Պետական գնումների համակարգի փոփոխությունները. նոր հնարավորություններ բիզնեսի համար

721
(Թարմացված է 17:14 16.04.2019)
ՀՀ ֆինանսների նախարարության գնումների քաղաքականության վարչության պետ Սերգեյ Շահնազարյանը Sputnik Արմենիայի «Ինտերակտիվ» հաղորդաշարի շրջանակներում ներկայացրել է պետական գնումների համակարգում կատարվող փոփոխությունները, ինչպես նաև առաջիկա անելիքները՝ ուղղված գնումների ընթացակարգերին բիզնեսի հասանելիությունն ավելի մատչելի դարձնելուն:

Այսօր զգալի ակտիվություն է նկատվում պետական գնումների ոլորտում, նախորդ տարվա համեմատ աճել է էլեկտրոնային գնումներում մասնակիցների քանակը, եթե 2017 թվականի նույն ժամանակահատվածի համեմատ մասնակիցները 6000-ն էին, ապա 2018 թվականին ունենք 8500 ակտիվ մասնակից:

_ Վերջին փոփոխությունները պետական գնումների համակարգում տեղի էին ունեցել    2016-2017 թթ, իսկ այսօր ի՞նչ է առաջարկում Կառավարությունը և ի՞նչ հնարավորություն ունի բիզնեսը այս ոլորտում:

_ 2016-2017 թթ. Պետական գնումների համակարգում կատարվեցին որոշակի օրենսդրական փոփոխություններ, որի ուղղություններից մեկը ընթացակարգերի պարզեցումն էր, եթե նախկինում ունեինք յոթ ընթացակարգ, ապա օրենսդրական կարգավորումների շրջանակներում ընթացակարգերի քանակը կրճատվեց և սահմանվեց չորս ընթացակարգ: 2017 թվականին Կառավարության որոշմամբ սահմանվեց, որ մինչև  5 մլն դրամ գնումների կատարման ժամանակ սկսնակ և փոքր բիզնեսին հնարավորություն էր տրվում առանց որևէ որակավորման պահանջի բավարարման մասնակցել ընթացակարգերին: Այժմ քննարկվում է այդ շեմը սահմանել 10 մլն դրամ, այս քայլն ուղղված է  փոքր և սկսնակ բիզնեսի հասանելիությունը գնումների ընթացակարգին ավելի մատչելի դարձնելուն: Այս քայլը կնպաստի մրցակցության աստիճանի ավելացման և ՓՄՁ ոլորտի  փորձառության ավելացման: Իհարկե, կարող են լինել առանձնահատուկ գնումներ, որոնց դեպքում, այնուամենայնիվ, որակավորման չափանիշները կպահպանվեն, որտեղ սուբյեկտը պարտադիր պետք է ունենա որոշակի աշխատանքային ռեսուրսներ և բավարարի որոշակի տեխնիկական պահանջներին, որպեսզի կարողանա կատարել այդ գործարքները:

_ Առաջարկվող ենթաօրենսդրական կարգավորումներով ի՞նչ փոփոխություններ են նախատեսվում, որոնք կնպաստեն պետական գնումներում մասնակցության քանակի և մրցակցության ավելացմանը:

_ Առաջարկվող փոփոխություններով նախատեսվում է նաև ժամկետանց հարկային պարտավորություն ունեցող տնտեսավարող սուբյեկտներին ընձեռել գործընթացից դուրս չմնալու հնարավորություն` վճարելով պարտքերը: Այս առումով նախագծում հետևյալ կարգավորումն է նախատեսված. այն դեպքում, եթե կպարզվի, որ  տնտեսվարող սուբյեկտը ունի հարկային մարմնի կողմից վերահսկվող եկամուտների գծով իր գնային առաջարկի 1 տոկոսից ավել ժամկետանց պարտավորություն, ապա պատվիրատուն տվյալ տնտեսվարող սուբյեկտին հնարավորություն կտա 3 աշխատանքային օրվա ընթացքում`վճարելով գումարը դուրս չմնալ ընթացակարգից:             

