(1:06 / 7.56Mb / )

Մեր օրերի մեծագույն դաշնակահարն ընտրեց Երևանը

17
(Թարմացված է 23:34 03.07.2017)
Աշխարհահռչակ դաշնակահար Արկադի Վոլոդոսն առաջին անգամ մեր տարածաշրջան է ժամանել: Արամ Խաչատրյան մեծ համերգասրահում կայացավ նրա բացառիկ մենահամերգը:

«Երևանյան հեռանկարներ» փառատոնի իրադարձային համերգներից մեկը տեղի ունեցավ հուլիսի 3-ին: Վիրտուոզ դաշնակահար Արկադի Վոլոդոսը կատարեց Շոպենի, Բրամսի և Շուբերտի ստեղծագործությունները:

The Independent-ը նրա մասին գրել է. «Արկադի Վոլոդոս՝ ստեղնաշարային քնարերգու` համեմատությունից դուրս»:

Նա այն երաժիշտներից է, որը հատուկենտ և փոքրաթիվ համերգներ է տալիս տարվա ընթացքում, հակառակ այն անվերջ հետաքրքրության, որ նրա հանդեպ ունեն աշխարհի առաջատար փառատոները: Վոլոդոսն ընտրում է այն քաղաքները, որտեղ նրան հաճելի է հանդես գալը, և շարունակաբար մերժում առավել հեռու գտնվող քաղաքներում ելույթ ունենալու հրավերները:

Վոլոդոսն ունի ամեն ինչ- երևակայություն, կիրք և ֆենոմենալ տեխնիկա, որոնց միջոցով նա դուրս է հանում իր գաղափարները դաշնամուրի վրա: Նրա անսահման վիրտուոզությունը, միավորվելով ռիթմի, գույների և բանաստեղծականության յուրահատուկ զգացողության հետ, դարձնում են Վոլոդոսին տպավորիչ պատմությունների և անվերջանալի աշխարհների «բանասաց»։

«Երևանյան հեռանկարներ» փառատոնը հիմնադրվել է 2000 թ.-ին, այսօր հանդիսանում է Եվրոպայի լավագույն փառատոներից մեկը: Հիմնադիր նախագահն ու գեղարվեստական ղեկավարն է կոմպոզիտոր Ստեփան Ռոստոմյանը:

Փառատոնն անցկացվում է ՀՀ նախագահ Սերժ Սարգսյանի բարձր հովանու ներքո:

17

sys_stories