Ըստ փաստաբանի՝ առաջին անգամ մեր հանրությունը ներգրավված է այս գործընթացում կամ իրեն ներգրավված է զգում։ Չի կարելի թույլ տալ, որ հնարավոր մանիպուլյացիայի ենթարկվող հանրությունը որոշի անձի ճակատագիր: «Ունենք «Ներման մասին» օրենք, ընդունվել է անցյալ տարի մարտ ամսին և քանի որ կառավարման ձևը փոխվում էր, հիմա մեզ մոտ ներում շնորհողը վարչապետն է: Եվ կա հանձնաժողով, որի եզրակացությունները պարտադիր չեն վարչապետի համար: Ամեն դեպքում շատ ճիշտ է, որ լինի հանձնաժողով, որը մանրամասն կուսումնասիրի հարցը»,- ասել է նա: Փաստաբանի խոսքով՝ 20 տարի պատիժ կրելուց հետո ցմահ դատապարտյալը իրավունք ունի ներման խնդրագիր ներկայացնելու, դա բոլորի իրավունքն է: «Շատ նորմալ է, եթե մարդը 20 տարի նստել է և ցանկանում է ներում ստանալ: Մեր հասարակությունն անընդհատ բախվելու է այս խնդրին, ուստի պետք է տալ ինստիտուցիոնալ լուծում»,-հավելել է Տիգրան Աթանեսյանը:

Հաղորդավար` Աննա Վարդանյան։

ԵՐԵՎԱՆ, 3 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 360–ով և դարձել 172816։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 4889 մարդ (+189), կատարվել է 736590 (+2526) թեստավորում, առողջացել են վարակվածներից 163738-ը (+227)։ Գրանցվել է մահվան 3202 դեպք (+2)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և հասել 819-ի։

© Sputnik / Валерий Мельников

Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։