Արտակ Զեյնալյանը այցելել է «Իմ քայլը» դաշինքի շտաբ և շնորհավորել հաղթանակի առթիվ

538
(Թարմացված է 09:51 24.09.2018)
Մարությանն ու իր աջակիցները արդեն շամպայն են խմում:

Sputnik Արմենիայի աղբյուրը տեղեկացրեց, որ «Իմ քայլը» դաշինքի շտաբ է այցելել «Լույս» դաշինքի քաղաքապետի թեկնածու Արտակ Զեյնալյանը և շնորհավորել արդեն կանխատեսելի հաղթանակի առթիվ:

Արտակ Զեյնալյանը այցելել է «Իմ քայլը» դաշինքի շտաբ՝ շնորհավորելու
Արտակ Զեյնալյանը այցելել է «Իմ քայլը» դաշինքի շտաբ՝ շնորհավորելու

Իսկ ֆեյսբուքի օգտատեր Վահան Զարոյանը Ֆեյսբուքում տեսանյութ է հրապարակել, որտեղ երևում է, որ «Իմ քայլը» դաշինքի քաղաքապետի թեկնածու Հայկ Մարությանը և նրա աջակիցները շամպայն են բացում՝ արտասանելով իրենց կարգախոսը «Երևա՛ն, քայլ արա»:

 

 

 

538
թեգերը:
Հայկ Մարության, Արտակ Զեյնալյան
թեմա:
Երևանի ավագանու ընտրություններ 2018 (109)

Հավելված, որը կօգնի վերահսկել ինքնամեկուսացածներին. Ավինյանը պատմել է StayHome–ի մասին

15
(Թարմացված է 20:28 10.07.2020)
Հավելվածը կապ կստեղծի վերահսկող մարմինների ու ինքնամեկուսացած քաղաքացիների միջև։ Դա թույլ կտա որոշել` տվյալ անձը լքե՞լ է ինքնամեկուսացման վայրը, թե ոչ:

ՀՀ փոխվարչապետ, արտակարգ դրության պարետ Տիգրան Ավինյանը իր Facebook–ի էջում տեսանյութ է հրապարակել, որում պատմել է StayHome հավելվածի մասին։

Այս հավելվածը կապ կստեղծի վերահսկող մարմինների ու ինքնամեկուսացած քաղաքացիների միջև և կօգնի վերահսկել նրանց տեղաշարժը։

Հավելվածի միջոցով ինքնամեկուսացած անձը օրվա մեջ մի քանի անգամ լուսանկարներ է ուղարկելու համակարգին։ Բացի դա, տեղորոշման համակարգի միջոցով հնարավոր կլինի ստանալ անձի գտնվելու կոորդինատները, որոնց փոփոխության դեպքում ինքնամեկուսացածը փախած է համարվելու։

Այդ տվյալների շնորհիվ նա կցվում է 119 շրջաններից որևէ մեկին և տեղակայման մասին պարբերաբար տեղեկատվություն տրամադրում:

ՀՀ–ում 83 500 մարդ է ինքնամեկուսացել. ԱՆ–ն ամփոփել է Covid-19-ի դեմ պայքարի աշխատանքները

Սա թույլ է տալիս որոշել` արդյոք տվյալ անձը լքել է ինքնամեկուսացման վայրը, թե ոչ:

Նշենք, որ հուլիսի 10-ի դրությամբ հայաստանում հաստատվել է կորոնավիրուսային հիվանդության ընդհանուր 30 903 դեպք, որոնցից 18709-ն առողջացած, 546-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11471 պացիենտ: Ընդհանուր առմամբ կատարվել է 131216 թեստավորում:

Կորոնավիրուսի պատճառով մահացել 546 մարդ։

4-ը խանութ էին գնում, 1-ն էլ՝ աշխատանքի. հայտնաբերվել են ինքնամեկուսացման ռեժիմը խախտողներ

15
թեգերը:
հավելված, տեսանյութ, ինքնամեկուսացում, Տիգրան Ավինյան, կորոնավիրուս
Ըստ թեմայի
Կորոնավիրո՞ւս. չեմ վախենում. վրացիներն ինքնամեկուսացումից հետո զանգվածաբար ծով են գնում
Հրապարակվել է «կորոնավիրուսի քարտեզը»․ հայտնի են հասցեներ, որտեղ կան ինքնամեկուսացածներ
Դիմորդները կարող են հատել վրաց-հայկական սահմանը. ինքնամեկուսացման պայմանը չի գործի

Արմեն Սարգսյանն Արցախում է. նա շնորհակալություն է հայտնել նախագահի պարտված մրցակիցներին

26
(Թարմացված է 18:40 10.07.2020)
ՀՀ նախագահ Արմեն Սարգսյանը հանդիպել է իր արցախյան գործընկերոջը, որի հետ քննարկել է Արցախի հզորացմանն ու զարգացմանն ուղղված ծրագրերը։

