Ժողովուրդը շփոթում է խափանման միջոցն ու պատիժը. Sputnik–ի հյուրը Նարինե Ռշտունին է

146
(Թարմացված է 22:28 26.01.2019)
Փաստաբան Նարինե Ռշտունին Sputnik Արմենիայի «Օրացույց» հաղորդաշարի շրջանակում խոսում է նոր իշխանության օրոք իրականացված աղմկահարույց ձերբակալությունների և հասարակության արձագանքի մասին։

Հայ հասարակությանն անհանգստացնում են իրավաբանական դաշտի խնդիրները` մեղադրյալներին մեկ բռնում են, մեկ` բաց թողնում, ցմահ ազատազրկվածներին ուզում ազատ արձակել, թիրախում են հայտնվում փաստաբաններն ու դատավորները։

Ռշտունին նշում է, որ շատերը շփոթում են խափանման միջոցն ու պատիժը։

«Խափանման միջոցն այն է, երբ դատարանը նախաքննության ընթացքում (երբ մարդու մեղավորությունը դեռ պարզված ու հաստատված չէ. խմբ.) որոշում է` արդյոք հանցագործության վերաբերյալ հիմնավոր կասկած կա։ Եվ մարդը պետք է այդ ընթացքում կալանքի տակ լինի միայն այն դեպքում, երբ կասկած կա, որ նա կարող է փախչել, խուսափել քննությունից, խոչընդոտել, ազդել քննության գործընթացի վրա։ Նաև եթե վտանգ կա, որ նա կարող է նոր հանցագործություն կատարել»,– ասում է Ռշտունին։

Փաստաբանը նշում է, որ էմոցիաները իրավաբանական նորմերի հետ շփոթել չի կարելի։

Հաղորդավար` Արման Վանեսքեհյան։

146
թեմա:
Արման Վանեսքեհյանի հետ (501)

sys_stories