«Երկու տարում մեքենաների ներկրումը աճել է չորս անգամ». Sputnik-ի հյուրը Արմեն Սաֆարյանն է

660
(Թարմացված է 13:57 14.01.2019)
Մաքսատներում կտեղադրվի հերթերի ավտոմատացված համակարգ` չեզոքացնելու քաղաքացիների լարվածությունն ու անհամաձայնությունները: «Ինտերակտիվ» հաղորդաշարի շրջանակներում Արարատյան մաքսատան վարչության պետի տեղակալ Արմեն Սաֆարյանը պատմում է ավտոմաքսազերծման հետ կապված ՊԵԿ կարգավորումների մասին:

2016թ–ին ներկրված ավտոմեքենաների 90 տոկոսի արժեքը կազմել է մինչև 5 հազար դոլար։

2018թ–ին Հայաստան ներկրված ավտոմեքենաների թիվը գերազանցել է 2016թ–ի և 2017թ–ի ցուցանիշները` միասին վերցրած, Sputnik Արմենիայի հետ հարցազրույցում ասաց «Արարատյան» մաքսատան վարչության պետի տեղակալ Արմեն Սաֆարյանը։

«2018թ–ին աննախադեպ քանակությամբ` 67.200 հատ ավտոմեքենա է ներկրվել։ Ավտոմաքսատունը նման քանակի մեքենաներ առանց հերթի սպասարկել չի կարող (2017թ–ի համեմատ աճը կազմել է մոտ 70 տոկոս)», – ասաց Սաֆարյանը, հավելելով, որ Նորագավիթի մաքսատան տարածքը նախատեսված չէ այդ քանակի ավտոմեքենաների մաքսազերծման համար:

Այնուամենայնիվ, հաշվի առնելով մաքսազերծման ենթակա ավտոների հերթերը, ՊԵԿ -ը գնացել է կարգավորիչ քայլերի՝ ավելացրել է աշխատողների թվաքանակը, տոնական օրերին իրականացրել է հերթապահություն, սահմանել է վեցօրյա աշխատանքային ռեժիմ և հայտարարել, որ մաքսազերծումը կատարվելու է բոլոր մաքսատներում: ՊԵԿ գործողությունների արդյունքում քաղաքացիների հերթերը, մաքսատան պատասխանատուի խոսքով, էականորեն թեթևացել են և օրվա ավարտին հերթում կանգնած բոլոր ավտոները մաքսազերծվել են:

Անդրադառնալով մաքսազերծման սակագներին` նա նշեց, որ հիմա դրա համար որպես հիմք է ընդունվում ավտոմեքենայի ինվոյսային արժեքը (եթե այն ճիշտ է)։

Նրա խոսքով` 2018թ–ին 67 հազար ներկրված ավտոմեքենաներից 59 հազարի արժեքը մինչև 5 հազար դոլար է։ Իսկ այդ գնային կատեգորիայում առաջատար են 1000-1500 դոլար արժողությամբ ավտոմեքենաները։

«Բայց մենք ունենք մոտավոր գներ հսկողության համար։ Անհեթեթ դեպքեր են եղել, օրինակ, մի անգամ 2016թ–ի  KIA Sportage ավտոմեքենայի համար ներկայացվել է 15 դոլար ինվոյս», – նշեց Սաֆարյանը։

Նրա խոսքով` դրա համար նրանք ստուգում են ինվոյսների ճշմարտացիությունը։ Եթե դրանք վստահելի չեն, ապա օգտագործվում են մոտավոր գները։ Սաֆարյանը պնդում է, որ այդ գները 2019թ–ին ավելի ցածր են Հայաստանում ավտոմեքենաների շուկայական արժեքից։

