Ովքեր և ինչ են գողացել Մանվել Գրիգորյանի տղայի տնից. ոստիկանության տեսանյութը

1466
Արձանիկներ, հագուստ, բջջային հեռախոսներ. ՀՀ ոստիկանության տարածած տեսանյութում ներկայացված է, թե ինչեր են հայտնաբերել ոստիկանները գեներալ Մանվել Գրիգորյանի որդու առանձնատունը թալանելու համար մեղադրվող անձանց տներում։

ԵՐԵՎԱՆ, 2 մարտի — Sputnik. Մանվել Գրիգորյանի որդուն` Էջմիածնի նախկին քաղաքապետ Կարեն Գրիգորյանին պատկանող առանձնատնից օրեր առաջ կատարված գողությունը բացահայտվել է։

Ինչպես հայտնում է ՀՀ ոստիկանությունը` Արշալույս գյուղում կատարված բնակարանային գողության հետքերով ոստիկանները պարզել են, որ հանցագործությունը կատարել են Երևանի Նոր Նորք համայնքի բնակիչ Գագիկ Մուրադյանն ու նրա 3 ընկերները` Նոր Նորքի բնակիչ Գառնիկ Քեռյանը, Սամվել Գաբրիելյանը և Վահագն Միրզոյանը։

Մուրադյանը, Քեռյանն ու Գաբրիելյանը հայտնաբերվել ու բերման են ենթարկվել։ Իսկ Վահագն Միրզոյանին հայտնաբերելու ուղղությամբ ոստիկանությունը միջոցներ է ձեռնարկում ։

Մինչ այդ, սակայն, գողության մեջ կասկածվողների բնակարանների խուզարկությամբ հայտնաբերվել են, ենթադրաբար, Մանվել Գրիգորյանի որդու առանձնատնից գողացված իրեր` ձիերի արձանիկներ, ժամացույցներ, հագուստ, բջջային հեռախոսներ։

Հայտնաբերված իրերը ևս ներկայացված են ոստիկանության տեսանյութում։

Հիշեցնենք` փետրվարի 23-ին ոստիկանության Վաղարշապատի բաժինը հաղորդում էր ստացել, որ անհայտ անձինք թալանել են Արշալույս գյուղի 17-րդ փողոցում գտնվող Մանվել Գրիգորյանի որդուն` Կարեն Գրիգորյանին պատկանող առանձնատունը։

Տանտերերը ոստիկաններին հայտնել էին, որ կողոպտիչները տնից տարել են թանկարժեք իրեր, բնանկարներ, արձանիկներ, հագուստ և «Վինչեստեր» տիպի հրացանը։

1466
թեգերը:
Մանվել Գրիգորյան, Հայաստան
Ըստ թեմայի
Գեներալ Մանվել Գրիգորյանի տղայի տունը թալանել են
Մանվել Գրիգորյանը մնաց կալանքի տակ. 2 շաբաթից կգա դատարան
Մանվել Գրիգորյանի որդու նկատմամբ հետախուզում է հայտարարվել, գեներալի մեղադրանքը լրացվել է

sys_stories