Maruv, որը «Եվրատեսիլ» չի մեկնելու. ուկրաինացի երգչուհու էրոտիկ համարը. տեսանյութ

160
(Թարմացված է 18:55 26.02.2019)
Երգչուհի Աննա Կորսունը, որը Maruv կեղծանվամբ է ելույթ ունենում, փետրվարի 23–ին հաղթել է «Եվրատեսիլի» ազգային ընտրության փուլում` ընդհանուր առմամբ 11 միավոր հավաքելով։ Siren song երգով իր ելույթը չափազանց էրոտիկ են անվանել, իսկ հետո սկանդալ է առաջացել...

Հերթական «Եվրատեսիլն» ու հերթական սկանդալը, որն  այս կամ այլ կերպ կապված է Ուկրաինայի հետ։

Ազգային ընտրության կազմակերպիչները հրաժարվել են հաստատել մրցույթի արդյունքը։ Հաղթող էր ճանաչվել երգչուհի Maruv–ը (Աննա Կորսուն)։ Կազմակերպիչները մերժել են նրան ռուսաստանյան հյուրախաղերի պատճառով։

Երգչուհին պատրաստակամություն է հայտնել հրաժարվել նրանցից ու ինքնուրույն  վճարել Եվրատեսիլ ուղևորությունը, սակայն կողմերն այդպես էլ ընդհանուր հայտարարի չեն եկել։

Ֆեյսբուքյան իր էջում երգչուհին հայտնել է, որ Ուկրաինայի ազգային հանրային հեռուստաընկերության հետ հանդիպումը 7 ժամ է տևել, սակայն նրանք չեն կարողացել պայմանավորվածություն ձեռք բերել։

Maruv–ը նշել է, որ Ռուսաստանում համերգներից հրաժարվելու հարցը նրա համար սկզբունքային չէր, բայց միաժամանակ նա ուզում է «առանց գրաքննության նվիրել իր արվեստը»։

«Հիմնական տարաձայնությունները պայմանագրի այլ կետերի վերաբերյալ էին, եթե ես ստորագրեմ այն, դա ինձ համար ձեռնտու չի լինի։ Ես Ուկրաինայի քաղաքացի եմ, հարկեր եմ վճարում ու անկեղծ սիրում եմ Ուկրաինան։ Բայց պատրաստ չեմ կարգախոսերով ելույթ ունենալ,  մրցույթին իմ մասնակցությունը քաղաքական գործիչների գովազդային ակցիայի վերածելով։ Ես երաժիշտ եմ, ոչ թե քաղաքական ասպարեզի գործիչ», – գրել է նա։ 

Մի կողմ թողնելով քաղաքական բնույթի հարցերը` առաջարկում ենք տեսնել, թե ինչ հիշվող համարից է զրկվել Ուկրաինան։

160

sys_stories