«Փողը կարևոր, բայց ոչ առաջնային գործոն պետք է լինի ուսուցչի աշխատանքում». Կյուրեղյան

1413
(Թարմացված է 14:45 18.04.2019)
Ուսուցիչներին պետք է «առողջ» պահենք, որպեսզի նրանց աշակերտներն էլ «առողջ լինեն։ «Պարադիգմա» կրթական հիմնադրամի ղեկավար, ուսուցիչների կրթության մասնագետ Հասմիկ Կյուրեղյանը Sputnik Արմենիայի «Տետ–ա–տետ» հաղորդման շրջանակում խոսում է ուսուցիչների և կրթական համակարգի խնդիրների մասին։

«Այսօր ուսուցիչն իրեն ընկալում է որպես կատարող, սակայն նա է ամեն օր շփվում աշակերտի հետ, և պետք է նորարարությունն առաջնորդող մասնագետն էլ հենց նա լինի»,– ասում է Հասմիկ Կյուրեղյանը։

Նրա խոսքով` Հայաստանում ուսուցչական մեծ ներուժ կա, և այդ ներուժը պետք է համախմբել՝ համագործակցային մշակույթ ստեղծելու համար, որն էլ կազդի նաև աշակերտների ուսումնառության որակի վրա:

«Կա հետազոտություն, երբ ուսուցիչը ներգրավում է համագործակցային մշակույթի մեջ, բարձրանում է նրա գոհունակությունն իր աշխատանքից և փոխադարձ համագործակցության որակը, որն անմիջականորեն ազդում է աշակերտների առաջադիմության վրա. այսինքն՝ համագործակցությունն ուսուցիչների շրջանում շատ կարևոր է»,- ասում է բանախոսը:

Ըստ Հասմիկ Կյուրեղյանի՝ խնդիրն այն է, որ նույնիսկ լավ մանկավարժական կրթության պարագայում ուսուցիչներն ամեն օր հանդիպում են այնպիսի մարտահրավերների, որոնք իրենք անհատապես ունակ չեն հաղթահարել: Պետք է լինի մասնագիտական համայնք, որը հնարավորություն կտա խոսել, փորձը փոխանակել:

«Այսօր ուսուցիչների միջև փոխադարձ վստահության պակաս կա: Այդ վստահությունը շատ կարևոր է, որովհետև դա նաև հոգեբանական և էմոցիոնալ ավելի առողջ դաշտ է տանում ուսուցչին», - ասում է Կյուրեղյանը:

Նրա խոսքով՝ Հայաստանում այս պահին առկա է շատ խառը կրթական համակարգ, և դա դժվարացնում է կրթական գործընթացը, քանի որ չկա հստակ հանրակրթության քաղաքականություն: «Լուծումները և պատասխանները պետք է համայնքում լինեն, որովհետև սովորող համայնքները իրենք պետք է տանեն այդ բարեփոխումները: Մենք անընդհատ ասում ենք, որ ուզում ենք աշակերտներ, որոնք անընդհատ մտածում են, քննադատաբար են մտածում, էմոցիոնալ կայուն են, հոգեբանորեն առողջ են։ Որպեսզի մենք նման աշակերտ ունենանք, մենք պետք է ունենանք նման ուսուցիչ: Ուսուցչին չպետք է ծանրաբեռնել ավելորդ ադմինիստրատիվ աշխատանքներով, նա պետք է ժամանակ ծախսի դասը պլանավորելու, յուրաքանչյուր աշակերտին ճանաչելու, անհատական մոտեցում դրսևորելու վրա»,- ընդգծում է մասնագետը:

Նա նաև մեջբերում է կրթության ոլորտի հայտնի հետազոտողներին՝ կարևորելով, որ եթե ուսուցիչը հոգեբանական, էմոցիոնալ դժվարություններ ունի, դա ազդում է աշակերտների վրա:

«Դրա համար մենք պետք է ձգտենք ուսուցիչներին «առողջ» պահել, որպեսզի նաև այն աշակերտները լինեն «առողջ», ում հետ նրանք աշխատում են»,- հստակեցնում է Հասմիկ Կյուրեղյանը:

Ինչ վերաբերում է աշխատավարձերի խնդրին, ըստ բանախոսի, փողը կարևոր, բայց ոչ առաջնային գործոն պետք է լինի ուսուցչի աշխատանքում, չէ՞ որ մասնագիտությունն ընտրելիս նրանք արդեն գիտեն ուսուցչի վարձատրության չափը:

1413
թեմա:
ՏԵՏ-Ա-ՏԵՏ (93)
Ըստ թեմայի
Ինչու է փակվել Լևոն Արոնյանի և Գաբրիել Սարգսյանի հիմնած շախմատի դպրոցը. թնջուկը բացվել է
Երևանում առաջին դասարանցիներն իրենց դպրոցը կընտրեն բացառապես էլեկտրոնային եղանակով
Ուսուցիչների աշխատավարձերը տարբեր երկրներում

