Տեսանյութում երևում է, որ շոուի մասնակիցները հաճույք են ստանում գնումներից։
Մրցույթի մասնակիցներն ակտիվ ժամանակ են անցկացնում, արդեն հասցրել են այցելել մանկական հոգենևրոլոգիական կենտրոն, ներկա են եղել «Աստանա» ֆուտբոլային ակումբի խաղին, ծանոթացել են քաղաքի տեսարժան վայրերին։
Ի դեպ, մրցույթին մասնակցում են միանգամից երկու հայուհիներ, որոնցից մեկը ներկայացնում է Ղրղըզստանը, մյուսը` Հայաստանը։
«Միսս ԱՊՀ 2018» միջազգային մրցույթը Աստանայում կտևի 10 օր` հուլիսի 17-27-ը։ ԱՊՀ ամենագեղեցիկ աղջկա տիտղոսի համար կպայքարեն 19 գեղեցկուհի Ղազախստանից, Ռուսաստանից, Վրաստանից, Ղրղըզստանից, Ուկրաինայից, Լատվիայից, Տաջիկստանից, Բելառուսից և Ուզբեկստանից։
Վրաստանը, Լատվիան և Ուկրաինան ԱՊՀ անդամներ չեն, ուստի այդ երկրների ներկայացուցիչները մրցույթին հրավիրվել են որպես հատուկ մասնակիցներ։