Հայաստանի Հանրապետության նախագահ Արմեն Սարգսյանը մեկնել է Արցախ, Ստեփանակերտում հանդիպել Արցախի նախագահ Արայիկ Հարությունյանի հետ: Տեղեկությունը հայտնում է ՀՀ նախագահի մամուլի ծառայությունը։

Սարգսյանը շնորհավորել է Հարությունյանին ընտրություններում հաղթելու կապակցությամբ և շնորհակալություն հայտնել նրա մրցակիցներին։

«Նրանք անձնապես չհաղթեցին, բայց հաղթեցին միասին՝ ցույց տալով աշխարհին, որ Արցախը ոչ միայն ամուր ու հզոր, այլև ժողովրդավարական երկիր է, ինչպես նաև ազատ երկիր, որտեղ անցկացվում են ազատ ընտրություններ: Նրանք պետք է հպարտ լինեն, քանի որ իրենց ներդրումն ունեցան գործընթացում», - նշել է ՀՀ նախագահը:

Նախագահի լիազորությունները նվազեցնելու մասին խոսք լինել չի կարող. Մակունց

Իր հերթին Հարությունյանն ընդգծել է, որ մասնակցող թեկնածուների մեծ մասը ներկա քաղաքական իշխանության մաս է կազմում և պատրաստակամ է ապահովել երկրի առաջընթացն ու զարգացումն, իսկ նրանք, ովքեր ներգրավված չեն, նույնպես շարունակում են իրենց գործունեությունը հանուն Արցախի: Նա նաև շնորհակալություն է հայտնել Հայաստանի իշխանություններին՝ Արցախի զարգացմանն ուղղված գործնական ծրագրերին աջակցելու համար։

Հանդիպման ընթացքում զրուցակիցներն անդրադարձել են նաև Արցախի հզորացմանն ու զարգացմանն ուղղված ընթացիկ և հեռանկարային մի շարք ծրագրերի:

Սարգսյանի և Հարությունյանի առանձնազրույցին հաջորդել է ընդլայնված հանդիպումը, որին մասնակցել են Արցախի Ազգային ժողովի նախագահ Արթուր Թովմասյանը, պետական նախարար Գրիգորի Մարտիրոսյանը, արտաքին գործերի նախարար Մասիս Մայիլյանը, Անվտանգության խորհրդի քարտուղար Սամվել Բաբայանը, պաշտոնատար այլ անձինք:

Արցախի իշխանությունները հետամուտ են լինելու տարածքային ամբողջականության վերականգնմանը

26
թեգերը:
տեսանյութ, Արայիկ Հարությունյան, Արմեն Սարգսյան, Նախագահ, Հայաստան, Արցախ
Ըստ թեմայի
Բնակարաններ սպայական անձնակազմին, զինհաշմանդամներին և ոչ միայն. Արցախի նախագահի խոստումը
Ջալալ Հարությունյանը վերանշանակվել է․ Արցախի նախագահը կարևոր որոշումներ է կայացրել
Արցախի նախագահը հայտնել է` ինչպես է «ծախսելու» աշխատավարձը
Հայաստանի գավաթ

Ֆուտբոլային թրելլեր գավաթի եզրափակիչում. Հայաստանի գավաթակրի անունը հայտնի է

7
(Թարմացված է 22:11 10.07.2020)
Տասը գոլ, լարված պայքար, գերկամային որակներ,  հաղթելու մեծ ցանկություն։ Այս ամենի արդյունքում Հայաստանի գավաթակիրը որոշվեց 11 մետրանոց հարվածաշարի միջոցով: «Նոա» - «Արարատ-Արմենիա» եզրափակիչը թերևս լավագույն խաղն էր հայկական թիմերի միջև 2019/20 մրցաշրջանում:

ԵՐԵՎԱՆ, 9 հուլիսի – Sputnik. Քիչ առաջ ավարտվեց Հայաստանի գավաթի խաղարկության եզրափակիչ խաղը։ 11 մետրանոց հարվածաշարի արդյունքում գավաթակիր դարձավ «Նոան»։

Նշենք, որ գավաթի խաղարկության եզրափակիչում իրար արժանի մրցակիցներ էին խաղում` «Նոան» ու «Արարատ Արմենիան»: 

Հանդիպման մեկնարկից 29 րոպե անց Հայաստանի գործող չեմպիոն «Արարատ-Արմենիան» հաղթում էր 3:0 հաշվով,  բայց երկու թիմերն էլ պայքարեցին մինչև վերջ: Խաղի հիմնական ժամանակն ավարտվեց 4:4 հաշվով, իսկ լրացուցիչ ժամանակում գրանցվեց վերջնական հաշիվը՝ 5:5: 11 մետրանոց հարվածաշարով հաղթեց ու Հայաստանի գավաթը նվաճեց «Նոան»։

Խաղի 8-րդ րոպեին Ուգուչուկվու Լուիս Օգանան, հնարավորությունն օգտագործելով,  առաջ մղեց «Արարատ-Արմենիային»: Բաց թողած գնդակը չի կարելի ասել, թե անմիջապես ընկճեց «Նոայի» ֆուտբոլիստներին:

