Ամուլսարի հանքավայրի կռիվները տեղափոխվում են դատարան. պարզաբանումներ

279
(Թարմացված է 16:30 14.04.2019)
Լրագրող Թեհմինե Ենոքյանը, էկոլոգ-փաստաբան Նազելի Վարդանյանը և «Լիդիան Արմենիա» ընկերությանը իրավաբանական ծառայություններ մատուցող «Ինվեսթմնթ լոու գրուպ» գրասենյակի իրավաբան Սայադ Բադալյանը Sputnik Արմենիայի «Մութ անկյուն» հաղորդման շրջանակներում անդրադարձել են Ամուլսարի հանքավայրի շահագործման շուրջ ծագած սուր տարաձայնություններին և դրանցով պայմանավորված իրավական խնդիրներին:

Թեհմինե Ենոքյանը նշում է, որ «Լիդիան Արմենիան» իր նկատմամբ իրականացրել է լրտեսական գործունեություն, իսկ Նազելի Վարդանյանը հայտնում է, որ ընկերության վերաբերյալ կազմել է 39 էջից բաղկացած զեկույց, որտեղ կասկածներ է հայտնում «Լիդիան Արմենիայի» գործունեության հետ կապված կոռուպցիոն երևույթների առթիվ:

Սայադ Բադալյանն իր հերթին անդրադարձել է դատական հայցերին՝ ներկայացնելով «Լիդիան Արմենիայի» բողոքն ու հակափաստարկները:

Հիշեցնենք, որ վերոհիշյալ ընկերությունը դատի է տվել բնապահպան, աշխարհագրագետ Լևոն Գալստյանին, փաստաբան Նազելի Վարդանյանին, բնապահպաններ Անի Խաչատրյանին, Հայկ Գրիգորյանին և լրագրող Թեհմինե Ենոքյանին՝ պահանջելով 1-ական մլն դրամի փոխհատուցում՝ «գործարար համբավին վնաս հասցնող արտահայտությունների» համար:

 

279
թեգերը:
Հայաստան
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (76)

sys_stories