Ոստիկանները «ասֆալտին են փռել» «դիմակային ռեժիմը» խախտողին․ Փաշինյանն արձագանքել է

271
(Թարմացված է 14:32 05.06.2020)
Տեսանյութում երևում է, թե ինչպես են 5-6 ոստիկաններ ուժ կիրառում տղամարդու նկատմամբ, ձեռնաշղթաներ հագցնում նրան։ Տղամարդը ցավից գոռում է։

Քիչ առաջ Երևանի այգիներից մեկում ոստիկանները ուժ են կիրառել դիմակ չունեցող քաղաքացու նկատմամբ։ Ոստիկանական գործողությունների տեսանյութը հրապարակել է Facebook-յան օգտատեր Մանուել Մանուկյանը։

«Դիմակ չունենալու համար ոստիկանները ստորացնում են ՀՀ քաղաքացուն։ Ժողովուրդ ոտքի կանգնեք, սա արդեն անթույլատրելի է, սա ստորություն է, սա կլանիզմից անցնում է։ Տեսեք ինչպես է ոտքը դնում մարդու պարանոցին։ Այս քաղաքացու փոխարեն, կարող ենք լինել յուրաքանչյուրս, այն ինչ արեցին այս քաղաքացու հետ, նույնը կանեն մեզանից յուաքանչյուրի հետ, տեսանյութը հենց նոր է նկարահանվել։ Կոչ եմ անում բոլորիդ միավորվել։ Այս ոստիկանները հենց այս պահին պիտի պատասխանատվության ենթարկվեն»,– տեսանյութին կից գրել է օգտատերը։

Տեսանյութը համացանցում մեծ աղմուկ է բարձրացրել։ Ոստիկանների գործողություններին արձագանքել է ՀՀ վարչապետը։

Պաշտպանիչ դիմակներ կվաճառվեն հանրային վայրերում. որտեղից հնարավոր կլինի դրանք ձեռք բերել

«Ոստիկանությունը ուժային կառույց է, և սահմանված կանոնների նկատմամբ բացահայտ արհամարհանք ցույց տվողների նկատմամբ, օրենքով սահմանված կարգով կարող է և պե՛տք է ուժ կիրառի: Սա իմ պահանջն է ոստիկանությունից սա նաև հանրության պահանջն է ոստիկանությունից»,– գրել է վարչապետը։

Հիշեցնենք`ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Ներողություն եմ խնդրում բոլոր նրանցից, ում հասցեին որևէ թթու խոսք է հնչել. Փաշինյան

Հունիսի 4-ից, արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ կրելը պարտադիր է։ Հանրային բաց վայրերում դիմակ կարող են չկրել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

271
թեգերը:
Հայաստան, Արտակարգ դրություն, դիմակ, Բռնություն, Ոստիկանություն
թեմա:
Կորոնավիրուսը Հայաստանում և Արցախում

Պաշտպանիչ դիմակներ կվաճառվեն հանրային վայրերում. որտեղից հնարավոր կլինի դրանք ձեռք բերել

110
(Թարմացված է 16:09 05.06.2020)
Հայկական արտադրության դիմակները եռաշերտ են, վաճառվելու են 1 հատը 100 դրամ գնով, յուրաքանչյուր փաթեթի մեջ առկա է 2-ական դիմակ:

ԵՐԵՎԱՆ, 5 հունիսի – Sputnik. Տնտեսական մրցակցության պաշտպանության պետական հանձնաժողովի նախաձեռնությամբ «Տավուշ տեքստիլ» և «Արվենդինգ» ՍՊԸ-ների համագործակցության շնորհիվ այսուհետ քաղաքացիները կարող են պաշտպանիչ դիմակներ ձեռք բերել նաև հանրային վայրերում ինքնաշխատ տաղավարների միջոցով մատչելի գնով:

Торговый автомат
Դիմակներ ապարատում

Դրանք արդեն հասանելի են Երևանի մետրոպոլիտենի 7 կայարաններում, առաջիկայում հասանելի կլինեն նաև մայրաքաղաքի այլ հանրային վայրերում գտնվող թվով 50 ապարատների միջոցով: Հայկական արտադրության դիմակները եռաշերտ են, վաճառվելու են 1 հատը 100 դրամ գնով, յուրաքանչյուր փաթեթի մեջ առկա է 2-ական դիմակ:

«Մեր հորդորը և խնդրանքը բնակիչների մեծ հոսք ունեցող ընկերություններին` առևտրային կենտրոններին, բանկերին, նման ապարատներ տեղադրել, և արդյունքում մենք կունենանք քաղաքացիների համար շատ ավելի մատչելի, հասանելի դիմակներ»,- նշել է հանձնաժողովի գլխավոր քարտուղարի տեղակալ Դավիթ Հովհաննիսյանը` հավելելով, որ հանձնաժողովն այս փուլում փորձում է համագործակցության եզրեր գտնել նաև այլ ընկերությունների հետ: Հանձնաժողովի ներկայացուցիչը նաև ընդգծել է, որ ընկերությունների կողմից առաջարկվող գինը մրցակցային է, մտահղացման հիմնական իմաստ այն է, որ մարդաշատ վայրերում քաղաքացիները կարողանան ձեռք բերել մատչելի դիմակներ:

