Երևանի գլխավոր ճարտարապետը բացատրում է` որտեղ է այգու կառուցապատման նախագիծը. տեսանյութ

329
(Թարմացված է 16:42 16.05.2018)
Ցուցարարները երկու ճամբարի են բաժանվել` մի մասը փակել են քաղաքապետարանի երրորդ հարկը, մյուսները պարզաբանումներ են պահանջում Երևանի գլխավոր ճարտարապետից։

Երևանի քաղաքապետարան ներխուժած ցուցարարները բանակցություններ են վարում քաղաքի գլխավոր ճարտարապետ Տիգրան Բարսեղյանի հետ։ Նրանք ճարտարապետից պահանջում են անհապաղ ներկայացնել Մյասնիկյանի արձանի մերձակայքում գտնվող զբոսայգու հատակագծերն ու կառուցապատման նախագիծը։

«Գծագրերը մեզ մոտ չեն, դրանք արխիվում են։ Փորձում ենք կապ հաստատել արխիվի հետ, բայց չի հաջողվում։ Քանի դեռ դուք այստեղ էիք, ես հենց դրանով էի զբաղվում», — ցուցարարների հետ բանակցությունների ժամանակ ասաց Բարսեղյանը։

Նրա խոսքով` փորձել է կապ հաստատել նաև կառուցապատողի հետ, բայց չի կարողացել։ Բարսեղյանն առաջարկեց հանդիպել վաղը և քննարկել բոլոր հարցերը, ցուցարարները մերժեցին նրա առաջարկը։

Նշենք, որ Երևանի հիմնադրման 2800-ամյակի առիթով «Վարդանյան ընտանիք» բարեգործական հիմնադրամը Ալեքսանդր Մյասնիկյանի արձանի հետնամասում գտնվող այգում բարեկարգման աշխատանքներ է իրականացնում։ Քաղաքապետարանը հայտարարել է, որ մասնագետները թույլ են տվել հատել ծառերը, որպեսզի դրանք փոխարինվեն նորերով։

Հատված ծառերի լուսանկարները մեծ իրարանցում էին առաջացրել սոցիալական ցանցերում։ Այսօր առավոտից ցուցարարները հավաքվել էին այգու տարածքում։ Երևանի փոխքաղաքապետ Դավիթ Օհանյանը նրանց վստահեցեց, որ հատված ծառերի փոխարեն նորերն են տնկելու, բայց ակտիվիստներին չբավարարեցին այդ փաստարկները, և նրանք սկսեցի պատռել շինարարական պաստառները։

Նշենք, որ «Վարդանյան ընտանիք» բարեգործական հիմնադրամը հիմնական պահանջ էր դրել, որ այգին չտրամադրվի այլ անհատի կամ կազմակերպության և այգում առևտրային ոչ մի գործունեություն չիրականացվի:

Բարեգործական հիմնադրամը պարտավորվել է 99 տարի շարունակ զբաղվել այգու խնամքով և երեք միլիոն ԱՄՆ դոլարի ներդրում իրականացնել։


329
թեմա:
Բողոքի ակցիաներ Երևանում (22)

sys_stories