Նախատեսվող փոփոխությունները նաև հնարավորություն են տալիս վերացնել վարկային պարտավորություններ ունեցող կազմակերպությունների մասնակցության սահմանափակում: Գործող օրենսդրությամբ կա պայման, որի համաձայն կազմակերպության հայտը ներկայացնելու նախորդող տարվա ակտիվները ավելի պակաս չպետք է լինեն, քան իր պարտավորությունները, սա նշանակում է, որ եթե սուբյեկտը ունի վարկային պարտավորություն, ապա միշտ իր ակտիվները կարող են ավելի քիչ լինեն, քան պարտավորությունները: Այս պայմանի առկայությունը, միշտ խոչընդոտ է հանդիսացել մասնակցների համար, քանզի բիզնեսը սովորաբար վարկավորման մեթոդով է բիզնես գործունեություն իրականացնում, և որպեսզի ինքը համատեղ գործունեությամբ կարողանա  մասնակցել գործընթացներին, անհրաժեշտ է նոր օրենսդրական փոփոխությամբ հանել այս սահմանափակումը:

_ Արդո՞ք այս փոփոխությունները նախատեսում են դյուրացնել մասնակցության ընթացակարգերը, պակասեցնել անհրաժեշտ փաստաթղթերի քանակը:

_ Այսօրվա գործող ֆունկցիոնալ կառուցակարգը ուղղված է չծանրաբեռնել տնտեսվարող սուբյեկտներին ձևական փաստաթղթերով, եթե սուբյեկտը մտել է գործընթացի մեջ և բավարարում է  իրական պահանջներին, ապա տվյալ դեպքում ոչ մի խնդիր չի կարող առաջանալ: Մենք ունենք ռիսկերը նվազեցնելու գործիքակազմ, որով մենք փորձում ենք զսպել հնարավոր ռիսկերը, որ կարող են առաջանալ պայմանագրի կատարման փուլում: Պետական գնումների գործընթացի մրցույթին մասնակցող կողմը գործող և առաջիկայում ընդունվելիք օրենսդրությամբ պահանջում է տնտեսվարողից ներկայացնել ընդամենը 4-5 փաստաթուղթ, ինչը տվյալ դեպքում խնդիր չի կարող առաջացնել:

721

Ուժգին պայթյունի հետևանքով Բեյրութում մեծ վնասներ է կրել հայկական Սուրբ Գևորգ եկեղեցին

78
(Թարմացված է 00:13 05.08.2020)
Տեսանյութում երևում է, որ Եկեղեցու գույքը մեծամասամբ վնասվել է, նստարաններն ու ապակիները կոտրվել են։

Լիբանանի մայրաքաղաք Բեյրութի նավահանգստի շրջանում այսօր տեղի ունեցած ուժգին պայթյունի հետևանքով մեծ վնասներ է կրել նաև հայկական Սուրբ Գևորգ Եկեղեցին։ Այս մասին տեղեկանում ենք 24 news.am-ի հրապարակած տեսանյութից, որը հղում է անում ականատեսներին։

Տեսանյութում երևում է, որ եկեղեցու գույքը մեծամասամբ վնասվել է, նստարաններն ու ապակիները կոտրվել են։

Հիշեցնենք` Լիբանանի մայրաքաղաք Բեյրութի նավահանգստի շրջանում այսօր ուժգին պայթյուն է որոտացել։ Ինչպես պարզվեց՝ պայթյունը որոտացել է Բեյրութի Բուրջ Համուդ հայկական թաղամասի մոտ. վնասները շատ մեծ են։

Լիբանանում հայտնի քաղաքական գործիչ Նիզար Նաջարյանը Բեյրութի պայթյունի զոհ է դարձել

Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է նկատվել։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

Բեյրութի պայթյունի սարսափելի կադրերը

78
թեգերը:
պայթյուն, Եկեղեցի, տեսանյութ, Լիբանան, Բեյրութ

Բեյրութում հզոր պայթյուն է որոտացել. տեսանյութեր

297
(Թարմացված է 21:11 04.08.2020)
Պայթյունի հետևանքով կոտրվել են ոչ միայն մոտակա տների, այլև մի քանի կիլոմետրի վրա գտնվող կառույցների ապակիները։ Համացանցում արդեն տեսագրություններ են հայտնվել։

ԵՐԵՎԱՆ, 4 օգոստոսի – Sputnik. Լիբանանի մայրաքաղաք Բեյրութում` նավահանգստի շրջանում, ուժգին պայթյուն է որոտացել։ Տեղեկությունը հայտնում է ՌԻԱ Նովոստին։