«Արվենդինգ» ՍՊԸ-ի տնօրեն Հայկ Ալեքսանյանը տեղեկացրել է, որ յուրաքանչյուր սարքի մեջ տեղադրված է 10 տուփ, սակայն պահանջարկի դեպքում պատրաստ են ավելացնելու դարակների քանակը:

«Մենք ունենք մեծ ռեսուրսներ, եթե լինեն այլ վայրերում նման տաղավարներ տեղադրելու առաջարկներ, ապա մենք պատրաստ ենք համագործակցության»,- հավելել է նա:

«Տավուշ տեքստիլի» տնօրեն Միքայել Եզեկյանի խոսքով՝ ընկերությունն օրական արտադրում է շուրջ 300 000 հազար դիմակ և նպատակն է ապահովել որակյալ ու մատչելի արտադրանք վերջնական սպառողի համար, ուստի ոգևորությամբ են արձագանքել հանձնաժողովի նախաձեռնությանը:

Մետրոպոլիտենի տնօրենի ժամանակավոր պաշտոնակատար Գևորգ Ավետիսյանն իր հերթին ողջունել է նախաձեռնությունը` կարևորելով ուղևորների անվտանգ երթևեկության ապահովումը:

Маски в торговом аппарате
Դիմակներ ապարատում

Նշենք, որ Մոսկվայում մայիս ամսից, պաշտպանիչ  դիմակները վաճառվում են նաև հանրային վայրերում։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Վրաստանն իր օգնությունն է առաջարկել Հայաստանին կորոնավիրուսի դեմ պայքարում

Հունիսի 4-ից, արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ կրելը պարտադիր է։ Հանրային բաց վայրերում դիմակ կարող են չկրել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

110
թեգերը:
մետրո, դիմակ, Երևան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Տեմպերն աճում են․ աշխարհում COVID-19-ի ավելի քան 6,7 միլիոն դեպք է բացահայտվել
Հայաստանում կորոնավիրուսից ևս 7 մահ է արձանագրվել. նոր տվյալներ
Մեկ օրում գրանցվել է COVID-19-ի 596 դեպք. ՀՀ-ում ընդհանուր վարակվածների թիվը դարձավ 11 817
Արմեն Սարգսյանն ու Արսեն Թորոսյանը

Նախագահը պատրաստ է օգտագործել անձնական կապերը. Սարգսյանն ու Թորոսյանը հանդիպել են

5
(Թարմացված է 19:03 05.06.2020)
Արմեն Սարգսյանն ու Արսեն Թորոսյանը քննարկել են Հայաստանում կորոնավիրուսով պայմանավորված իրավիճակը։

ԵՐԵՎԱՆ, 5 հունիսի – Sputnik. ՀՀ նախագահ Արմեն Սարգսյանը պատրաստ է, օգտագործելով անձնական կապերը, այսուհետ ևս աջակցել համավարակի հետևանքների հաղթահարման գործում տարբեր երկրների և կառույցների հետ կապերի հաստատմանը և համագործակցությանը: Սարգսյանն իր պատրաստակամության մասին հայտնել է ՀՀ առողջապահության նախարար Արսեն Թորոսյանի հետ այսօր կայացած հանդիպման ժամանակ։

Սարգսյանն իր անհանգստությունն ու մտահոգությունն է հայտնել կորոնավիրուսի համավարակի հետևանքով ստեղծված իրավիճակի վերաբերյալ:

Նախագահի առաջարկով նախարարը տեղեկություններ և պարզաբանումներ է ներկայացրել կորոնավիրուսի համավարակի հաղթահարմանն ուղղված ռազմավարության, ինչպես նաև ձեռնարկվող քայլերի և առկա խնդիրների վերաբերյալ:
Թորոսյանը տեղեկացրել է հիվանդների բուժման և կազդուրման գործընթացի, առողջապահության ոլորտի խնդիրների, ինչպես նաև համակարգի առաջնահերթ կարիքների մասին:

ՀՀ–ում կորոնավիրուսով վարակված ավելի քան 1000 երեխա կա

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

5
թեգերը:
կորոնավիրուս, Արսեն Թորոսյան, Արմեն Սարգսյան, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ոստիկանությունում կորոնավիրուսով վարակվածների թիվը 100-ի է հասնում
ՀՀ–ում կորոնավիրուսով վարակված տարեցների խնամքը կկազմակերպվի մեկուսացված վայրում
Ինչո՞ւ կորոնավիրուսի տարածումը չկանխվեց. ՀՀ առողջապահության նախկին նախարարի կարծիքը