(2:31 / 18.70Mb / )

Պատկերացնո՞ւմ եք, որ դեպուտատներն էլ այդպես քվեարկեին. Սարգսյանը՝ շախմատիստներին

39
(Թարմացված է 22:20 08.07.2017)
Հայաստանի շախմատի ֆեդերացիայի հաշվետու-ընտրական կոնֆերանսը մեկնարկեց վերջին չորս տարվա ընթացքում կյանքից հեռացած գործընկերների՝ Աշոտ Անաստասյանի, Գագիկ Հովհաննիսյանի, Ստեփան Ավագյանի, Արմեն Նիկողոսյանի, Էդուարդ Մնացականյանի, Ռոբերտ Բունիաթյանի և Ալբերտ Արուտյունովի հիշատակը հարգող մեկ րոպե լռությամբ:

Հետո տեղի ունեցան ֆեդերացիայի ղեկավար մարմինների՝ նախագահի և նախագահության կազմի ընտրությունները: Հայաստանի շախմատի ֆեդերացիայի նախագահի պաշտոնում միաձայն վերընտրվել է Հայաստանի Հանրապետության նախագահ Սերժ Սարգսյանը: Կոնֆերանսի պատվիրակները քննարկել և հաստատել են ֆեդերացիայի նախագահության և վերստուգիչ հանձնաժողովի կազմերը:

«Պատկերացնու՞մ եք, որ դեպուտատներն էլ այդպես քվեարկեին»,- ժպիտով ասաց նախագահը:

Կոնֆերանսի ժամանակ նախագահին զեկուցեցին, որ ընդհանուր առմամբ շախմատի դասընթացների անցկացումը դրական է գնահատվում: Չնայած կան խնդիրներ, բայց դրանք լուծվող են համարվում:

Նախագահն իր հերթին շեշտեց, որ շախմատը սովորեցնում է արդար հաղթել ու արդար պարտվել: Եթե հանրության թեկուզ հինգ տոկոսն այդ տրամաբանությամբ շարժվի, մեր երկիրը զարգանալու բազում հնարավորություններ կունենա:

39

sys_stories