ՀՀ նախագահը կնոջ հետ թենիս է խաղում Աբու Դաբիում

401
(Թարմացված է 12:30 18.01.2019)
Համացանցում է հայտնվել տեսանյութ, որտեղ Արմեն Սարգսյանն ու Նունե Սարգսյանը սեղանի թենիս են խաղում։

Պաշտոնական այցով Արաբական Միացյալ Էմիրություններում գտնվող Հայաստանի Հանրապետության նախագահ Արմեն Սարգսյանը պաշտոնական արարողակարգից ազատ ժամանակ թենիս է խաղացել կնոջ հետ։

Նախագահի ու առաջին տիկնոջ սեղանի թենիսի խաղի տեսանյութն իր ֆեյսբուքյան էջում հրապարակել է Աբու Դաբիի հայ առաքելական եկեղեցու սպասավոր Հայր Վաչե Բալկջյանը։

Տեսանյութում երևում է, թե ինչ եռանդով է Արմեն Սարգսյանը վերաբերվում խաղին ու փորձում հաղթել տիկնոջը` Նունե Սարգսյանին։

«Այ հիմա արթնացա,– ասում է նախագահը, –հաճույքով պիտի հաղթեմ»։

Հիշեցնենք` ՀՀ նախագահը ԱՄԷ–ում մասնակցում է «Աբու Դաբի կայունության շաբաթ» (Abu Dhabi Sustainability Week) ֆորումին։

Պաշտոնական այցի շրջանակում նախատեսված են նաև Հայաստանի նախագահի հանդիպումները Արաբական Միացյալ Էմիրությունների բարձրագույն ղեկավարության հետ:

401
թեգերը:
Արմեն Սարգսյան
թեմա:
Հայաստանի Հանրապետության 4-րդ նախագահը (97)

sys_stories