(2:38 / 20.78Mb / просмотров видео: 189)

Երևանը` գույների մեջ. «Yerevan Color Run»`անճանաչելի դարձած վազում են բոլորը

240
(Թարմացված է 19:01 30.09.2018)
Երևանում այսօր անցկացվեց արդեն ավանդական դարձած «գունավոր վազքը»։ Սպորտային զվարճալի այս իրադարձությունը` «Yerevan Color Run»-ը, 4-րդ անգամ է անցկացվում Հայաստանի մայրաքաղաքում։

Բազմաթիվ երևանցիներ և հյուրեր` երեխաներ, պատանիներ, երիտասարդներ և ոչ այնքան, գունավոր փոշի էին շաղ տալիս միմյանց վրա և օդը, քաղաքն ու իրենց ներկում վառ գույներով ու տոնական տրամադրությամբ։ Հետո այդպես վազում էին քաղաքում։ Իսկ վազքի նպատակը առողջ ապրելակերպի քարոզումն է, հասույթն էլ օգտագործվում է բարեգործական նպատակներով։

«Yerevan Color Run»-ը Երևանում անցկացվում է 2015թ.-ից։ Նման վազքեր անցկացվում են աշխարհի շատ երկրներում` ԱՄՆ-ում, Ավստրալիայում, Բրազիլիայում, Կանադայում, Չիլիում, Չինաստանում և այլուր։

240

Ինչպես են ընդդիմադիրները պատրաստվում անցկացնել գիշերը խորհրդարանի բակում. տեսանյութ

42
(Թարմացված է 00:53 26.02.2021)
Խորհրդարանի բակում գիշերային ժամի համար անսովոր աշխուժություն է։ Տեսանյութում երևում է, թե վարչապետի հրաժարականը պահանջող ընդդիմադիր ուժերն ու քաղաքացիները ինչպես են պատրաստվում մնալ դրսում։

Թեև կեսգիշերը մոտ է, բայց Երևանի Բաղրամյան պողոտան դեռ մարդաշատ է։ ՀՀ վարչապետ Նիկոլ Փաշինյանի հրաժարականը պահանջող ընդդիմադիր ուժերն ու նրանց աջակցող քաղաքացիները ԱԺ–ի բակում են։ Նրանք վրաններ են տեղադրել և պատրաստվում են գիշերել դրսում։ Ոմանք դեռ քայլում են, ոմանք վառարանի վրա պատրաստված կարտոֆիլ վայլելում։ Իսկ տարածքում հնչում են հայրենասիրական երգեր։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

42
թեգերը:
Հրաժարական, Նիկոլ Փաշինյան, նստացույց, ԱԺ, ընդդիմություն, Հայաստան
Ըստ թեմայի
Ձեր անկեղծ մղումն օգտագործել են ու ձեզ դավաճանել․ Մանուկյանը՝ «Իմ քայլի» պատգամավորներին
Քաջարանի երկրապահները Սասուն Միքայելյանի դիրքորոշմանը հակառակ հայտարարություն են տարածել
Այն, ինչ տեսնում ենք Հայաստանում, մեզ չափազանց անհանգստացնում է. ՄԱԿ ներկայացուցիչ

Աղբամաններ, նստարաններ, բարիկադներ․ Մանուկյանի կոչով ընդդիմադիրները փակում են ԱԺ–ի մուտքը

122
(Թարմացված է 18:30 25.02.2021)
Վազգեն Մանուկյանը վստահ է՝ այս պահը բաց թողնելը կնշանակի կորցնել մեր հայրենիքը։

Ընդդիմադիրները փակում են ՀՀ Ազգային ժողովի մուտքը Դեմիրճյան փողոցի կողմից։ Բաղրամյան փողոցում ընթացող Հայրենիքի փրկության շարժման հանրահավաքի ժամանակ նման հայտարարություն արեց Վազգեն Մանուկյանը։

«Այս փողոցը փակելու ենք, չի աշխատելու այս փողոցը, Ազգային ժողովի պատգամավորներին պետք է բերենք, որ քվեարկեն, իրեն բերեն»,- հայտարարեց Մանուկյանն ու նշեց, որ սա պատմական պահ է, և պայքարն էլ ապագա սերունդների համար է։ Հայաստանի 3–րդ հանրապետության առաջին վարչապետը կոչ արեց մասնակիցներին լինել համբերատար, զուսպ։ Նա ընդգծեց՝ պետք է պատրաստ լինել, որ ամբողջ գիշեր այդտեղ են մնալու։