Պայթյունից առաջ կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է բարձրացել երկինք։ Բազմաթիվ օգտատերեր պայթյունի կադրերն արդեն սկսել են հրապարակել համացանցում։

​Պայթյունի ալիքը կոտրել է մի քանի կիլոմետրի վրա գտնվող շինությունների ապակիներն ու դռները։

Տուժածների և զոհերի մասին տեղեկություն դեռ չկա։

297
թեգերը:
Լիբանան, պայթյուն
Ըստ թեմայի
«Պայթյուն որոտաց, ու ես ընկա»․ Մոսկվայի մարզում սարսափելի պայթյունից քանդված տան կադրերը
Թբիլիսիի գազալցակայաններից մեկում պայթյուն է որոտացել
Մոսկվայի բազմաբնակարան շենքերից մեկում պայթյուն է տեղի ունեցել. 4 բնակարան այրվում է
Դոնալդ Թրամփ

COVID-ը և ընտրությունները. ԱՄՆ-ում դրանք կանցկացվեն 3 ամսից, ՀՀ-ում էլ՝ 7 սարի հետևում չեն

0
(Թարմացված է 23:57 04.08.2020)
​Եկեք անկեղծ լինենք։ Համավարակի տարածումից ի վեր՝ ամենաթեժ վեճը Հայաստանում սա է՝ նախ, արդյո՞ք իշխանություններն ամեն ինչ արել են հիվանդության տարածումը կանխելու համար, և երկրորդ՝ եթե արել են, ինչո՞ւ է իրավիճակն այսքան տխուր։
Ամերիկյան ընտրությունները՝ երեք ամսից, հայաստանյան ընտրությունները՝ կորոնավիրուսային 7 սարի հետևում

Երկու հարցադրումներին էլ կառավարությունը շատ հստակ պատասխանն ունի։ Առաջին՝ արել ենք ոչ միայն առավելագույնը, այլև անհնարինը՝ տեսեք, թե մեր բժիշկներն ինչպես են օր ու գիշեր աշխատում մարդկանց կյանքը փրկելու համար։ Համաձայնեք՝ իրենց համար շատ շահեկան  տեղից են բռնացրել իշխանությունները՝ դե հո չես հակաճառի՝ ոչ, բժիշկները լավ չեն աշխատել։

​Երկրորդ հարցադրումը՝ բա ինչու ենք այսքան վատ վիճակում, նույնպես շատ կոնկրետ պատասխանն ունի՝ բոլորովին էլ այդքան վատ վիճակում չենք, ինչպես փորձում են ներկայացնել ոմանք։ Գնացեք Ամերիկա և վերջ․․․

Գնանք Ամերիկա։ Այդ երկիրն, իհարկե, շատ ուրույն առանձնահատկություններ ունի՝ 50 նահանգներից յուրաքանչյուրն ինքն է որոշում՝ ինչպես պայքարել կորոնավիրուսի դեմ և Վաշինգտոնը բոլորին չի կարող թելադրել իր կանոնները։ Իսկ դա հասկանալի՞ է չէ, թե ինչի է հանգեցնում՝ վիրուսով հիվանդ եմ, Կալիֆոռնիայից գնում եմ Լաս Վեգաս ու վարակում Նևադա նահանգի բնակիչներին։ Բայց ճիշտ այնպես, ինչպես մեր իշխանություններն են ժխտում, թե ամենավատ ցուցանիշներն ունենք տարածաշրջանում, Ամերիկայի ղեկավարները ևս ժխտում են, որ համավարակի տեսանկյունից ամենավատն են ամբողջ աշխարհում։

