Ինչպես ճիշտ օգտվել հրատեխնիկայից. փորձագետի խորհուրդները

Ամանորն ուրախություն է և տոն, նաև` հրատեխնիկայի տոն։ Սակայն տարբեր «հրե» սարքեր օգտագործելիս անհրաժեշտ է խստորեն պահպանել անվտանգության կանոնները, որպեսզի այրվածքներն ու ծանր վնասվածքները չստվերեն Նոր տարվա տոնական տրամադրությունը։

Հրատեխնիկայի մասնագետ Սերգեյ Սիմոնյանի խոսքով` պետք է միշտ տարածություն պահել, պատրույգը վառել մեկնած ձեռքի հեռավորության վրա և չմոտենալ, եթե բռնկումն ուշանում է։ Մասնագետի խոսքով` հրատեխնիկայի օգտագործման ամենակարևոր պայմանը սթափ վիճակում գտնվելն է։