Հավերժացած հայերը ցնցուղ ընդունեցին
(Թարմացված է 16:40 08.10.2016)
Երևանի 2798-ամյակի կապակցությամբ մայրաքաղաքի հուշարձանները «լողացան» ջրցան մեքենաներից ցայտող ջրով:Sputnik Արմենիայի թղթակիցները ներկա էին մայրաքաղաքի կենտրոնում գտնվող Արամ Խաչատրյանի, Ալեքսանդր Թամանյանի և Վիլյամ Սարոյանի արձանների «ջրային պրոցեդուրաներին»: Հրշեջները ջրցան խողովակը վստահել էին կամավորներից մեկին, որը սկզբում անվստահ շարժումներով, հետո ավելի ոգևորությամբ սկսեց ջրել Արամ Խաչատրյանին: Այնուհետև երեխաները բարձրացան արձանի վրա և սկսեցին լվանալ այն:
«Թևերի տակ ավելի լավ լվա», — առանց կոմպոզիտորից ամաչելու իրար հետ կատակ արեցին երեխաները:
Արձանի կողքին մի տատիկ զրույցի էր բռնվել կոստյումով տղամարդու հետ, զրուցում էին այն մասին, որ 21-րդ դարում կինն ու տղամարդը խառնվել են իրար, և «արդեն հասկանալի չէ, թե ով ով է…»: Արձաններից յուրաքանչյուրի մոտ պատահական անցորդների խումբ էր հավաքված:
Թամանյանի արձանի մոտ էլ երեխաներ էին խաղում։ Արձանը ջրելու պահին նրանցից մի քանիսն էլ իրենց ծնողների հետ «միացան» հայտնի ճարտարապետի «լոգանքին»։
Մաքուր ու հպարտ կանգնած Սարոյանի արձանի մոտ կամավորներից մեկին հարցրինք, թե ի՞նչ հրապուրիչ բան կա արձան լվալու մեջ։
«Ախր զվարճալի է», — ասաց Մելինեն` նշելով, որ արդեն երկրորդ տարին է մասնակցում արձանների լվացման ակցիային:
Երևանի ծննդյան օրը մայրաքաղաքի հուշարձանների լվացումը «Էրեբունի-Երևան» տոնակատարության շրջանակում ընդգրկված ավանդույթներից է։
Արձանների լվացման առաքելությունն այս տարի ևս սիրով ստանձնել են տարբեր ՀԿ-ների անդամներն ու դպրոցականները։
Սարյանի արձանի լվանալուց հետո էր արդեն, երբ մի կին` երեխայի ձեռքը բռնած, անցնում էր արձանի մոտով։
«Այ քեզ ցուցամոլություն, իբր բան են անում…», — ասաց նա ու շարունակեց ճանապարհը…
Հայկական «X-100» կայանը կխափանի ԱԹՍ-ների և այլ սարքերի աշխատանքը
(Թարմացված է 11:18 03.03.2021)
Նախարարը տեղեկացրել է, որ ռազմարդյունաբերական համալիրի մշակումներին կարելի է ծանոթանալ մարտի 25-27-ն անցկացվող միջազգային ցուցահանդեսում։
ՀՀ բարձր տեխնոլոգիական արդյունաբերության նախարար Հակոբ Արշակյանը Facebook-ի իր էջում ներկայացրել է հայկական արտադրության արբանյակային տեղորոշման համակարգերի ճնշման ռադիոէլեկտրոնային պայքարի (ՌԷՊ) «X-100» կայանը։
«Կայանի նպատակն է ազդել արբանյակային տեղորոշման GPS, GLONASS և այլ տեսակի համակարգերի վրա՝ ԱԹՍ-ների և այլ սարքերի տեղորոշման համակարգերի աշխատանքը մինչև 100կմ հեռավորությամբ խափանելու նպատակով»,-նշել է Արշակյանը:
Նա տեղեկացրել է, որ ռազմարդյունաբերական համալիրի այս և այլ մշակումներին մարդիկ կարելի է ծանոթանալ մարտի 25-27 Երևանի Կ. Դեմիրճյանի անվան մարզահամերգային համալիրում անցկացվող «Արմհայթեք» սպառազինության և պաշտպանական տեխնոլոգիաների միջազգային ցուցահանդեսում։
Հիշեցնենք` փետրվարի 9–ին հրավիրած տարեկան ամփոփիչ ասուլիսում Հակոբ Արշակյանը հայտարարեց, որ 2021թ-ին արդեն իսկ իվիճակի կլինեն մեր տեղական ռազմական պահանջարկն ամբողջությամբ բավարարել և հրետանային միջոցների ու արկերի արտադրությունն ամբողջությամբ կազմակերպել Հայաստանում:
Նախարարը շեշտեց, որ հաջողություններ կան նաև անօդաչու թռչող սարքերի արտադրության ոլորտում՝ ինչպես հարվածային, այնպես էլ՝ հետախուզական:
Հակոբ Արշակյանն արաբ գործընկերոջը հրավիրել է մասնակցելու ArmHiTec2021-ին
Հայկական կոնյակի դեմ մեծ աշխատանք է տարվում, իսկ գինին կարող է համաշխարհային բրենդ դառնալ
(Թարմացված է 09:41 03.03.2021)
Որտեղ են և որոնք են Հայաստանի գինեգործական հազարամյա ավանդույթների վերածնման հնարավորությունները։ «Բիզնեսի դիալեկտիկա» հաղորդաշարի հյուրն է Իջևանի գինու և կոնյակի գործարանի գործադիր տնօրեն Ատոմ Եգորյանը։ «Հայկական գինին բրենդ դարձնելու հնարավորությունը հենց մեր հողում է, որի համար անհրաժեշտ է, որ գինեգործներն առավելապես աշխատեն միմիայն հայկական` էնդեմիկ խաղողի սորտերով»,– կարծում է Իջևանի գինու և կոնյակի գործարանի գործադիր տնօրենը։
Ի՞նչ ենք մենք ուտում․ հայ գիտնականները հաստատել են անուրախ ենթադրությունները
Ատոմ Եգորյանի խոսքով` միջազգային շուկայում հայ գինեգործներն ապացուցել են, որ հայկական գինին լուրջ մարտահրավերներ կարող է նետել մրցակիցներին, հետևաբար գինեգործությանը է՛լ ավելի մեծ ուշադրություն պետք է հատկացնել։
«Հավի ոտքերի վրա». ինչու են հայաստանյան թռչնաֆաբրիկաները դոփում տեղում
Այնուամենայնիվ, ըստ հյուրի, մեր հիմնական մրցակցային առավելությունը հայկական կոնյակն է՝ չնայած աշխարհում մեծ աշխատանք է տարվում «հայկական կոնյակ» բրենդի դեմ։
Հայաստանից արտահանվող գինին ու կոնյակը խնդրի են բախվել. հարցը քննարկվում է ԵԱՏՄ–ում