենթարկված լրատվամիջոցների աշխատակիցներից։ «Ռոսիա սեգոդնյա» ՄՏԳ-ն իր հերթին պահանջել է ամերիկյան իշխանությունից քննել ռուս լրագրողի դեմ արցունքաբեր գազ կիրառած ոստիկանների գործողությունները։

«Իրականություն վերադարձեք». Զախարովան պատասխանել է ԱՄՆ նախագահի նախկին խորհրդականին

Հիշեցնենք` ամերիկյան քաղաքներում անկարգությունները սկսվեցին մայիսի 25-ից, երբ աֆրոամերիկացի Ջորջ Ֆլոյդը մահացավ ոստիկանական գործողությունների հետևանքով։

Զանգվածային անկարգությունների ֆոնին չորս ոստիկան ազատվել է աշխատանքից, ևս մեկը մեղադրվում է անզգուշությամբ մահ պատճառելու մեջ։ Մինեապոլիսում ու հարևան Սենթ Փոլում հանգստյան օրերին պարետաժամ է մտցվել։

70
թեգերը:
Բողոքի ակցիա, կրակոց, պրոդյուսեր, Ոստիկանություն, ԱՄՆ
Ըստ թեմայի
Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ
ԱՄՆ-ում սրճարանի հաճախորդը կրակել է՝ ի պատասխան դիմակ կրելու խնդրանքի
ԱՄՆ-ում սերֆերները սահել են նեոնային ալիքների վրայով. տեսանյութ
ԱՄՆ-ում սպանվել է գիտնականը, որը COVID-19-ի վերաբերյալ կարևոր բացահայտումների շեմին էր

Համացանցում են հայտնվել երկնքում վերալիցքավորվող ռուսական կործանիչների տպավորիչ կադրերը

77
(Թարմացված է 18:44 02.06.2020)
Ռուսական կործանիչների անձնակազմը վարպետորեն իրականացրել է թռիչքային պատրաստության տարրերից մեկը՝ օդում վառելիքի վերալիցքավորումը։

Կենտրոնական ռազմական շրջանի կործանիչները օդ են բարձրացել Չելյաբինսկի մարզի Շագոլ օդանավակայանից։

Ավելի քան 150 բարձրակարգ օդաչուներ մոտեցել են Իլ-78 օդային տանկերին, ընդ որում՝ 60 թռիչք իրականացվել է գիշերային ժամերին։

Օդաչուները թռիչքներ են իրականացրել Սու-34, ՄիԳ-31ԲՄ և Սու-24ՄՌ ինքնաթիռներով։

Օդում վերալիցքավորումը օդաչուների թռիչքային պատրաստության կարևորագույն բաղադրիչներից է։ Այն ենթադրում է 550-600 կմ/ժ արագությամբ թռիչքի ընթացքում մոտենալ լիցքավորողի կոնուսային տվիչին՝ պահպանելով ընդամենը 10-15 մետր հեռավորություն»:

Տոնական ավիացիոն շքերթ. Երևանի երկնքում Սու-30ՍՄ կործանիչներն էին և ոչ միայն. լուսանկարներ

77
թեգերը:
վառելիք, տեսանյութ, Սու-30ՍՄ կործանիչ, Ռուսաստան
Ըստ թեմայի
Մոսկվայում կործանիչներն ու ռմբակոծիչները պատրաստվում են Հաղթանակի օրվան․ տեսանյութ
ՍՈւ-30 ՍՄ կործանիչների անձնակազմերը սկսել են ինտենսիվ մարզումներն ու ուսումնական թռիչքները
Ռուսական կործանիչներն ամերիկյան հետախույզ-ինքնաթիռներ են բռնել․ ի՞նչ էին փնտրում նրանք
Սու-57-ի փորձարկումներն ավարտված են. երբ ՌԴ ռազմաօդային ուժերը կստանան առաջին կործանիչները
Стоп-кадр прямого эфира брифинга с участием премьер-министра Никола Пашиняна, вице-премьера Тиграна Авиняна и министра здравоохранения Арсена Торосяна (1 июня 2020). Еревaн

Կավասակիի սինդրոմ` կորոնավիրուսով հիվանդ 4 տարեկան երեխայի մոտ. Թորոսյանը մտահոգ է

0
(Թարմացված է 10:48 03.06.2020)
Արսեն Թորոսյանը կրկին շեշտել է, որ անհրաժեշտ է սահմանափակել բոլոր ոչ կենսական շփումները միմյանց հետ` վարակի փոխանցման շղթաները կոտրելու համար:

ԵՐԵՎԱՆ, 3 հունիսի — Sputnik. Դժբախտաբար, Հայաստանում արձանագրվել է Կավասակիի սինդրոմի դեպք 4 տարեկան երեխայի մոտ, որն ունեցել է անախտանիշ կորոնավիրուսային հիվանդություն: Facebook–ի իր էջում տեղեկությունը հայտնել է ՀՀ առողջապահության նախարար Արսեն Թորոսյանը։

«Վերջին շրջանում տարբեր երկրներում նկատվել էր Կավասակիի սինդրոմով երեխաների հիվանդացության աճ, որը որոշ հետազոտողներ կապում էին կորոնավիրուսային հիվանդության համաճարակի հետ: Կավասակիի սինդրոմի պատճառագիտությունը ամբողջությամբ հայտնի չէ, սակայն այն հիմնականում կապվում է վարակիչ հիվանդությունների դեպքում դրդվող աուտոիմունային պատասխանի հետ: Այն հիմնականում հանդիպում է մինչև 5 տարեկան երեխաների մոտ»,–գրել է Թորոսյանը:

Նախարարը նշել է, որ հաշվի առնելով միջազգային վիճակագրությունը, կանխավ պահեստավորել են հատուկ այդ սինդրոմի բուժման համար նախատեսված թանկարաժեք իմունոգլոբուլինային դեղորայք:

«Հուսամ` փոքրիկը արագ կապաքինվի, նրա վիճակը բժիշկները գնահատում են միջին ծանրության»,–հավելել է Թորոսյանը:

Թորոսյանը թե' մեծահասակներին, թե' փոքրերին կոչ է արել խստորեն հետևել հակահամաճարակային կանոններին, այս ընթացքում տուրք չտալ միմյանց հետ սերտ շփվելու գայթակղությանը, միշտ կրել դիմակ, հաճախ լվանալ կամ ախտահանել ձեռքերը:

Կորոնավիրուսի բուժման մեթոդները պետք է նույնականացնել. Արսեն Թորոսյան

Անհրաժեշտ է սահմանափակել բոլոր ոչ կենսական շփումները միմյանց հետ` վարակի փոխանցման շղթաները կոտրելու համար:

Հիշեցնենք` հունիսի 2–ի տվյալներով Հայաստանում կորոնավիրուսով վարակվել է 10 009 մարդ։

0