Հաղորդավար` Լուսինե Մկրտչյան

660

Վայոց Ձորում հրդեհ է մոլեգնում. տեսանյութ

123
(Թարմացված է 22:25 05.07.2020)
ՀՀ Արտակարգ իրավիճակների նախարարությունից Sputnik Արմենիային ասացին, որ տեղյակ են հրդեհի մասին և արդեն զբաղվում են խնդրով։

Այսօր` հուլիսի 5–ին, Sputnik Արմենիայի թղթակիցը Վայոց Ձորի մարզում` Արենի բնակավայրի մոտակայքում, պատահաբար ականատես է դարձել հրդեհի։ Կադրերում երևում է, որ հրդեհը բավականին ակտիվ է, բացի դրանից, ոչ ոք չի փորձում մարել այն։ 

ՀՀ Արտակարգ իրավիճակների նախարարությունից Sputnik Արմենիային ասացին, որ տեղյակ են հրդեհի մասին և արդեն իսկ զբաղվում են խնդրով` հրաժարվելով այլ մանրամասներ հաղորդել։ 

Ասացին` նորություն լինելուն պես ԱԻՆ լրատվական ծառայությունը կհրապարակի այն։

123
թեգերը:
ՀՀ արտակարգ իրավիճակների նախարարություն (ԱԻՆ), Արենի, Վայոց Ձոր, հրդեհ
Ըստ թեմայի
Խոշոր հրդեհ Հրազդանի կիրճում. հրշեջները դեռ չեն մարել կրակը
Հրշեջներին հաջողվել է մարել «Ձյունիկ սառնարան» ՍՊԸ-ում բռնկված հրդեհը. տեսանյութ
Ցայտնոտային իրավիճակ էր` 9 հրդեհ էր գրանցվել. Ցոլակյանը խոսել է սպասվող դժվար օրերի մասին

Որն է այն միակ գործոնը, որի շնորհիվ բիզնեսն արժեք է ստեղծում

52
(Թարմացված է 01:32 06.07.2020)
Հաղորդման հեղինակ Հայկ Մանասյանը և հաղորդավար Արամ Չախոյանը Sputnik Արմենիայի եթերում խոսել են ժամանակի ճիշտ օգտագործման մասին։

Միակ բանը, որը բոլորիս տրված է հավասարաչափ՝ ժամանակն է: Միակ բանը, որն անընդհատ սպառվում է և հնարավոր չէ վերականգնել՝ ժամանակն է:

Եվ միակ գործոնը, որի շնորհիվ է միայն բիզնեսը որևէ արժեք ստեղծում ու վաճառում՝ ժամանակն է: Դրա համար է ասվում, որ ժամանակը փող է:

Եվ ուրեմն, ժամանակի ճիշտ օգտագործումն առանցքային նշանակություն է ձեռք բերում բիզնեսում հաջողություններ ունենալու համար:

Հաղորդման ընթացքում խոսվում է ժամանակի կառավարման մի քանի մոտեցումների և դրանց արդյունավետ կիրառման մեթոդների մասին:

Բիզնեսին ճգնաժամից փրկելու նոր տարբերակ. ի՞նչ է առաջարկում ՀՀ կառավարությունը

52
թեգերը:
փող, «Ժամանակի մեքենա», շոու բիզնես
թեմա:
Բիզնեսի դիալեկտիկա
Ըստ թեմայի
Ինչպես է պետք նախաձեռնել բիզնեսի տրանսֆորմացիաները կառավարելը
Ո՞ր գործոնն է որոշիչ ստարտափ բիզնեսների հաջողության համար
ՀԴՄ–ներին առնչվող նոր պահանջը բարդացրել է բիզնեսի գործը, բայց չի նպաստել ստվերի կրճատմանը
Տատյանա Բրուխունովա. արխիվային լուսանկար

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

69
(Թարմացված է 01:17 06.07.2020)
Տատյանա Բրուխունովան բաժանորդներին խոստովանել է, որ ամռանը միշտ արևապաշտպան քսուքներ է օգտագործում, քանի որ վախենում է մաշկի քաղցկեղից։