«Այս պահը բաց թողնել, նշանակում է կորցնել հայրենիքը»,- նշեց Մանուկյանը։

Հայրենիքի փրկության շարժման համակարգող, ՀՅԴ ԳՄ անդամ Իշխան Սաղաթելյանը կոչ արեց արգելափակել Ազգային ժողովի Դեմիրճյան մուտքը՝ աղբամաններ, նստարաններ տեղադրելով և բարիկադներ ստեղծելով։

«Մեկ ժամից այստեղ կլինեն վրաններ, համապատասխան վառարաններ, բոլոր հնարավորությունները․ մնում ենք այստեղ՝ հատ-հատ ԱԺ պատգամավորները կամ գալիս են Խորհրդարան, կամ մենք նրանց կբերենք Խորհրդարան»,- նշեց Սաղաթելյանը։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

122
թեգերը:
աղբաման, Վազգեն Մանուկյան, ԱԺ, ընդդիմություն
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Նախագահը միանում է հեղաշրջմա՞նը. վարչապետն Արմեն Սարգսյանին ընտրության առաջ է կանգնեցնում
Բանակը ապաքաղաքական կառույց է. ՊՆ-ն նոր հայտարարություն է տարածել
Հանրապետության հրապարակում Նիկոլ Փաշինյանի կողմնակիցներն են. տեսանյութ
ԱՄՆ պետդեպ

Հայաստանի Զինված ուժերը չպետք է միջամտեն քաղաքականությանը. ԱՄՆ պետդեպ

140
(Թարմացված է 00:09 26.02.2021)
ԱՄՆ պետական դեպարտամենտը հայտարարություն է տարածել` անդրադառնալով հայաստանյան ներքաղաքական զարգացումներին։

ԵՐԵՎԱՆ, 26 փետրվարի – Sputnik. ԱՄՆ պետդեպարտամենտը Հայաստանում բոլոր կողմերին կոչ է արել խուսափել լարվածության սրումից, իսկ զինվորականներին՝ չմիջամտել քաղաքականությանը։

«Մենք գիտենք Հայաստանում տեղի ունեցած վերջին իրադարձությունների մասին, շատ ուշադիր հետևում ենք իրավիճակին։ Բոլոր կողմերին զսպվածության կոչ ենք անում՝ խուսափել ցանկացած էսկալացիայից և բռնությունից։ Մենք հիշեցնում ենք բոլոր կողմերին ժողովրդավարական հիմնարար սկզբունքի մասին՝ պետությունների զինված ուժերը չպետք է միջամտեն ներքին քաղաքականությանը։ ԱՄՆ-ն վճռականորեն սատարում է ժողովրդավարական գործընթացներն ու ինստիտուտները Հայաստանում, մենք շարունակում ենք աջակցել Հայաստանի ժողովրդավարությանն ու ինքնիշխանությանը»,- ճեպազրույցի ընթացքում հայտարարել է պետդեպարտամենտի ներկայացուցիչ Նեդ Փրայսը։

Պետդեպարտամենտի ներկայացուցիչը կոչ է արել տարաձայնությունները լուծել խաղաղ ճանապարհով՝ հարգելով օրենքի գերակայության սկզբունքը։

Նա նաև ընդգծել է, որ պետդեպարտամենտն այն կարծիքին չէ, թե Հայաստանում տեղի է ունեցել պետական հեղաշրջման փորձ։

«Նման եզրահանգում այս պահին չկա։ Մենք ուշադիր հետևում ենք իրավիճակին», - ասել է Փրայսը։

ՀՀ ԶՈւ Գլխավոր շտաբը փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

140
թեգերը:
Հեղաշրջում, քաղաքականություն, Զինված ուժեր, Բանակ, Հայաստան, ԱՄՆ
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Քաջարանի երկրապահները Սասուն Միքայելյանի դիրքորոշմանը հակառակ հայտարարություն են տարածել
Այն, ինչ տեսնում ենք Հայաստանում, մեզ չափազանց անհանգստացնում է. ՄԱԿ ներկայացուցիչ
Ամենանախկինը հենց Նիկոլ Փաշինյանն է. Արթուր Վանեցյանը՝ «նախկիններով» մանիպուլացնելու մասին