225 ոչ սթափ վարորդ, 1630 արձանագրություն. հունվարի 1-7-ի լարված աշխատանքի արդյունքները

27
(Թարմացված է 22:52 08.01.2019)
Տոնական օրերին ճանապարհային ոստիկանությունն իրականացրել է աննախադեպ ուժեղացված ծառայություն: Նպատակն էր ճանապարհային երթևեկության անվտանգության ապահովումը:

Հունվարի 1-ից 7-ը ճանապարհային ոստիկանները արձանագրել են 1630 վարչական իրավախախտման վերաբերյալ արձանագրություն: Անցած տարվա նույն ժամանակահատվածում այդ թիվը 483 էր:

Նույն օրերին ճանապարհային ոստիկանության պահպանվող հատուկ տարածքներ է տեղափոխվել 267 տրանսպորտային միջոց, 212-ով ավելի անցած տարվա նույն ժամանակահատվածի հետ համեմատ:

Հայտնաբերվել է 225 ոչ սթափ վարորդ, իսկ անցած տարի հունվարի 1-ից 7-ը հայտնաբերվել էր ընդամենը 9-ը:

Տոնական օրերին հանրապետությունում արձանագրվել է ճանապարհատրանսպորտային 72 պատահար, ինչի հետևանքով զոհվել է 7 մարդ: Անցած տարվա նույն օրերի համեմատությամբ զոհերի թիվը նվազել է 5-ով:

Հանուն արդարության պետք է նաև նշել, որ դրական թվային տվյալները արձանագրվել են այն պայմաններում, որ միայն անցած տարի հանրապետություն է ներկրվել շուրջ 75.000 տրանսպորտային միջոց:

Ճանապարհային ոստիկանությունը շարունակելու է իրականացնել իր առջև դրված խնդիրները և կրկին հորդորում պահպանել երթևեկության կանոնները:

27
թեգերը:
Հայաստան, ՀՀ Ոստիկանություն

sys_stories