Ոչ ոք կասկածի տակ չի դնում Խաչատրյան կոմպոզիտորին, բայց մեր հիմնը պատմական է. Գրիգորյան

76
(Թարմացված է 14:35 07.02.2019)
ՀՅԴ գերագույն մարմի անդամ Արմեն Գրիգորյանը Sputnik Արմենիայի տաղավարում խոսում է Հայաստանի օրհներգի, դրոշի և զինանշանի փոփոխության մասին:

Գրիգորյանը կարծում է, որ Հայաստանի օրհներգը փոխելու հարցը քննարկելն արհեստական է։

«Առհասարակ իմաստ չուներ հանդես գալ օրհներգի փոփոխության հարցով, որովհետև մեր հիմնը ճանապարհ է անցել և ունի պատմություն։ Ավելի լավ կլիներ, եթե իշխանությունն անցներ ավելի հրատապ խնդիրներ լուծելուն»,– ասում է Գրիգորյանը:

Հայաստանի օրհներգը փոխելու հարցն օրակարգ մտցրեց ԱԺ փոխխոսնակ Ալեն Սիմոնյանը: Ավելի ուշ այդպիսի առաջարկով սփյուռքի գաղթօջախներին նամակներ գրեց այսօր արդեն գոյություն չունեցող Սփյուռքի նախարարությունը:

Գրիգորյանը մեջբերում է այն բացասական արձագանքները, որոնք նույն սփյուռքը հետ է ուղարկել հայրենի իշխանություններին:

Տարիներ առաջ օրհներգը փոխելու ևս մեկ նախաձեռնություն կար: Իրենց առաջարկներն ունեին անգամ անվանի կոմպոզիտորներ Տիգրան Մանսուրյանն ու Ռոբերտ Ամիրխանյանը:

Մաեստրո Մանսուրյանը, ըստ Գրիգորյանին հասած լուրերի, վերանայել է իր դիրքորոշումը: Օրհներգի ամենամեծ արժեքը պատմական նշանակությունն է, ոչ թե երաժշտությունն ու խոսքը:

76

sys_stories