Բայց Ալան Տատաևի ինքնագոլից հետո «Արարատ-Արմենիայի» ֆուտբոլիստները սկսեցին գործել շատ հանգիստ ու վստահ, և 29-րդ րոպեին Յուսուֆ Օդուբանջոն երրորդ անգամ ստիպեց մրցակցին խաղը վերսկսել կենտրոնից:

Առաջին խաղակեսի ավարտից վեց րոպե առաջ Մաքսիմ Մայրովիչի գոլն ինչ– որ տեղ հույս տվեց «Նոայի» ֆուտբոլիստներին: Բայց հերթական սխալը պաշտպանությունում նորից վերականգնեց երեք գնդակի առավելությունը «Արարատ-Արմենիայի» օգտին:

Ուգուչուկվու Լուիս Օգանան դաձավ դուբլի հեղինակ, իսկ չեմպիոնը հաղթում էր 4:1 հաշվով:

Ընդհանրապես եզրափակիչներում հիմնականում ոչ գոլառատ հանդիպում է լինում: Թիմերը զգույշ են գործում պաշտպանությունում, խուսափելով սեփական դարպասը գնդակ ընդունելուց, ու համարյա միշտ գործում են թիկունքն ապահովագրելով:

Ամենախոշոր հաշիվը ֆուտբոլի Հայաստանի գավաթի խաղարկություններում գրանցվել էր 1995 թվականին, երբ «Արարատը»  4:2 հաշվով պարտության մատնեց «Կոտայքին»: Դժվար էր սպասել, որ «Նոա» - «Արարատ-Արմենիա» մրցավեճում խոշոր հաշիվ կգրանցվի: Բայց մինչև ընդմիջում գրանցվեց դարպասի հինգ գրավում:

Արագ գոլը ֆուտբոլում հաճախ է խորը հետք թողնում հանդիպման վերջնական արդյունքի վրա: Հաջողության հասած թիմը ոգևորության ալիքի ներքո կարողանում է զարգացնել ձեռք բերածը, իսկ գնդակ բաց թողած թիմը չի կարողանում ուշքի գալ:

 «Նոա» - «Արարատ-Արմենիա» խաղում դաշտի տեր համարվող «Նոայի» ֆուտբոլիստներն ութերորդ րոպեին հայտնվելով հետապնդողի դերում, շատ արագ կարող էին պատասխան գնդակը խփել: Բայց դա անել չհաջողվեց, իսկ պաշտպանությունում հաճախակի ձախողումներն ու անփույթ խաղը «Նոային» եզրափակիչի ավարտից մեկ ժամ առաջ փաստի առջև կանգնեցրին:

 Ճիշտ է, որոշակի ինտրիգ խաղի մեջ մտրեց Մաքսիմ Մայրովիչի գոլը, որը հաշիվը դարձրեց 1:3: Բայց այդ ինտրիգը շատ արագ մարեց:

Գավաթի խաղարկության լավագույն ռմբարկու Ուգուչուկվու Լուիս Օգանան խփեց իր ութերորդ գոլը՝1:4:

Բայց ամեն ինչ առջևում էր:

Շատերը մտածեցին, որ վերջ` «Արարատ-Արմենիան» կպահպանի երեք գնդակի առավելությունը, և այս խաղում հաղթողն արդեն վճռված է:

Սակայն «Նոան» գերկամային հատկանիշներ դրսևորելով` երկրորդ կեսի 21 րոպեների ընթացքում երեք գնդակ անցկացրեց «Արարատ-Արմենիայի» դարպասը: Վլադիմիր Ազարովի(11մ), Միխաիլ Կովալենկոյի և Դանու Սպատարուի գոլերից հետո վերականգնվեց հաշվի հավասարակշռությունը՝ 4:4: Հիմնական ժամանակն այս հաշվով էլ ավարտվեց, չնայած հաղթանակին ավելի մոտ էր «Նոան»:

Իսկ լրացուցիչ ժամանակում «Նոան» արդեն ուներ թվային առավելություն, քանի որ 93-րդ րոպեին «Արարատ-Արմենիայի» կազմում կարմիր քարտ սստացավ Ալֆոնսե Կոջոն:

Լրացուցիչ ժամանակում էլ կողմերը մեկական գնդակ փոխանակեցին: Ու երբ Վլադիմիր Ազարովի իրացրած երկրորդ 11 մետրանոցից հետո թվաց, որ հաղթելու է «Նոան», Յուսուֆ Օտուբանջոն նորից խփեց պատասխան գնդակը՝ 5:5: Հաղթողը որոշվեց 11 մետրանոց հարվածաշարով: Առաջին անգամ Հայաստանի գավաթակիր դարձավ «Նոան»:

Չորս օրից՝ հուլիսի 14-ին, «Նոա» - «Արարատ-Արմենիա» խաղում որոշվելու է Հայաստանի չեմպիոնը:

Գործող չեմպիոն «Արարատ-Արմենիային» իր տիտղոսը պաշտպանելու համար այդ խաղում բավարարում է ոչ-ոքի հաշիվը:

7