ԵՐԵՎԱՆ, 5 հուլիսի – Sputnik. Երգիծաբան Եվգենի Պետրոսյանի երիտասարդ կինը՝ Տատյանա Բրուխունովան, շարունակում է համացանցի օգտատերերի ուշադրության կենտրոնում մնալ։ Նա երկնագույն շրջազգեստով լուսանկար է հրապարակել Instagram-ում։

Տատյանան հակիրճ է մեկնաբանել լուսանկարը․ «Ամառ է»։

View this post on Instagram

A post shared by Tatyana Brukhunova (@bruhunova) on

Հատկանշական է, որ մի քանի օր առաջ Բրուխունովան բաժանորդների խիստ քննադատությանն է արժանացել, քանի որ սև շորով լուսանկար է հրապարակել։ Շատերը չեն հավանել նրա ընտրությունը։

««Ասես թաղման շոր լինի», «Այրիի կերպար է», «Այսպիսի շորեր մի հագեք։ Երիտասարդ ու գեղեցիկ եք։ Ձեզ վառ գույներն ավելի շատ են սազում»», - գրել էին բաժանորդները։

View this post on Instagram

A post shared by Tatyana Brukhunova (@bruhunova) on

Հավանաբար Տատյանան հաշվի է առել բաժանորդների կարծիքներն ու այս անգամ նուրբ երկնագույն զգեստ է ընտրել։

Պետրոսյանի 31-ամյա կինը վեճի է բռնվել ամռանն արևայրուք ընդունելու թեմայի շուրջ։

«Երբեք չեմ անտեսում արևապաշտպան քսուքը։ Առանց դրա արևայրուքը վտանագավոր է կյանքի համար։ Մելանոման քաղցկեղի ամենատարածված տեսակն է աշխարհում», - գրել է նա։

Բաժանորդները գնահատել են Տատյանայի անկեղծությունը, որը խոստովանել է, որ կարանտինի ընթացքում չի հասցնում կարդալ։ Այնուամենայնիվ նա ցույց է տվել՝ այս ընթացքում ինչ գրքեր է գնել։

Օգտատերերը Պետրոսյանին խորհուրդ են տալիս պարանոցից նետել «օձ Ստեպանենկոյին»

«Այս գրքերը կարանտինի ընթացքում եմ գնել։ Մնում է` ժամանակ գտնեմ ընթերցելու համար», - մեկնաբանել է նա լուսանկարը։

Նկարում ոճի, նորաձևության ու լուսանկարչության մասին գրքեր են։

View this post on Instagram

A post shared by Tatyana Brukhunova (@bruhunova) on

««Ինչ նրբաճաշակ եք», «Այս գրքերն ի նկատի կունենամ»», - գրում են աղջկա երկրպագուները։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր երիտասարդ օգնականի՝ Տատյանա Բրուխունովայի հետ։ 74-ամյա հումորիստը չափահաս դուստր ունի՝ Վիկտորիան, որը հիմա բնակվում է Մոսկվայում՝ Ելենա Ստեպանենկոյի հետ միասին։ Պետրոսյանի և Ստեպանենկոյի բաժանումից հետո Վիկտորիան պաշտպանում է խորթ մորը և դադարեցրել է հոր հետ շփումը։

«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով

69
թեգերը:
ինստագրամ, Կին, Եվգենի Պետրոսյան, Տատյանա Բրուխունովա
Ըստ թեմայի
«Աստված մի արասցե». Ելենա Ստեպանենկոն խոսել է Եվգենի Պետրոսյանի հետ վերամիավորվելու մասին
Պետրոսյանի կինը Ստեպանենկոյին «տարօրինակ» է անվանել և կոշտ արձագանքել բաժանորդներից մեկին
Ստեպանենկոն ասել է, թե ինչպես է վերաբերվում Պետրոսյանին ամուսնալուծությունից հետո