Ինչ պետք է անել Սերժ Սարգսյանի և Նիկոլ Փաշինյանի տեսլականների իրականացման համար

​Մեր ու Ամերիկայի տարբերությունն այս հարցում գիտե՞ք որն է։ Մեզ մոտ ընդդիմությունը կամ ավելի ճիշտ խիստ ընդդիմադիր տրամադրվածները ամենասուր քննադատության են ենթարկում կառավարությանը, առողջապահության նախարարին, գլխավորապես վարչապետին, իշխանությունն էլ կուռ պաշտպանության քաղաքականությունն է որդեգրել՝ էն հռոմեական լեգեոնների նման, այնինչ՝ Ամերիկայում նույնիսկ իշխանությունների նկատմամբ միանգամայն դրականորեն տրամադրված վերլուծաբանները փաստում են՝ ինչ-որ բան այն չէ Թրամփի թագավորությունում։ Բերեմ ընդամենը մեկ օրինակ։ Հանրապետականների հետ սերտ կապեր ունեցող տնտեսագետ Մայքլ Սթրեյնը Ձեռնարկատիրության ամերիկյան ինստիտուտից օրերս «Նյու Յորք թայմս» թերթին տված հարցազրույցում փաստել է՝ Թրամփը, իրոք, չի հասկանում, թե որքան բարդ է տնտեսության վիճակը և որքան օրհասական է որոշ աշխատողների և նրանց ընտանիքների վիճակը։

Թեժ վիճաբանություն «հայու գենի» շուրջ, կամ մենք ու Ամերիկան

​Էլի կարելի է զուգահեռներ անցկացնել Հայաստանի և Ամերիկայի միջև, որքան էլ դա անսովոր թվա։ Թրամփը վերջին տարիներին փայլուն տնտեսական ցուցանիշներ ուներ վերընտրվելու համար։ Շատ կոնկրետ օրինակ բերեմ։ Անցած տարի դասընկերս եկել էր Լոս Անջելեսից, սրճարաններից մեկում գարեջուր էինք խմում ու ասաց․ «Էս խեղճ Թրամփին բոլորը քննադատում են, ծաղրում են, բայց ախր իր օրոք կյանքն, իրոք, լավացել է, իր օգտին եմ քվեարկելու»։

​Հիմա ամեն ինչ փոխվել է՝ կորոնավիրուսը սարսափելի հարված հասցրեց Թրամփի վարկանիշին և դա միանգամայն հասկանալի է՝ վերջին եռամսյակում համախառն ներքին արդյունքի անկումն Ամերիկայում կազմեց գրեթե 10 տոկոս։ Վերջին 75 տարում նման բան չէր եղել՝ փաստում են ամերիկյան լրատվամիջոցները, վկայակոչելով Նյու Յորքի օրինակը։ Մարտի սկզբից այդ քաղաքում փակվել է մոտ 3 հազար ձեռնարկություն։ Պատկերացրեք՝ 3 հազար։ Բայց, ճիշտն ասած, ինձ համար էլ էր անակնկալ, որ Նյու Յորքում աշխատատեղերի 98 տոկոսն ապահովում են  խանութները, սրճարանները, վարսավիրանոցները, քիմմաքրման կետերը և այլն….  Եվ, ըստ մասնագետների կանխատեսումների՝ դրանց մեկ երրորդն այլևս երբեք չի վերաբացվի։

Ինչ-որ բան այն չէ ժողովրդավարության նախկին «կղզյակներում»

​Հայաստանի և Ամերիկայի միջև, իհարկե, մի շատ էական տարբերություն կա։ Գրեթե 3 ամսից՝ նոյեմբերի 3-ին Միացյալ նահանգներում նախագահական ընտրություններ են։ Կորոնավիրուսն իր ամենաանմիջական ազդեցությունն է ունենալու քվեարկության վրա։ Հայաստանում հերթական խորհրդարանական ընտրություններն էլ յոթ սարի հետևում չեն, բայց, համաձայնեք՝ ամենակարևորն այն է, թե ինչպիսին կլինեն այդ 7 սարերը։

0
թեգերը:
Դոնալդ Թրամփ, վարկանիշ, Ընտրություններ, կորոնավիրուս, ԱՄՆ, Հայաստան
թեմա:
5 րոպե Դուլյանի հետ
Ըստ թեմայի
Սեպտեմերիանա. ինչպես հույներին վտարեցին Թուրքիայից
Եթե լրագրողը ճշմարտությունն է ասում, նրա ի՞նչ գործն է հոգալ հետևանքների մասին. Բրեդլի
Իսրայելի, Մեծ Բրիտանիայի և Ֆրանսիայի դավադրությունը. ինչպես աշխարհը խուսափեց մեծ վտանգից
Հիշեք այս խոսքերը, երբ հերթական անգամ անցնելու կլինեք Կասկադում պառկած ծխող կնոջ կողքով