Ժենգյալով հացը լցոնում են կանաչու ավելի քան 10 տեսակով: Դրանց թվում են համեմը, կընձմընձյուկը, անանուխը, սոխը, եղինջը, սպանախը, սամիթը, բազուկի տերևները, ավելուկը, պռավու պորտը (պառավի պորտ), ճըռճըռոկը, կտավատի երիտասարդ տերևները, խաղողի երիտասարդ տերևները և այլն:
Կանաչեղենը մանր կտրատում են, խառնում, ծածկում սրբիչով, որ չթառամի:
Հետո անցնում են խմորի պատրաստմանը: Դրա համար անհրաժեշտ է ալյուր, գոլ ջուր, աղ:
Խմորը ծածկում են սրբիչով, մոտ կես ժամ թողնում տաք տեղում:
Կտրատված կանաչին ավելացվում է խմորի մեջ, խմորի եզրերը փակվում, ապա այն թխվում է կրակին դրված «սաջ» կոչվող երկաթե կտորի վրա։
Ժենգյալով հացը կարելի է մատուցել կարմիր գինու, գարեջրի կամ թանի հետ։
