(4:29 / 34.22Mb / просмотров видео: 502)

Եթե մեկի դուռը ծեծեմ, վստահ եմ` ինձ տեղ կտան. Ձախ Հարութը հարցազրույց է տվել Sputnik–ին

1748
Հարություն Փամփուկչյանը (Ձախ Հարութ) խոսել է թավշյա հեղափոխության, Նիկոլ Փաշինյանի, հայրենիքից հեռանալու և Հայաստան վերադառնալու մասին։

ԱՄՆ–ում բնակվող երգիչ Հարութ Փամփուխչյանը համարում է, որ այն, ինչ Նիկոլ Փաշինյանն արեց Հայաստանում, նման բան երբեք չէր եղել։

«Առանց արյուն թափելու կարողացան հեղափոխություն անել։ Աշխարհի շատ երկրներ զարմացան, թե ինչպես պատահեց, որ հեղափոխությունն այսքան սահուն ձևով անցավ»,– ասաց նա` նշելով, որ դրան հաջորդած դժվարությունները ժամանակի ընթացքում կհարթվեն։

Երգիչը հավատում է հայ ժողովրդի անմահությանը։ Լրագրողի հարցին, թե չի ուզու՞մ վերադառնալ Հայաստան, նա պատասխանեց

«Ես մտածում եմ, որ դրսում մնալը ժամանակավոր բան է, մենք պետք է բոլորս վերադառնանք։ Մեր հոգևոր ուժը պետք է կարողանանք օգտագործել Հայաստանում` հայրենիքի համար։ Մեր վերջնական կենտրոնը Հայաստանն է»։

Երգիչը նշեց, որ դեռ 1974 թվականին է հեռացել Հայաստանից, բայց երբեք չի կտրվել հայրենիքից։

«Իմ բոլոր հարազատներն ԱՄՆ–ում են, բայց ամբողջ հայ ժողովուրդն իմ հարազատներն են։ Եթե որևէ մեկի դուռը ծեծեմ, վստահ եմ, որ ինձ տեղ կտան, նույնիսկ տարիներով կպահեն ինձ»,– ասաց նա։

 

1748
Ըստ թեմայի
«Իհարկե, կա հիասթափություն». Սիրուշոն հարցազրույց է տվել Sputnik–ին. տեսանյութ

sys_stories